Click it and Unblock the Notifications
കൊവിഡ് 19 മഹാമാരി അവസാനിച്ചതിന് ശേഷവും ഡെല് ടെക്നോളജീസിലെ 50 ശതമാനം ജീവനക്കാരും വീട്ടിലിരുന്ന് ജോലി ചെയ്യുന്നത് (വര്ക്ക് ഫ്രം ഹോം) തുടരുമെന്ന് ഡെല് ഏഷ്യാ-പസഫിക്, ജപ്പാന് മേഖലാ പ്രസിഡന്റ് അമിത് മിധ വ്യക്തമാക്കി. ഇന്ത്യയിലെ സ്ഥിതി നിലവിലെ ആഗോള പ്രവണതകള്ക്ക് സമാനമാണ്, ഡെല് ഓരോ രാജ്യത്തിനും പ്രത്യേക നിയന്ത്രണങ്ങളായിരിക്കും പാലിക്കുക.
2020 മാര്ച്ച് പകുതിയോടെ, ഡെല്ലിന്റെ ആഗോള ജീവനക്കാരില് 90 ശതമാനം പേരും വീട്ടിലിരുന്നാണ് ജോലി ചെയ്യുന്നത്. ഇന്ത്യയില് ഈ സംഖ്യ 100 ശതമാനത്തിന് അടുത്തായിരുന്നു. അടുത്തിടെ കമ്പനി ഒരു തത്സമയ ഡാറ്റ അധിഷ്ഠിത ഡാഷ്ബോര്ഡ് സൃഷ്ടിക്കുകയുണ്ടായി. ഇത് 'വിപരീത റിസ്ക് മാട്രിക്സ്' എന്നറിയപ്പെടുന്നു, സാഹചര്യം വിലയിരുത്തുന്നതിനും ഡെല് വിളിക്കുന്നതുപോലെ ഓഫീസിലേക്കോ സൈറ്റിലേക്കോ മടങ്ങുന്നതിന് ഉചിതമായ തീരുമാനങ്ങള് എടുക്കുന്നതിനും ഇത് സഹായിക്കുന്നു.
വിശ്വസനീയമായ സ്രോതസ്സുകളായ ജോണ്സ് ഹോപ്കിന്സ്, സെന്റര് ഫോര് ഡിസീസ് കണ്ട്രോള്, ലോകാരോഗ്യ സംഘടന എന്നിവയില് നിന്നുള്ള വിവരങ്ങളാണ് മാട്രിക്സ് ഉപയോഗിക്കുന്നത്. ഈ വിവരങ്ങള് അഥവാ ഡാറ്റ, സ്വപ്രേരിതമായി പുതുക്കുകയും പ്രതിദിനം ഒന്നിലധികം തവണ പരിശോധിക്കുകയും ചെയ്യുന്നു. സൈറ്റുകളിലേക്ക് സുരക്ഷിതമായി മടങ്ങാന് ജീവനക്കാരെ സഹായിക്കുക മാത്രമല്ല, ഓഫീസുകളില് സുരക്ഷയോടെ തുടരാനും യാത്രയെയും ഇവന്റുകളെയും കുറിച്ച് ഉചിതമായ തീരുമാനങ്ങള് എടുക്കാനും ഈ സംവിധാനം സഹായിക്കുന്നുവെന്ന് മിധ കൂട്ടിച്ചേര്ത്തു.
വീട്ടിലിരുന്നുള്ള ജോലി സൗകര്യം തങ്ങളുടെ ജീവനക്കാരുടെ പ്രവര്ത്തനങ്ങളെയും ഉല്പാദനക്ഷമതയെയും പ്രതികൂലമായി ബാധിച്ചിട്ടില്ലെന്ന് ഡെല് പറയുന്നു. വാസ്തവത്തില്, സൗകര്യപ്രദമായ പ്രവര്ത്തനരീതികള് നല്കുമ്പോഴാണ് ജീവനക്കാര് കൂടുതല് ഉല്പാദനക്ഷമതയുള്ളവരാകുന്നതെന്ന് മിധ വ്യക്തമാക്കി. ഡെല്ലിന്റെ 'കണക്റ്റഡ് വര്ക്ക്പ്ലേസ് മാതൃകയില്' ജീവനക്കാര് വളരെയധികം സൗകര്യപ്രദമായി തൊഴില് അന്തരീക്ഷത്തില് സഹകരിക്കുന്നു.
ഇത് തങ്ങളുടെ ഉപഭോക്താക്കളുമായും പങ്കാളികളുമായും മറ്റു ടീം അംഗങ്ങളുമായി ചേര്ന്ന് മെച്ചപ്പെട്ട പ്രവര്ത്തനം കാഴ്ചവെക്കുന്നതിനും കമ്പനി ഉല്പാദനക്ഷമത ഉയര്ത്താന് സഹായിക്കുന്നതിനും അവരെ പ്രാപ്തരാക്കുന്നു. ജീവനക്കാര് വീട്ടിലിരുന്ന് ജോലിചെയ്യുന്ന സാഹചര്യത്തില്, സൈബര് സുരക്ഷാ ഭീഷണികളുടെ കാര്യത്തിലും തങ്ങള് ബോധവാന്മാരാണെന്നും ഡെല് കൂട്ടിച്ചേര്ത്തു.
More From GoodReturns
പശ്ചിമേഷ്യന് പ്രതിസന്ധി: കയറ്റുമതി മുടങ്ങി, ഗള്ഫ് മലയാളികള് അമിത വിലയ്ക്ക് പച്ചക്കറി വാങ്ങേണ്ടിവരും
ബെംഗളൂരു മലയാളികൾ ശ്രദ്ധിക്കണം, വരാനിരിക്കുന്നത് വൻപ്രതിസന്ധികൾ, ഇക്കാര്യങ്ങൾ അറിഞ്ഞില്ലെങ്കിൽ പണി കിട്ടും
ബെംഗളൂരു മലയാളികൾക്ക് കോളടിച്ചു, ഇനി കുറഞ്ഞ ചിലവിൽ ഭക്ഷണം കിട്ടും, അതും ഏറ്റവും വേഗത്തിൽ
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
മംഗലാപുരം-രാമേശ്വരം ട്രെയിന്: പാമ്പന്പാലത്തിലൂടെയൊരു അപൂര്വ്വ തീര്ത്ഥയാത്ര, കേരളത്തിലെ സ്റ്റോപ്പുകളിതാ
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
സ്ത്രീകൾക്ക് സൗജന്യ ബസ് യാത്രയ്ക്കായി ഡൽഹി പിങ്ക് സഹേലി സ്മാർട്ട് കാർഡ് പുറത്തിറക്കി
പവന് കുറഞ്ഞത് 7000 രൂപ, ജ്വല്ലറികളിൽ സ്വർണം വാങ്ങാൻ തിരക്കേറുന്നു, ആഭരണം വാങ്ങാൻ 1.5 ലക്ഷം വേണ്ട
Sign in with Google