എയർടെൽ, ജിയോ, വോഡഫോൺ-ഐഡിയ പ്രീപെയ്ഡ് പ്ലാനുകൾ: പുതിയതും പുതുക്കിയതുമായ ഓഫറുകൾ

എയർടെൽ, ജിയോ അല്ലെങ്കിൽ വോഡഫോൺ-ഐഡിയ എന്നിവയിൽ ഏതെങ്കിലും ടെലികോം വരിക്കാരാണ് നിങ്ങൾ എങ്കിൽ നിങ്ങൾക്ക് പ്രയോജനകരമായ ചില കാര്യങ്ങൾ ഇതാ.. ഓപ്പറേറ്റർമാർ വളരെയധികം മത്സരാധിഷ്ഠിത വിപണിയിൽ റീച്ചാ‍ർജ് പ്ലാനുകൾ പുന:ക്രമീകരിക്കുന്നതിനാൽ പരസ്പരം മത്സരം നിലനിർത്തുന്നതിനുള്ള ചില പ്ലാനുകളും അവർ നിലിനിർത്തുന്നുണ്ട്. ഉപഭോക്താക്കളെ ആകർഷിക്കുന്നതിനും അവ നിലനിർത്തുന്നതിനുമായി നിരവധി ആനുകൂല്യങ്ങളോടെയാണ് വരിക്കാർക്ക് താരിഫ് പ്ലാനുകൾ വാഗ്ദാനം ചെയ്യുന്നത്.

റിലയൻസ് ജിയോ ക്രിക്കറ്റ് പ്ലാൻ

റിലയൻസ് ജിയോ വരിക്കാർക്ക്, രണ്ട് പുതിയ പ്ലാനുകൾ ‘ക്രിക്കറ്റ് ധനാ ധൻ ജിയോ ധനാ ധൻ' ഓഫറിന് കീഴിൽ ലഭ്യമാണ്. പ്ലാൻ അനുസരിച്ച്, നിങ്ങൾക്ക് ഡിസ്നി + ഹോട്ട്സ്റ്റാർ വിഐപിയിലേക്ക് സൌജന്യ സബ്സ്ക്രിപ്ഷൻ ലഭിക്കും. പുതിയ പ്ലാനുകളുടെ വില 499 രൂപയും 777 രൂപയുമാണ് ഉപഭോക്താക്കൾക്ക് ഡിസ്നി + ഹോട്ട്സ്റ്റാർ വിഐപി, കോളിംഗ് ആനുകൂല്യങ്ങൾ, ഡാറ്റാ ആനുകൂല്യങ്ങൾ, സൌജന്യ എസ്എംഎസുകൾ എന്നിവയിലേക്ക് സൌജന്യ ആക്സസ് ലഭിക്കും.

ക്രിക്കറ്റ് പ്ലാൻ പ്രത്യേകതകൾ

499 രൂപയുടെ ക്രിക്കറ്റ് പ്ലാൻ പ്രകാരം 56 ദിവസത്തേക്ക് ജിയോ വരിക്കാർക്ക് 1.5 ജിബി പ്രതിദിന ഹൈ സ്പീഡ് ഡാറ്റ വാഗ്ദാനം ചെയ്യുന്നു. പ്ലാൻ കോളിംഗ് അല്ലെങ്കിൽ എസ്എംഎസ് ആനുകൂല്യങ്ങളും വാഗ്ദാനം ചെയ്യുന്നില്ല. 777 രൂപ പ്ലാൻ ഉപഭോക്താക്കൾക്ക് 5 ജിബി അധിക ഡാറ്റ, പരിധിയില്ലാത്ത ജിയോ ടു ജിയോ കോളുകൾ, പ്രതിദിനം 100 കോംപ്ലിമെന്ററി എസ്എംഎസ് എന്നിവ ഉപയോഗിച്ച് 1.5 ജിബി ഹൈ സ്പീഡ് ഡാറ്റ വാഗ്ദാനം ചെയ്യുന്നു. 84 ദിവസത്തെ സാധുതയോടെയാണ് പദ്ധതി വരുന്നത്.

എയർടെൽ പ്രീപെയ്ഡ് താരിഫ് പ്ലാനുകൾ

തിരഞ്ഞെടുത്ത സർക്കിളുകൾക്കായി മെയ് മാസത്തിൽ 129, 199 രൂപ പ്രീപെയ്ഡ് താരിഫ് പ്ലാനുകൾ അവതരിപ്പിച്ച രണ്ടാമത്തെ വലിയ ടെലികോം ഓപ്പറേറ്ററാണ് എയർടെൽ. ഏത് സർക്കിളിലുമുള്ള ആളുകൾക്കും ഈ പ്ലാൻ സബ്‌സ്‌ക്രൈബുചെയ്യാനാകും. 129 രൂപ പ്ലാൻ അനുസരിച്ച് നിങ്ങൾക്ക് 1 ജിബി ഹൈ സ്പീഡ് ഡാറ്റ, പരിധിയില്ലാത്ത കോളുകൾ, 300 എസ്എംഎസ് എന്നിവ ലഭിക്കും. 199 രൂപ പ്ലാൻ നിങ്ങൾക്ക് 1 ജിബി പ്രതിദിന ഹൈ സ്പീഡ് ഡാറ്റ, പരിധിയില്ലാത്ത കോളുകൾ, 100 പ്രതിദിന കോംപ്ലിമെന്ററി എസ്എംഎസുകൾ എന്നിവ വാഗ്ദാനം ചെയ്യുന്നു. രണ്ട് പ്ലാനുകൾക്കും 24 ദിവസത്തെ സാധുതയുണ്ട്, കൂടാതെ എയർടെൽ എക്സ്സ്ട്രീം, വിങ്ക് മ്യൂസിക്, ഹലോ ട്യൂൺസ് എന്നിവയിലേക്ക് സൌജന്യ ആക്സസ് ഉൾപ്പെടുന്നു.

