Click it and Unblock the Notifications
രാജ്യവ്യാപകമായ ലോക്ക്ഡൌൺ സമയത്ത് രാജ്യത്ത് ബിസ്ക്കറ്റിന്റെ ആവശ്യം ഉയർന്നതിനെ തുടർന്ന് ബ്രിട്ടാനിയ ഇൻഡസ്ട്രീസിന്റെ അറ്റാദായത്തിൽ വളർച്ച. വരുമാനത്തിന്റെ 80 ശതമാനം വരെ ലഭിക്കുന്നത് ബിസ്ക്കറ്റുകളിൽ നിന്നാണെന്ന് ബ്രിട്ടാനിയ വ്യക്തമാക്കി. ബിസ്ക്കറ്റ് വിൽപ്പന സെപ്റ്റംബർ അവസാനിച്ച പാദത്തിൽ ശക്തമായ വളർച്ച കൈവരിക്കാൻ കമ്പനിയെ സഹായിച്ചതായി വിശകലന വിദഗ്ധർ പറയുന്നു.
ബിസ്ക്കറ്റ് വിൽപ്പന
ഒൻപത് വേരിയന്റുകളിൽ ഗുഡ് ഡേ, ന്യൂട്രിചോയിസ് തുടങ്ങിയ ബിസ്ക്കറ്റുകളും നാല് വേരിയന്റുകളിൽ 50-50 ബിസ്കറ്റും ബ്രിട്ടാനിയ വിൽക്കുന്നുണ്ട്. പ്രീമിയം സെഗ്മെന്റിൽ കമ്പനിയുടെ സമീപകാല ശ്രദ്ധ കൂടുതൽ ലാഭം നേടാൻ സഹായിച്ചു. ഇന്ത്യയിലെ ഏറ്റവും വലിയ ഉപഭോക്തൃ ഉൽപന്ന കമ്പനികളിലൊന്നായ ബ്രിട്ടാനിയ ഇൻഡസ്ട്രീസ് 2020 സെപ്റ്റംബറിൽ അവസാനിച്ച ത്രൈമാസത്തിൽ ഏകീകൃത ലാഭത്തിൽ 23.2 ശതമാനം വളർച്ച നേടി 498.13 കോടി രൂപ നേട്ടം കൈവരിച്ചു.
വരുമാനം
രണ്ടാം പാദത്തിലെ ലാഭത്തിലുണ്ടായ വർധനവ് എഫ്വൈ 2021 സാമ്പത്തിക വർഷത്തെ ഏപ്രിൽ-ജൂൺ കാലയളവിനേക്കാൾ കുറവാണ്. ശക്തമായ വരുമാനവും പ്രവർത്തനവളർച്ചയും മൂലം കമ്പനി ഈ കാലയളവിൽ ഏകീകൃത ലാഭത്തിൽ 117 ശതമാനം വൻ വർധനവ് രേഖപ്പെടുത്തിയിരുന്നു. ലോക്ക്ഡൌൺ സമയത്ത് ആളുകൾ ബിസ്ക്കറ്റുകളും മറ്റും വാങ്ങിക്കൂട്ടിയതാണ് ബ്രിട്ടാനിയയുടെ ഒന്നാം പാദ പ്രകടനം വർധിപ്പിക്കാൻ കാരണം. രണ്ടാം പാദത്തിൽ വളർച്ച സാധാരണ നിലയിലായി.
രണ്ടാം പാദം
അസംസ്കൃത വസ്തുക്കളുടെ വിലയിലുണ്ടായ വർധനവ് രണ്ടാം പാദത്തിലെ ഏറ്റവും വലിയ ബിസ്ക്കറ്റ് നിർമ്മാതാവിന്റെ അറ്റ ലാഭം പരിമിതപ്പെടുത്തി. പ്രധാന അസംസ്കൃത വസ്തുക്കളുടെ വിലയിൽ നേരിയ വർദ്ധനവുണ്ടായിട്ടുണ്ടെന്ന് ബ്രിട്ടാനിയ ഇൻഡസ്ട്രീസ് മാനേജിംഗ് ഡയറക്ടർ വരുൺ ബെറി പറഞ്ഞു. കമ്പനിയുടെ ഏകീകൃത വരുമാനം 12.1 ശതമാനം വർധിച്ച് ജൂലൈ-സെപ്റ്റംബർ പാദത്തിൽ 3,419.11 കോടി രൂപയായി.
പുതിയ മാറ്റങ്ങൾ
കഴിഞ്ഞ പാദത്തിൽ സപ്ലൈ ചെയിൻ കാര്യക്ഷമത, മാലിന്യങ്ങൾ കുറയ്ക്കൽ തുടങ്ങിയ കാര്യക്ഷമതയിൽ വലിയൊരു പങ്കും കമ്പനി നിലനിർത്തിയിട്ടുണ്ടെന്ന് ബെറി പറഞ്ഞു. മാക്രോ-ഇക്കണോമിക് ഘടകങ്ങൾ, നിയമങ്ങളിലെ മാറ്റങ്ങൾ, ഉപഭോക്തൃ സ്വഭാവം വികസിപ്പിക്കൽ എന്നിവയെക്കുറിച്ച് കമ്പനി സൂക്ഷ്മ നിരീക്ഷണം നടത്തുന്നുണ്ടെന്നും ഇതിന് അനുസരിച്ച് സാഹചര്യങ്ങൾ ഒരുക്കുന്ന തന്ത്രങ്ങൾ രൂപപ്പെടുത്തുന്നുണ്ടെന്നും അദ്ദേഹം വ്യക്തമാക്കി.
Sign in with Google