മൈക്രോസോഫ്റ്റ് സിഇഒ സത്യ നടെല്ലയ്ക്ക് 2019 സാമ്പത്തിക വർഷത്തിൽ കമ്പനിയിൽ വാഗ്ദാനം ചെയ്തത് 42.9 മില്യൺ ഡോളർ. മുൻ സാമ്പത്തിക വർഷത്തേക്കാൾ 66 ശതമാനം ശമ്പള വർദ്ധനവാണ് നടെല്ല നേടിയിരിക്കുന്നത്. അടിസ്ഥാന ശമ്പളത്തിൽ ഒരു മില്യൺ ഡോളറിന്റെ വർദ്ധനവും ഓഹരികളുടെ വർദ്ധനവുമാണ് ശമ്പളം കുതിച്ചുയരാൻ കാരണം.
നടെല്ലയുടെ നേതൃത്വം
ഉപഭോക്താക്കളുടെ വിശ്വാസം ശക്തിപ്പെടുത്തുന്നതിനും, കമ്പനിയിലുടനീളമുള്ള സംസ്കാരത്തിൽ മാറ്റങ്ങൾ വരുത്തുന്നതിനും പുതിയ സാങ്കേതികവിദ്യകളിലേക്കും വിപണികളിലേക്കും വിജയകരമായി പ്രവേശിക്കുന്നതിനും മൈക്രോസോഫ്ടിന് നടെല്ലയുടെ തന്ത്രപരമായ നേതൃത്വം സഹായിച്ചിട്ടുണ്ടെന്ന് മൈക്രോസോഫ്റ്റിന്റെ സ്വതന്ത്ര ഡയറക്ടർമാർ ബുധനാഴ്ച പുറത്തിറക്കിയ പ്രോക്സി പ്രസ്താവനയിൽ പറയുന്നു.
ഏറ്റവും ഉയർന്ന ശമ്പളം
2014 ൽ സ്റ്റീവ് ബാൽമറിൽ നിന്ന് ചുമതലയേറ്റപ്പോൾ 84.3 മില്യൺ ഡോളറാണ് ആ സാമ്പത്തിക വർഷം നടെല്ല സ്വന്തമാക്കിയത്. ഇത് ഒരു സാമ്പത്തിക വർഷത്തിൽ ഇദ്ദേഹം നേടുന്ന ഏറ്റവും ഉയർന്ന വരുമാനമാണ്. 2019 സാമ്പത്തിക വർഷത്തിൽ കമ്പനിയുടെ ശരാശരി ജീവനക്കാരന് (സിഇഒ ഒഴികെയുള്ള) വാർഷിക ശമ്പളം 172,512 ഡോളറാണെന്നും കമ്പനി അറിയിച്ചു.
മൈക്രോസോഫ്ടും കേരളത്തിലേയ്ക്ക്; അഞ്ചു വർഷം കൊണ്ട് 25 ലക്ഷം തൊഴിലവസരങ്ങൾ
മൈക്രോസോഫ്ടിന്റെ വരുമാനം
2019 സാമ്പത്തിക വർഷത്തിൽ മൈക്രോസോഫ്റ്റ് 125.8 ബില്യൺ ഡോളർ വരുമാനമാണ് നേടിയിരിക്കുന്നത്. 14 ശതമാനം വർദ്ധിച്ച് 39.2 ബില്യൺ ഡോളറിന്റെ അറ്റവരുമാനവും കമ്പനി നേടി. ഒരു ട്രില്യൺ ഡോളർ കമ്പനിയായി തുടരുന്ന മൈക്രോസോഫ്റ്റ്, 2019 സാമ്പത്തിക വർഷത്തിന്റെ നാലാം പാദത്തിൽ 7.7 ബില്യൺ ഡോളർ ഓഹരി ഉടമകൾക്ക് തിരിച്ചുനൽകുകയും ലാഭവിഹിതം നൽകുകയും ചെയ്തിരുന്നു.
ജീവനക്കാരെ പിരിച്ചുവിടാന് ഒരുങ്ങി ആറ് കമ്പനികള്
ഉയർന്ന ശമ്പളമുള്ള സി.ഇ.ഒ
അമേരിക്കയിലെ ഏറ്റവും ഉയർന്ന ശമ്പളമുള്ള സിഇഒമാരിൽ മുൻ നിരക്കാരനാണ് സത്യ നടെല്ല. 200ഓളം പേരുടെ ലിസ്റ്റിൽ നാലാം സ്ഥാനക്കാരനാണ് ഇദ്ദേഹം. 1967 ഓഗസ്റ്റ് 19 ന് ഹൈദരാബാദിലാണ് സത്യ നടെല്ലയുടെ ജനനം. അച്ഛൻ ബിഎൻ യുഗന്ദർ മുൻ ഐ.എ.എസ് ഓഫീസറാണ്. പ്രധാനമന്ത്രിയുടെ സ്പെഷ്യൽ സെക്രട്ടറിയും, ആസൂത്രണ കമ്മീഷൻ അംഗമായും ഇദ്ദേഹം പ്രവർത്തിച്ചിട്ടുണ്ട്. മൈക്രോസോഫ്ടിൽ ചേർന്ന അതേ വർഷം തന്നെ തന്റെ സഹപാഠിയായ അനുപമയെ അദ്ദേഹം വിവാഹം ചെയ്തു. ഇവർക്ക് മൂന്ന് മക്കളാണുള്ളത്.
മൈക്രോസോഫ്ട് സിഇഒ സത്യ നടെല്ലയെക്കുറിച്ച് നിങ്ങൾക്കറിയാത്ത ചില കാര്യങ്ങൾ
malayalam.goodreturns.in