ഡിസ്നി + ഹോട്ട്സ്റ്റാർ വിഐപി സബ്സ്ക്രിപ്ഷൻ

ഇപ്പോൾ 448 രൂപ, 499 രൂപ, 599 രൂപ, 2,698 രൂപ എയർടെഷ പ്ലാനുകൾ സബ്‌സ്‌ക്രൈബുചെയ്‌തവർക്ക് ഒരു വർഷത്തെ ഡിസ്നി + ഹോട്ട്സ്റ്റാർ വിഐപി സബ്‌സ്‌ക്രിപ്‌ഷൻ ആനുകൂല്യം ലഭിക്കും. ഡിസ്നി + ഹോട്ട്സ്റ്റാറിൽ തത്സമയം സംപ്രേഷണം ചെയ്യുന്ന ഐപിഎൽ 2020 ടൂർണമെന്റ് കാരണമാണ് ഈ ആനുകൂല്യം വാഗ്ദാനം ചെയ്യുന്നത്. ഡിസ്നി + ഹോട്ട്സ്റ്റാർ വിഐപിയുടെ കോംപ്ലിമെന്ററി സബ്സ്ക്രിപ്ഷനോടൊപ്പം നിങ്ങൾ 401 രൂപ പ്ലാൻ സബ്സ്ക്രൈബ് ചെയ്യുകയും 28 ദിവസത്തേക്ക് 3 ജിബി ഡാറ്റ നേടുകയും ചെയ്യാം. കോവിഡ് -19 ലോക്ക്ഡൗണിനിടയിലാണ് 401 രൂപ എയർടെൽ പ്രീപെയ്ഡ് റീചാർജ് പ്ലാൻ അവതരിപ്പിച്ചത്.

വോഡഫോൺ-ഐഡിയ

വോഡഫോൺ ഐഡിയയുടെ കാര്യത്തിൽ, ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്) കമ്പനിയുടെ റെഡ് എക്സ് പ്രീമിയം താരിഫ് പ്ലാൻ എന്തുകൊണ്ട് നിരോധിച്ചില്ല എന്നത് സംബന്ധിച്ച ഒരു കാരണം കാണിക്കൽ നോട്ടീസ് നൽകിയിട്ടുണ്ട്. ഡാറ്റാ വേഗത വാഗ്ദാനം ചെയ്യുന്നതിനെക്കുറിച്ച് തെറ്റായ അവകാശവാദങ്ങൾ ഉന്നയിക്കുന്നുവെന്ന ആരോപണത്തിനെതിരെ പ്രതികരിക്കാൻ കമ്പനിക്ക് ഓഗസ്റ്റ് 31 വരെ സമയമുണ്ട്. കമ്പനി പരാജയപ്പെട്ടാൽ അത് റെഡ് എക്സ് പ്ലാൻ നിർത്തേണ്ടിവരും. മികച്ച ഡാറ്റാ വേഗത, പ്രിഫറൻഷ്യൽ കസ്റ്റമർ സർവീസ്, നെറ്റ്ഫ്ലിക്സിന്റെയും ആമസോൺ പ്രൈമിന്റെയും സബ്സ്ക്രിപ്ഷൻ, എയർപോർട്ട് ലോഞ്ചുകളിലേക്കുള്ള പ്രവേശനം, ഹാൻഡ്‌സെറ്റുകളിൽ എക്സ്ക്ലൂസീവ് ഡീലുകൾ, ഹോട്ടൽ ബുക്കിംഗ് മുതലായവ ഉൾപ്പെടെയുള്ള മുൻഗണന ആനുകൂല്യങ്ങൾ റെഡ് എക്സ് പ്ലാൻ വാഗ്ദാനം ചെയ്യുന്നുണ്ട്.

819 രൂപയുടെ പ്ലാൻ

819 രൂപ വിലമതിക്കുന്ന പുതിയ പ്രീപെയ്ഡ് പ്ലാനും വോഡഫോൺ-ഐഡിയ പുറത്തിറക്കിയിട്ടുണ്ട്, ഇത് 84 ദിവസത്തേക്ക് എല്ലാ ദിവസവും 2 ജിബി ഡാറ്റ നൽകും. ജൂലൈയിൽ ആരംഭിച്ച പ്ലാനിൽ പരിധിയില്ലാത്ത കോളിംഗും 100 എസ്എംഎസും പ്രതിദിനം നൽകും.