ഏഷ്യയിലെ ഏറ്റവും വലിയ ധനികൻ ഇനി അംബാനിയല്ല, മുകേഷ് അംബാനിയെ പിന്നിലാക്കിയ ചൈനക്കാരൻ ആര്?

റിലയൻസ് ഇൻഡസ്ട്രീസ് (ആർ‌ഐ‌എൽ) ചെയർമാനും മാനേജിംഗ് ഡയറക്ടറുമായ മുകേഷ് അംബാനി ഇപ്പോൾ ഏഷ്യയിലെ ഏറ്റവും വലിയ ധനികനല്ല. ഇന്ത്യൻ കോടീശ്വരന് പകരമായി വാക്സിൻ മാഗ്നറ്റും ചൈനയിലെ ഏറ്റവും വലിയ കുപ്പിവെള്ള കമ്പനിയായ നോങ്‌ഫു സ്പ്രിംഗിന്റെ സ്ഥാപകനുമായ സോങ് ഷാൻഷാൻ ആണ് ഒന്നാം സ്ഥാനത്ത്.

സോങ് ഷാൻഷാൻ

ബ്ലൂംബെർഗ് ശതകോടീശ്വരൻ സൂചിക പ്രകാരം സോങ്ങിന്റെ മൊത്തം ആസ്തി ഈ വർഷം 70.9 ബില്യൺ ഡോളർ ഉയർന്ന് 77.8 ബില്യൺ ഡോളറിലെത്തി. മാത്രമല്ല, ചരിത്രത്തിലെ അതിവേഗ സ്വത്ത് സമ്പാദനമാണിത്. ‘ലോൺ വുൾഫ്' എന്നറിയപ്പെടുന്ന 66 കാരനായ സോങ് സ്വന്തം ബിസിനസ്സ് ആരംഭിക്കുന്നതിന് മുമ്പ് നിർമ്മാണത്തൊഴിലാളി, പത്ര റിപ്പോർട്ടർ, മരുന്ന് നിർമ്മാതാവ്, പാനീയ വിൽപ്പന ഏജന്റ് എന്നീ നിലകളിൽ പ്രവർത്തിച്ചിട്ടുണ്ട്.

സോങ് ഷാൻഷാന്റെ ബിസിനസ്

നോങ്‌ഫു സ്പ്രിംഗിന്റെ റെഡ്-ക്യാപ്ഡ് ബോട്ടിലുകൾ ചൈനയിലുടനീളം ചെറിയ കടകൾ മുതൽ ഉയർന്ന നിലവാരമുള്ള ഹോട്ടലുകൾ വരെ വിൽക്കുന്നുണ്ട്. ചായ, ജ്യൂസ്, വൈറ്റാമിൻ പാനീയങ്ങൾ എന്നിവയും കമ്പനി വിൽക്കുന്നുണ്ട്. കുപ്പിവെള്ള കമ്പനിയുടെ സ്റ്റോക്ക് മാർക്കറ്റ് ലിസ്റ്റിംഗും വാക്സിൻ നിർമ്മാതാവിന്റെ ഭൂരിപക്ഷം ഓഹരികളും അദ്ദേഹത്തിന്റെ സമ്പത്ത് വർദ്ധിപ്പിക്കാൻ സഹായിച്ചിട്ടുണ്ട്. കൊവിഡ് -19 വാക്സിൻ വികസിപ്പിക്കുന്നതിന് രണ്ട് സർവകലാശാലകളുമായി പങ്കാളിത്തമുണ്ടെന്ന് ഫാർമ കമ്പനി നേരത്തെ വ്യക്തമാക്കിയിരുന്നു.

മുകേഷ് അംബാനി

ഈ വർഷം ആദ്യം ബ്ലൂംബെർഗ് ബില്യണയർ സൂചികയിൽ നാലാം സ്ഥാനത്തെത്തിയ അംബാനി ഇപ്പോൾ പന്ത്രണ്ടാം സ്ഥാനത്തേക്ക് പിന്തള്ളി. അദ്ദേഹത്തിന്റെ ഇപ്പോഴത്തെ ആസ്തി 76.9 ബില്യൺ ഡോളറാണ്. ഈ വർഷം ആദ്യം 90 ബില്യൺ ഡോളറായിരുന്നു ഇദ്ദേഹത്തിന്റെ ആസ്തി. ബുധനാഴ്ച ആർ‌ഐ‌എല്ലിന്റെ ഓഹരികൾ 1,995.50 രൂപയിൽ ക്ലോസ് ചെയ്തു. ഫ്യൂച്ചർ ഗ്രൂപ്പുമായുള്ള കരാർ യുഎസ് ആസ്ഥാനമായുള്ള ഓൺലൈൻ റീട്ടെയിൽ ടൈറ്റൻ ആമസോൺ വെല്ലുവിളിച്ചതിനെത്തുടർന്ന് കഴിഞ്ഞ രണ്ട് മാസത്തിനുള്ളിൽ ആർ‌ഐ‌എൽ ഓഹരികൾ ലാഭം നേടാൻ തുടങ്ങി.

സമ്പാദ്യം

മോത്തിലാൽ ഓസ്വാളിന്റെ വാർഷിക സമ്പത്ത് സൃഷ്ടിക്കൽ പഠനമനുസരിച്ച് 1995-2020 കാലയളവിൽ ആർ‌ഐ‌എൽ 6.3 ലക്ഷം കോടി രൂപയുടെ സ്വത്ത് സമ്പാദിച്ചിട്ടുണ്ട്. കഴിഞ്ഞ 25 വർഷത്തിനിടയിൽ (1995-2020 മാർച്ച് മുതൽ) ആർ‌ഐ‌എൽ 3.78 ലക്ഷം കോടി രൂപയുടെ മൊത്തം ലാഭമാണ് നേടിയത്.