ഫോബ്‌സ് ഇന്ത്യ സമ്പന്ന പട്ടിക 2020: ഇന്ത്യയിലെ ഏറ്റവും സമ്പന്നരായ സ്ത്രീകൾ ആരെല്ലാം?

പ്രശസ്ത വ്യവസായി കിരൺ മസൂംദാർ-ഷാ 2020ലെ ഫോബ്‌സ് ഇന്ത്യ സമ്പന്ന പട്ടികയിൽ മുൻനിരയിൽ. ധനികരായ സ്ത്രീകളുടെ പട്ടികയിൽ 27-ാം സ്ഥാനത്തുള്ള ഇവർ വനിതാ പട്ടികയിൽ മാത്രമല്ല, ഫോബ്‌സ് പട്ടികപ്പെടുത്തിയ 100 ധനികരിലും ഒരാളാണ്. ഇന്ത്യയിലെ ഏറ്റവും ധനികരായ അഞ്ച് സ്ത്രീകൾ ആരൊക്കെയാണെന്ന് നോക്കാം.

കിരൺ മസൂംദാർ-ഷാ

67 കാരിയായ കിരൺ മസൂംദാർ-ഷാ ബയോകോണിന്റെ ചെയർപേഴ്‌സൺ ആണ്. കഴിഞ്ഞ ഒരു വർഷത്തിനിടെ ഇവരുടെ സമ്പത്തിൽ 2.22 ബില്യൺ ഡോളർ വർദ്ധനവുണ്ടായി. 2020 ൽ 4.6 ബില്യൺ ഡോളറാണ് ഇവരുടെ സമ്പത്ത്. 2019 ൽ ഇത് 2.38 ബില്യൺ ഡോളറായിരുന്നു. ഇന്ത്യയിലെ 100 സമ്പന്നരിൽ 93.28 ശതമാനം വളർച്ച നേടിയ വ്യക്തിയാണ് കിരൺ മസൂംദാർ-ഷാ.

സാവിത്രി ജിൻഡാൽ

ഏറ്റവും ധനികയായ സ്ത്രീയെന്ന നിലയിൽ സാവിത്രി ജിൻഡാലും മുൻനിരയിലുണ്ട്. 19-ാം റാങ്കിലുള്ള ഈ 70 വയസ്സുകാരി മൾട്ടി ബില്യൺ ഡോളർ കമ്പനിയായ ഒ പി ജിൻഡാൽ ഗ്രൂപ്പിന്റെ ചെയർപേഴ്‌സൺ ആണ്. 2019 ൽ 5.8 ബില്യൺ ഡോളറിൽ നിന്ന് 2020 ൽ 6.6 ബില്യൺ ഡോളറായി സമ്പത്തി ഉയർന്നു.

വിനോദ് റായ് ഗുപ്ത

സാവിത്രി ജിൻഡാൽ, കിരൺ മസുദാർ-ഷാ എന്നിവരെ പിന്തുടർന്ന് ഹാവെൽസ് ഇന്ത്യയുടെ വിനോദ് റായ് ഗുപ്തയാണ് 40-ാം സ്ഥാനത്തുള്ളത്. 75-കാരിയായ ഇവരുടെ സമ്പത്ത് ഈ വർഷം കുറഞ്ഞു. ഇടിവ് 0.45 ബില്യൺ ഡോളർ അഥവാ 11.25 ശതമാനം ആണ്. ഇവരുടെ സ്വത്ത് 2019ലെ 4 ബില്യൺ ഡോളറിൽ നിന്ന് 2020ലെ 3.55 ബില്യൺ ഡോളറായി കുറഞ്ഞു.

ലീന ഗാന്ധി തിവാരി

ഫോബ്‌സ് 100 സമ്പന്ന ഇന്ത്യ പട്ടികയിൽ അടുത്ത വനിത 47-ാം റാങ്കുകാരിയായ ലീന ഗാന്ധി തിവാരിയാണ്. യു‌എസ്‌വി പ്രൈവറ്റ് ലിമിറ്റഡിന്റെ ഉടമയായ 63 കാരിയായ ചെയർപേഴ്‌സണാണിവർ. 2020 ൽ അവരുടെ ആസ്തിയിൽ 1.08 ബില്യൺ ഡോളർ നേട്ടമുണ്ടായി. സ്വത്ത് 3 ബില്യൺ ഡോളറായി ഉയർന്നു. 2019 ലെ 1.92 ബില്യൺ ഡോളറിൽ നിന്ന് 56.25 ശതമാനം നേട്ടം കൈവരിച്ചു.

മല്ലിക ശ്രീനിവാസൻ

100 സമ്പന്നരായ ഇന്ത്യക്കാരുടെ പട്ടികയിൽ തിവാരിയെ പിന്തുടർന്ന അടുത്ത വനിത മല്ലിക ശ്രീനിവാസനാണ്. 60 കാരിയായ ഇവർ ട്രാക്ടേഴ്‌സ് ആന്റ് ഫാം എക്യുപ്‌മെന്റ് ലിമിറ്റഡിന്റെ ചെയർമാനും മാനേജിംഗ് ഡയറക്ടറുമാണ്. പട്ടികയിൽ 58-ാം സ്ഥാനമാണ് മല്ലിക ശ്രീനിവാസന്. 2019 ൽ 2.1 ബില്യൺ ഡോളറിൽ നിന്ന് 2020 ഇവരുടെ ആസ്തി 2.45 ബില്യൺ ഡോളറായി ഉയർന്നു.