Just In
-
-
-
-
Don't Miss
-
'ഞങ്ങൾ സുരക്ഷിതരാണ്'; ഇറാൻ പിടിച്ചെടുത്ത കപ്പലിലെ മലയാളി, കുടുംബത്തിന് ആശ്വാസമായി ഫോൺകോൾ -
IPL 2024: 17.5, 11.5, 11, 7 കോടി താരങ്ങളെല്ലാം പുറത്ത്, ആര്സിബിയുടെ ശാപം ആര്? പിഴവ് ഇതാണ് -
മിന്നൽ വേഗത്തിൽ തലസ്ഥാനത്തെത്താം; മാനന്തവാടി-തിരുവനന്തപുരം മിന്നൽ ബസ്, സമയം റൂട്ട് -
തിരിച്ചുവരവ് ശംഭീരമാക്കാൻ ഫോർഡ്; പുത്തൻ എസ്യുവിക്ക് കൂട്ടായി ഒരു ഫാമിലി എംപിവിയും -
'കയ്യിൽ ഉമ്മവെച്ചതും കടിച്ചതുമായ സംഭവം, ഇനി എന്നെ വെച്ച് ഡെമോ ചെയ്യരുത്...'; സിബിന് താക്കീതുമായി ശ്രീതു! -
ദിവസങ്ങള് ഉല്പ്പാദനക്ഷമവും വിജയകരവുമാക്കാന് വേണം മികച്ച പ്രഭാത ശീലങ്ങള് -
വൺപ്ലസ് 11 ന് വീണ്ടും വില കുറഞ്ഞു; നിങ്ങളിത് വാങ്ങുമോ? ഡിസ്കൗണ്ട് കാശുകൊണ്ട് മറ്റൊരു ഫോൺകൂടി വാങ്ങാം!
ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്) യുടെ ഏറ്റവും പുതിയ റിപ്പോർട്ട് അനുസരിച്ച് 2020 ഓഗസ്റ്റ് മാസത്തിൽ ജിയോയേക്കാൾ കൂടുതൽ വരിക്കാരെ ചേർക്കാൻ എയർടെലിന് കഴിഞ്ഞു. എയർടെൽ 28.99 ലക്ഷം വരിക്കാരെ പുതുതായി ചേർത്തു. അതേസമയം ജിയോ 18.64 ലക്ഷം വരിക്കാരെ മാത്രമാണ് ചേർത്തത്. വി (വോഡഫോൺ ഐഡിയ) ഓഗസ്റ്റ് മാസത്തിൽ 12.28 ലക്ഷം ഇടിവോടെ വരിക്കാരുടെ നഷ്ടം തുടർന്നു.
വിപണി വിഹിതം
വയർലെസ് ടെലികോം വിപണിയിൽ 35.08 ശതമാനം വിപണി വിഹിതവുമായി റിലയൻസ് ജിയോയും 28.12 ശതമാനം മാർക്കറ്റ് ഷെയറുമായി എയർടെൽ രണ്ടാം സ്ഥാനത്തും എത്തി. മൊത്തം വയർലെസ് വരിക്കാർ ജൂലൈ അവസാനത്തോടെ 114.418 കോടിയിൽ നിന്ന് ഓഗസ്റ്റ് അവസാനത്തോടെ 114.792 കോടിയായി ഉയർന്നതായും ട്രായിയുടെ റിപ്പോർട്ട് വ്യക്തമാക്കുന്നു. പ്രതിമാസ വളർച്ചാ നിരക്ക് 0.33 ശതമാനമാണ്.
കഴിഞ്ഞ മാസം
ജൂലൈയുമായി താരതമ്യപ്പെടുത്തുമ്പോൾ ഓഗസ്റ്റിൽ റിലയൻസ് ജിയോയുടെ വരിക്കാരുടെ എണ്ണം ഗണ്യമായി കുറഞ്ഞു. ഇത് 35.54 ലക്ഷത്തിൽ നിന്ന് 18.64 ലക്ഷമായി കുറഞ്ഞു. ജൂലൈയിലെ പ്രകടനവുമായി താരതമ്യപ്പെടുത്തുമ്പോൾ, ഓഗസ്റ്റ് മാസത്തിൽ എയർടെൽ വരിക്കാരുടെ എണ്ണം 32.60 ലക്ഷത്തിൽ നിന്ന് 28.99 ലക്ഷമായി കുറഞ്ഞു. എന്നിരുന്നാലും, ഓഗസ്റ്റിലെ ജിയോയുടെ പ്രകടനത്തേക്കാൾ ഇത് വളരെ കൂടുതലാണ്. കൃത്യമായി പറഞ്ഞാൽ ആഗസ്റ്റിൽ ജിയോയേക്കാൾ 10.35 ലക്ഷം വരിക്കാരെ എയർടെൽ പുതുതായി ചേർത്തു.
വീക്ക് നഷ്ടം
വീ (വോഡഫോൺ ഐഡിയ) ക്ക് ഏകദേശം 12.28 ലക്ഷം വരിക്കാരെ നഷ്ടപ്പെട്ടു, ജൂലൈ മാസത്തിൽ നഷ്ടപ്പെട്ട 37.26 ലക്ഷം വരിക്കാരേക്കാൾ വളരെ കുറവാണ് ഇത്. ഓഗസ്റ്റ് മാസത്തിൽ ബിഎസ്എൻഎൽ 2.14 ലക്ഷം വരിക്കാരുടെ നേട്ടമുണ്ടാക്കി. വയർലെസ് വരിക്കാരിൽ പ്രതിമാസ വളർച്ചാ നിരക്ക് 0.91 ശതമാനമാണ് എയർടെൽ നേടിയത്. അതേസമയം 0.47 ശതമാനം വളർച്ചാ നിരക്കിലാണ് ജിയോ പിന്നിലായത്.
ബ്രോഡ്ബാൻഡിൽ കേമൻ ബിഎസ്എൻഎൽ
ഓഗസ്റ്റ് മാസത്തിൽ കൊൽക്കത്ത, ഹിമാചൽ പ്രദേശ് മേഖലയിലെ വയർലെസ് വരിക്കാരുടെ എണ്ണത്തിൽ 1.13 ശതമാനം വളർച്ച രേഖപ്പെടുത്തി. ഓഗസ്റ്റ് അവസാനത്തോടെ ബിഎസ്എൻഎൽ ബ്രോഡ്‌ബാൻഡ് ഉപഭോക്താക്കളുടെ എണ്ണം 78.5 ലക്ഷമായി ഉയർന്നുവെന്നും ട്രായ് റിപ്പോർട്ട് വെളിപ്പെടുത്തി. ഭാരതി എയർടെൽ 25.3 ലക്ഷം വരിക്കാരുമായി രണ്ടാം സ്ഥാനത്തും ആട്രിയ കൺവെർജൻസ് 17 ലക്ഷം വരിക്കാരുമായും ജിയോ 12.5 ലക്ഷം വരിക്കാരുമായും പിന്നിലുണ്ട്.
വയർലെസ് ബ്രോഡ്‌ബാൻഡ്
വയർലെസ് ബ്രോഡ്‌ബാൻഡ് വിഭാഗത്തിൽ ജിയോ 40.267 കോടി വരിക്കാരുമായി മുന്നിലുണ്ട്. എയർടെല്ലിന് 15.465 കോടി വരിക്കാരും വിയ്ക്ക് (വോഡഫോൺ ഐഡിയ) 11.991 കോടി വരിക്കാരും ബി‌എസ്‌എൻ‌എല്ലിന് 159 ലക്ഷം വരിക്കാരുമാണുള്ളത്.
