കൊറോണ വൈറസ് പ്രതിസന്ധിയ്ക്ക് മുമ്പ് തന്നെ ദുർബലമായ ഡിമാൻഡ് കാരണം റിയൽ എസ്റ്റേറ്റ് മേഖല മോശം സ്ഥിതിയിലായിരുന്നു. എന്നാൽ കൊവിഡ് പ്രതിസന്ധി ഈ ആഘാതം കൂട്ടി. വ്യാപകമായ തൊഴിൽ നഷ്ടവും ശമ്പള വെട്ടിക്കുറവും ഉപഭോക്തൃ വികാരത്തെ ബാധിച്ചതിനാൽ മഹാമാരിയ്ക്ക് ശേഷവും വീണ്ടെടുക്കാൻ പ്രയാസമായിരിക്കുമെന്നാണ് വിദഗ്ധരുടെ അഭിപ്രായം. ഡൽഹി എൻസിആർ പോലുള്ള വിപണികളിൽ, നിലവിലെ പ്രതിസന്ധി പരിഹരിക്കാൻ ഏകദേശം മൂന്ന് വർഷമെങ്കിലും എടുക്കുമെന്ന് വിദഗ്ദ്ധർ പറയുന്നു.
കൊവിഡ് പ്രതിസന്ധി
കൊവിഡ് പ്രതിസന്ധി റിയൽ എസ്റ്റേറ്റ് മേഖലയ്ക്ക് കനത്ത തിരിച്ചടിയായി. റിയൽ എസ്റ്റേറ്റ് കൺസൾട്ടൻസി നൈറ്റ് ഫ്രാങ്ക് ഇന്ത്യയുടെ കണക്കനുസരിച്ച് 2019 ൽ ആയിരം ചതുരശ്ര അടി വീട് വാങ്ങാൻ ആവശ്യമായ ശരാശരി വാർഷിക വരുമാനം 4.5 വർഷം വരെ കുറഞ്ഞു. നിരവധി ജീവനക്കാരുടെ ശമ്പളം വെട്ടിക്കുറച്ചു.
ദുബായിലെ വസ്തു വില 10 വർഷത്തിനിടയിലെ ഏറ്റവും താഴ്ന്ന നിലയിലേക്ക്
സർവേ റിപ്പോർട്ട്
റിസർവ് ബാങ്ക് നടത്തിയ ഏറ്റവും പുതിയ സർവേ പ്രകാരം മെയ് മാസത്തിൽ ഉപഭോക്താക്കളുടെ വിശ്വാസം തകർന്നടിഞ്ഞു. നിലവിലെ സാഹചര്യ സൂചിക ചരിത്രപരമായ ഏറ്റവും താഴ്ന്ന നിലയിലെത്തി. മുന്നോട്ടുള്ള ഭാവിയെക്കുറിച്ചുള്ള പ്രതീക്ഷിത സൂചികയും കുത്തനെ ഇടിഞ്ഞു. സാമ്പത്തിക സ്ഥിതി, തൊഴിൽ, വിലനിലവാരം, വരുമാനം, ചെലവ് എന്നിവയെക്കുറിച്ചുള്ള 13 നഗരങ്ങളിലായി 5,400 കുടുംബങ്ങളുടെ ധാരണകളെ അടിസ്ഥാനമാക്കിയുള്ളതാണ് രണ്ട് സൂചികകളും.
വീട് വാങ്ങാൻ പറ്റിയ സമയമോ?
സാമ്പത്തിക വിദഗ്ധരുടെ ഉപദേശം അനുസരിച്ച് ആളുകൾ കൂടുതൽ പണം സംരക്ഷിക്കണമെന്നും ചെറിയ വാങ്ങലുകൾക്ക് പോലും പണം ചെലവഴിക്കരുതെന്നും പറയുന്നത്. എന്നാൽ ഒരു വീട് വാങ്ങുന്നത്, ഒന്നിലധികം വർഷത്തെ പ്രതിബദ്ധതയാണ്. അതുകൊണ്ട് തന്നെ നിലവിലെ സമയം വീട് വാങ്ങാൻ അനുയോജ്യമല്ല.
കൊവിഡ് 19 പ്രതിസന്ധി: രാജ്യത്തെ റിയല് എസ്റ്റേറ്റ് മേഖല കലുഷിതമാവുന്നു
വില കുറയുമോ?
ലോക്ക്ഡൌൺ സമയത്ത് ഡിമാൻഡ് അതിവേഗം കുറഞ്ഞതിനാൽ, റിയൽ എസ്റ്റേറ്റ് വിലകളും രാജ്യത്തുടനീളം കുറഞ്ഞു. എന്നാൽ വരും മാസങ്ങളിൽ വില ഇനിയും കുറയാനിടയുണ്ട്. ഇന്ത്യയിലെ മികച്ച ഏഴ് നഗരങ്ങളിലെ റെസിഡൻഷ്യൽ റിയൽ എസ്റ്റേറ്റ് വിലയിൽ കഴിഞ്ഞ 4-5 വർഷങ്ങളിൽ നേരിയ വർധനയുണ്ടായിട്ടുണ്ട്. എന്നാൽ ഡെവലപ്പർമാർ സമ്മർദ്ദത്തിലായാൽ റിയൽ എസ്റ്റേറ്റ് വിലയിൽ കുറവ് വരാൻ സാധ്യതയുണ്ട്.
സ്വർണവും സ്ഥലവും വിൽക്കും മുമ്പ് തീർച്ചയായും അറിയണം ഇക്കാര്യം; കാശ് പോകുന്നത് ഇങ്ങനെ