2021 പകുതി വരെ ​ഗൂ​ഗിൾ ജീവനക്കാ‌ർക്ക് വീട്ടിൽ ഇരുന്ന് ജോലി ചെയ്യാം

കൊറോണ വൈറസ് മഹാമാരി വ്യാപിച്ചുകൊണ്ടിരിക്കുന്ന നിലവിലെ സാഹചര്യത്തിൽ ഗൂഗിൾ ജീവനക്കാർക്ക് വീട്ടിൽ ഇരുന്ന് ജോലി ചെയ്യാനുള്ള ഓപ്ഷൻ അടുത്ത വർഷം ജൂൺ വരെ ആഗോളതലത്തിൽ വിപുലീകരിക്കുന്നു. ഇന്ത്യയിലും ഇത് ബാധമാണ്. ജീവനക്കാർക്ക് അയച്ച ഇമെയിലിൽ സുന്ദർ പിച്ചൈ ആണ് ഇക്കാര്യം വ്യക്തമാക്കിയത്. ജീവനക്കാർക്ക് കാര്യങ്ങൾ മുൻ‌കൂട്ടി ആസൂത്രണം ചെയ്യുന്നതിനായി ഓഫീസിൽ എത്തേണ്ട ആവശ്യമില്ലാത്ത ജീവനക്കാ‍ർക്ക് 2021 ജൂൺ 30 വരെ വീട്ടിലിരുന്ന് ജോലി ചെയ്യാമെന്ന് പിച്ചൈ വ്യക്തമാക്കി.

​ഗൂ​ഗിൾ ഇന്ത്യ

ഗൂഗിളിലെയും രക്ഷാകർതൃ കമ്പനിയായ ആൽഫബെറ്റ് ഇങ്കിലെയും 200,000 മുഴുവൻ സമയ, കരാർ ജീവനക്കാരെയും ഈ നീക്കം ബാധിക്കും.
ഇന്ത്യയിൽ കമ്പനിയ്ക്ക് അയ്യായിരത്തോളം ജീവനക്കാരുണ്ടെന്ന് കണക്കാക്കപ്പെടുന്നു. ഹൈദരാബാദിലും ബെംഗളൂരുവിലും പ്രധാന സാന്നിധ്യമുള്ള ഗൂഗിളിന്റെ പ്രധാന വിപണിയാണ് ഇന്ത്യ. ഇന്ത്യൻ സമ്പദ്‌വ്യവസ്ഥയെ ഡിജിറ്റൈസ് ചെയ്യുന്നതിനായി അടുത്ത 5 മുതൽ 7 വർഷത്തിനുള്ളിൽ 75,000 കോടി ഡോളർ (ഏകദേശം 10 ബില്യൺ ഡോളർ) നിക്ഷേപിക്കാൻ തയ്യാറാണെന്ന് പിച്ചൈ അടുത്തിടെ വ്യക്തമാക്കിയിരുന്നു.

ആമസോൺ

മുൻകരുതൽ നടപടിയായി മറ്റ് മൾട്ടി നാഷണൽ കമ്പനികളും അവരുടെ വ‍ർക്ക് ഫ്രം ഹോം നയങ്ങൾ വിപുലീകരിക്കുന്നതിന് അനുസൃതമായാണ് ​ഗൂ​ഗിളിന്റെയും വ‍ർക്ക് ഫ്രം ഹോം വിപുലീകരണം. ഉദാഹരണത്തിന്, പ്രമുഖ ഇ-കൊമേഴ്‌സ് കമ്പനിയായ ആമസോൺ അടുത്തിടെ വീട്ടിൽ നിന്ന് ഫലപ്രദമായി ജോലി ചെയ്യാൻ കഴിയുന്ന ജീവനക്കാർക്ക് 2021 ജനുവരി 8 വരെ വ‍ർക്ക് ഫ്രം ഹോം കമ്പനി വാ​ഗ്ദാനം ചെയ്തു.

ഡെൽ ടെക്നോളജീസ്

ഡെൽ ടെക്നോളജീസിന്റെ പ്രസിഡന്റും മാനേജിംഗ് ഡയറക്ടറുമായ അലോക് ഒഹ്രി കോവിഡ് -19 പ്രതിസന്ധിക്ക് മുമ്പുതന്നെ ഇന്ത്യയിലെ 100 ശതമാനം തൊഴിലാളികളെയും വീട്ടിലിരുന്ന് ജോലി ചെയ്യാൻ പ്രാപ്തരാക്കിയിരുന്നു.

​ഗൂ​ഗിൾ ജീവനക്കാ‍ർക്ക്

കൊറോണ വൈറസ് പ്രതിസന്ധിയെ തുടർന്ന് വീട്ടിലിരുന്ന് ജോലി ചെയ്യുന്ന ജീവനക്കാർക്ക് ഗൂഗിൾ 1,000 ഡോളർ (ഏകദേശം 75,000 രൂപ) വീതം നൽകുമെന്ന് നേരത്തെ പ്രഖ്യാപിച്ചിരുന്നു. വീട്ടിൽ ഇരുന്ന് ജോലി ചെയ്യുമ്പോൾ ആവശ്യമായ ഉപകരണങ്ങൾ, ഓഫീസ് ഫർണിച്ചറുകൾ എന്നിവയുടെ ചെലവുകൾക്കായായാണ് ആഗോളതലത്തിൽ ഓരോ തൊഴിലാളികൾക്കും ഗൂഗിൾ 75000 രൂപ വീതം നൽകുന്നത്.