Just In
-
-
-
-
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില് -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഇന്ത്യയിലും രാജ്യത്തിന് പുറത്തും സജീവമായ ബ്രാന്‍ഡ് നെയിമാണ് റിലയന്‍സ് എന്നത്. ഒരുപാട് മേഖലകളില്‍ റിലയന്‍സിന് ഇന്ന് സാന്നിധ്യമുണ്ട്. ഇതിനൊപ്പം റിലയന്‍സ് ബിസിനസ് അവസരങ്ങളും നല്‍കുന്നുണ്ട്. റിലയൻസിന് കീഴിൽ വരുന്ന ബിസിനസ് അവസരങ്ങളിൽ ഒന്നാണ് ജിയോ ബിപി പെട്രോള്‍ പമ്പുകള്‍.
പെട്രോളിയം ഉത്പ്പന്നങ്ങളുടെ ഉപഭോഗത്തില്‍ ലോകത്ത് മൂന്നാം സ്ഥാനത്താണ് ഇന്ത്യ. ഇതിനാൽ തന്നെ നിലവിൽ നല്ല സാധ്യത ഈ ബിസിനസിനുണ്ട്. പെട്രോൾ, ഡീസൽ എന്നിവയ്ക്കൊപ്പം സിഎൻസിയും ജിയോ ബിപി പെട്രോൾ പമ്പുകൾ നൽകുന്നുണ്ട്. ബിസിനസ് ആരംഭിക്കാനുള്ള ചെലവുകളും വരുമാന സാധ്യതകളും കാണാം.
നിക്ഷേപം
റിലയൻസും ലണ്ടൻ ആസ്ഥാനമായി പ്രവർത്തിക്കുന്ന ബ്രിട്ടീഷ് മൾട്ടിനാഷണൽ ഓയിൽ ആൻഡ് ഗ്യാസ് കമ്പനിയായ ബിപിയുമായുള്ള പങ്കാളിത്തത്തിന്റെ അടിസ്ഥാനത്തിലാണ് ജിയോ ബിപി പെട്രോൾ പമ്പുകൾ ആരംഭിക്കുന്നത്. പെട്രോൾ പമ്പ് അല്പം അധികം നിക്ഷേപം ആവശ്യമുള്ള കാര്യമാണ്. സ്ഥലമാണ് ഇതില്‍ പ്രധാനം. ഇതോടൊപ്പം മറ്റു ചെലവുകളും വരുന്നുണ്ട്.
ചുരു‌ങ്ങിയത് 70 ലക്ഷത്തോളം രൂപയുടെ നിക്ഷേപം ബിസിനസ് ആരംഭിക്കാന്‍ ആവശ്യമാണ്. ഇതിൽ 23 ലക്ഷത്തോളം രൂപ സെക്യൂരിറ്റി നിക്ഷേപമായി വരുന്നുണ്ട്. ഇത് തിരികെ ലഭിക്കും. സൈനിംഗ് ഫീസായി 3.50 ലക്ഷത്തോളം ചെലവ് വരും. ഇതടക്കമാണ് 70 ലക്ഷം കണക്കാക്കുന്നത്.
സഥലത്തിന്റെ വാടക
സഥലത്തിന്റെ വാടക വേറെ കണ്ടെത്തണം. കുറഞ്ഞത് 800 ചതുരശ്ര അടി സ്ഥലം ആവശ്യമായിട്ടുണ്ട്. ഓരോ പ്രദേശം അനുസരിച്ചും സ്ഥലത്തിന്റെ ആവശ്യം വ്യത്യസ്തപ്പെട്ടിരിക്കും. ദേശീയ പാതയ്ക്ക് അരികിലാണെങ്കിൽ 3,000 ചതുരശ്ര അടിയും നഗര പ്രദേശങ്ങളിലാണെങ്കിൽ 1,500 ചതുരശ്ര അടി സ്ഥലവും ആവശ്യമാണ്. സ്ഥലത്തിന്റെ വിലയും മറ്റു ചെലവുകശപും അടക്കം 3 കോടിക്കടുത്ത നിക്ഷേപം വരെ ആവശ്യമായി വരാം.
