ഭാരത് ഫൈബറിന് വാർഷിക പ്ലാനുകൾ‌ പ്രഖ്യാപിച്ച് ബിഎസ്എൻഎൽ: 599 രുപ മുതലുള്ള നാല് പ്ലാനുകൾ ഇങ്ങനെ...

ദില്ലി: ജനപ്രിയ ഭാരത് ഫൈബർ ബ്രോഡ്‌ബാൻഡ് ആരംഭിച്ചതിന് പിന്നാലെ വാർഷിക താരിഫ് പുറത്തിറക്കി ബിഎസ്എൻഎൽ. 2020 ഒക്ടോബറിലാണ് ബിഎസ്എൻഎൽ ഭാരത് ഫൈബർ ബ്രോഡ്‌ബാൻഡ് സേവനത്തിന് രാജ്യത്ത് തുടക്കം കുറിച്ചത്. ആരംഭിച്ചു, തുടക്കത്തിൽ പ്രതിമാസ പ്ലാനുകളിൽ അധിഷ്ടിതമായി മാത്രമാണ് പ്രവർത്തിച്ചിരുന്നത്. ഭാരത് ഫൈബർ ഉപയോക്താക്കളിൽ നിന്ന് മികച്ച പ്രതികരണം ലഭിച്ചതിന് പിന്നാലെയാണ് ബി‌എസ്‌എൻ‌എൽ നാല് വാർഷിക പ്ലാനുകൾ പ്രഖ്യാപിച്ചിട്ടുള്ളത്.

599, രൂപ. 799, രൂപ. 999 രൂപ. 1,499 എന്നിങ്ങനെ നാല് പ്ലാനുകളാണ് ബിഎസ്എൻഎൽ ഇതോടെ പുറത്തിറക്കിയിട്ടുള്ളത്. എന്നാൽ 449 രൂപയുടെ പ്ലാൻ‌ ഈ പട്ടികയിൽ‌ നിന്നും ഒഴിവാക്കിയിട്ടുണ്ട്. ടെലികോം ടോക്കിന്റെ റിപ്പോർട്ടുകൾ അനുസരിച്ച് നാല് ഭാരത് ഫൈബർ പ്ലാനുകളിൽ വാർഷിക സബ്സ്ക്രിപ്ഷൻ ലഭ്യമാണ്. തന്നിരിക്കുന്ന നാല് പ്ലാനുകളിൽ നിന്ന് വാർഷിക പ്ലാനുകൾ ലഭിച്ച ശേഷം കോംപ്ലിമെന്ററി ഒരു മാസം അക്കൗണ്ടിലേക്ക് ചേർക്കും.

599 രൂപയുടെ ഫൈബർ ബേസിക് പ്ലസ് പ്ലാനിൽ 60 എംബിപിഎസ് വരെ വേഗതയുള്ള ഇന്റർനെറ്റ് കണക്ഷനാണ് ലഭിക്കുക.
799 രൂപയുടെ ഫൈബർ വാല്യു പ്ലാൻ 100 എംബിപിഎസ് മുതൽ 3.3 ടിബി വരെ സ്പീഡും ഉറപ്പുനൽകുന്നു. അതിനുശേഷം ഇന്റർനെറ്റ് വേഗത 2 എംബിപിഎസ്സായി ആയി കുറയും. 999 രൂപയുടെ ഫൈബർ പ്രീമിയം പ്ലാനിൽ 200 എംബിപിഎസ് മുതൽ 3.3 ടിബി വരെ വേഗത വാഗ്ദാനം ചെയ്യുന്നു. പരിധിക്ക് ശേഷമുള്ള ശേഷം വേഗത 2 എംബിപിഎസ് ആയി പരിമിതപ്പെടുത്തിയിരിക്കുന്നു. ഈ പ്ലാൻ ഉപയോക്താക്കൾക്ക് ഡിസ്നി + ഹോട്ട്സ്റ്റാർ പ്രീമിയം അംഗത്വവും ലഭിക്കും.

1499 രൂപയുടെ ഫൈബർ അൾട്രാ പ്ലാൻ 300 എംബിപിഎസ് മുതൽ 4 ടിബി വരെ വേഗതയും ഉറപ്പുനൽകുന്നുണ്ട്. പരിധിക്ക് ശേഷം വേഗത 4 എംബിപിഎസ് ആയി കുറയുന്നു. ഡിസ്നി + ഹോട്ട്സ്റ്റാർ പ്രീമിയം അംഗത്വത്തിനൊപ്പം ഏത് നെറ്റ്‌വർക്കിനും ഫ്രീ അൺലിമിറ്റഡ് കോളും ലഭിക്കും.