അറിഞ്ഞോ, നാളെ മുതൽ എയർടെൽ കോൾ, ഡാറ്റാ ചാർജുകൾ 42 ശതമാനം വരെ ഉയരും

പ്രീ-പെയ്ഡ് ഉപഭോക്താക്കൾക്കായി ഡിസംബർ 3 മുതൽ കോൾ, ഡാറ്റാ പ്ലാൻ ചാർജുകൾ ഉയർത്തുമെന്ന് ടെലികോം ഓപ്പറേറ്റർ ഭാരതി എയർടെൽ അറിയിച്ചു. വോഡഫോൺ ഐഡിയയ്ക്ക് ശേഷം താരിഫ് വർദ്ധനവ് പ്രഖ്യാപിക്കുന്ന രണ്ടാമത്തെ കമ്പനിയാണ് എയർടെൽ. 2019 ഡിസംബർ 3 മുതൽ പുതിയ താരിഫുകൾ ബാധകമാകുമെന്ന് കമ്പനി പ്രസ്താവനയിൽ അറിയിച്ചു.

42% വർദ്ധനവ്

അൺലിമിറ്റഡ് വിഭാഗത്തിലെ പ്ലാനുകൾക്ക് എയർടെൽ പ്രീ-പെയ്ഡ് ഉപഭോക്താക്കൾക്ക് ഇപ്പോൾ നൽകുന്ന വിലയുമായി താരതമ്യപ്പെടുത്തുമ്പോൾ 42% വരെ നിരക്ക് വർദ്ധനവ് ബാധകമാകുമെന്നാണ് കമ്പനി പ്രഖ്യാപിച്ചിരിക്കുന്നത്. അതായത് എയർടെല്ലിന്റെ പുതിയ പ്ലാനുകൾ, പ്രതിദിനം 50 പൈസയുടെ പരിധിയിൽ നിന്ന് പ്രതിദിനം 2.85 രൂപ താരിഫ് വർദ്ധനവിലേയ്ക്ക് ഉയരുമെന്നാണ് കമ്പനി അറിയിച്ചിരിക്കുന്നത്.

കോൾ ഓഫർ

28 ദിവസത്തെ സാധുതയുള്ള പ്ലാനുകളുടെ കാര്യത്തിൽ മറ്റ് നെറ്റ്‌വർക്കുകളിലേക്ക് 1,000 മിനിറ്റും 84 ദിവസത്തെ വാലിഡിറ്റി പ്ലാനുകളിൽ 3,000 മിനിട്ടും 365 ദിവസത്തെ വാലിഡിറ്റി പ്ലാനിൽ 12,000 മിനിട്ടും കോൾ എയർടെൽ വാഗ്ദാനം ചെയ്യുന്നുണ്ട്. ഈ പരിധിക്കപ്പുറമുള്ള ഔട്ട്‌ഗോയിംഗ് കോളുകൾക്ക് ഉപഭോക്താവ് മിനിറ്റിന് 6 പൈസ നൽകേണ്ടതുണ്ട്. എയർടെൽ ഉപയോക്താക്കൾക്ക് ലഭിക്കുന്ന പ്രധാന താരിഫ് ഓപ്ഷനുകൾ താഴെ പറയുന്നവയാണ്.

100 രൂപയിൽ താഴെ

• 19 രൂപ: പരിധിയില്ലാത്ത കോളുകൾ 100 എസ്എംഎസ്, 150 എംബി ഡാറ്റ, രണ്ട് ദിവസത്തെ വാലിഡിറ്റി
• 49 രൂപ: 38.52 രൂപയുടെ ടോക്ക്ടൈം, 100 എംബി ഡാറ്റ, 28 ദിവസം കാലാവധി
• 79 രൂപ: 63.95 രൂപയുടെ ടോക്ക്ടൈം, 200 എംബി ഡാറ്റ, 28 ദിവസം കാലാവധി

300 രൂപയിൽ താഴെ

• 148 രൂപ: പരിധിയില്ലാത്ത കോളിംഗ്, 300 സൌജന്യ എസ്എംഎസ്, 2 ജിബി ഡാറ്റ, 28 ദിവസം വാലിഡിറ്റി
• 248 രൂപ: പരിധിയില്ലാത്ത കോളിംഗ്, പ്രതിദിനം 100 എസ്എംഎസ്, പ്രതിദിനം 1.5 ജിബി ഡാറ്റ, 28 ദിവസം കാലാവധി
• 298 രൂപ: പ്രതിദിനം 2 ജിബി ഡാറ്റ, പരിധിയില്ലാത്ത കോളിംഗ്, 28 ദിവസം വാലിഡിറ്റി, 100 എസ്എംഎസ്

1000 രൂപയിൽ താഴെ

• 598 രൂപ: 84 ദിവസം വാലിഡിറ്റി, പ്രതിദിനം 1.5 ജിബി ഡാറ്റ, പ്രതിദിനം 100 എസ്എംഎസ്, പരിധിയില്ലാത്ത കോളിംഗ്
• 698 രൂപ: 84 ദിവസത്തെ കാലാവധി, പ്രതിദിനം 2 ജിബി ഡാറ്റ, പ്രതിദിനം 100 എസ്എംഎസ്, പരിധിയില്ലാത്ത കോളിംഗ്

1000 രൂപയ്ക്ക് മുകളിൽ

• 1498 രൂപ: 365 ദിവസം വാലിഡിറ്റി, പരിധിയില്ലാത്ത കോളിംഗ്, 24 ജിബി ഡാറ്റ, 3600 എസ്എംഎസ്
• 2398 രൂപ: ഒരു വർഷം വാലിഡിറ്റി, പ്രതിദിനം 1.5 ജിബി ഡാറ്റ, പരിധിയില്ലാത്ത കോളിംഗ്, ദിവസവും 100 എസ്എംഎസ്

മറ്റ് ചില ആനുകൂല്യങ്ങൾ

താരിഫ് ഉയർത്തിയാലും മറ്റ് ചില ആനുകൂല്യങ്ങൾ കൂടി കമ്പനി വാഗ്ദാനം ചെയ്തിട്ടുണ്ട്. എയർടെൽ എക്സ്സ്ട്രീമിൽ നിന്ന് പ്രീമിയം ഉള്ളടക്കത്തിലേക്ക് പ്രവേശനം പ്രാപ്തമാക്കുന്ന എയർടെൽ താങ്ക്സ് പ്ലാറ്റ്ഫോമിന്റെ ഭാഗമായി എക്സ്ക്ലൂസീവ് ആനുകൂല്യങ്ങൾ നൽകുമെന്നാണ് എയർടെൽ വ്യക്തമാക്കിയിരിക്കുന്നത്. 10,000 സിനിമകൾ, എക്സ്ക്ലൂസീവ് ഷോകൾ, 400 ടിവി ചാനലുകൾ, വിങ്ക് മ്യൂസിക്, ആന്റി- വൈറസ് പരിരക്ഷ ഇവയൊക്കെ ഇതിൽപ്പെടുന്നു.