യോഗ്യതകൾ
21 വയസിനും 55 വയസിനും ഇടയിൽ പ്രായമുള്ളവർക്കാണ് പമ്പ് ആരംഭിക്കാൻ സാധിക്കുക. വിദ്യാഭ്യാസ യോഗ്യത പ്ലസ്ടുവും ബിരുദവും പരിഗണിക്കുന്നുണ്ട്. താൽപര്യ പത്രം ആവശ്യമാണ്. ഭൂമി രേഖകൾ. പ്രദേശത്തിന്റെ രൂപ രേഖ, ലൊക്കേഷനില്‍ നിന്നുള്ള ഫോട്ടോഗ്രാഫുകള്‍, സാമ്പത്തികവും ബിസിനസ്സ് കഴിവും കാണിക്കുന്നതിനുള്ള രേഖകൾ എന്നിവ ആവശ്യമാണ്.
ഇതോടൊപ്പം ജില്ലാ ഭരണാധികാരികളിൽ നിന്ന് ലഭിക്കുന്ന എൻഒസി, പിഡബ്ല്യുഡി, വൈദ്യുതി ബോര്‍ഡ്, ഗ്രാമപഞ്ചായത്ത് എന്നിവയുടെ അംഗീകാരം എന്നിവ ആവശ്യമാണ്. ചീഫ് കണ്‍ട്രോളര്‍ ഓഫ് എക്‌സ്‌പ്ലോസീവ്, ദേശീയപാത എന്നിവിടങ്ങളിൽ നിന്നുള്ള അനുമതിയും ആവശ്യമാണ്.
വരുമാന സാധ്യത
പെട്രോള്‍ പമ്പ് ഇന്ത്യയില്‍ ഒരുപാട് സാധ്യതയുള്ള ബിസിനസാണ്. ലാഭ സാധ്യത ഒരുപാട് ഘടകങ്ങളെ ആശ്രയിച്ചിരിക്കുന്നു. ബിസിന്‌സ് ആരംഭിച്ച പ്രദേശം, അടുത്ത പെട്രോള്‍ പമ്പില്‍ നിന്നുള്ള ദൂരം, വലിപ്പം, മറ്റു സൗകര്യങ്ങള്‍ എന്നിവ ലാഭത്തെ ആശ്രയിക്കുന്ന ഘടകങ്ങളാണ്. ചെലുകളായി പ്രധാനമായും വരുന്നത് ജീവനക്കാരുടെ ശമ്പളം ചെലവുകളാണ്. 3 ഗ്യാസ് സ്റ്റേഷന്‍ മാനേജര്‍മാര്‍, 1-2 എയര്‍ പ്രഷര്‍ അറ്റന്‍ഡര്‍, 8 പമ്പ് അറ്റന്‍ഡർ എന്നിവരാണ് പമ്പിലേക്ക് ആവശ്യമായി വരുന്നത്.
അപേക്ഷ സമർപ്പിക്കേണ്ടത്
ജിയോ ബിപി വെബ്സൈറ്റ് വഴി ഓൺലൈനായി പെട്രോൾ പമ്പിനുള്ള അപേക്ഷ സമർപ്പിക്കാം. www.jiobp.com ലെ പാർട്ണേഴ്സ് എന്ന ഭാഗത്ത് ഡീലർഷിപ്പ് വിവരങ്ങൾ ലഭിക്കും. പെട്രോൾ പമ്പായും മൊബൈൽ ഡിസ്പെൻസർ യൂണിറ്റായും അപേക്ഷിക്കാം. അപ്ലൈ നൗ എന്ന ലിങ്കിൽ നിന്ന് രജിസ്ട്രേഷനായുള്ള പേജിലേ്ക്ക് എത്തും.
