എടിഎമ്മിലെ തിരക്കില്‍ നിന്നും രക്ഷ; പണം പിന്‍വലിക്കാന്‍ എഡിഡബ്ല്യൂഎം മെഷീനും

ദില്ലി:എടിഎമ്മിലെ തിരക്കില്‍ നിന്നും രക്ഷപ്പെടാന്‍ പുതിയ സംവിധാനവുമായി എസ്ബിഐ. ഇനി മുതല്‍ എടിഎമ്മിന് പുറമേ ഓട്ടമേറ്റഡ് ഡെപ്പോസിറ്റ് ആന്‍ഡ് വിത്‌ഡ്രോവല്‍ മെഷീനുകളില്‍ നിന്നും പണം പിന്‍വലിക്കാം. നേരത്തെ ഇത്തരം മെഷീനുകളില്‍ നിന്നും പണം ഡിപ്പോസിറ്റ് ചെയ്യാന്‍ മാത്രമെ സംവിധാനം ഉണ്ടായിരുന്നുള്ളൂ. എന്നാല്‍ ഇപ്പോള്‍ പിന്‍വലിക്കുന്നതിനുള്ള സൗകര്യവും ഒരുക്കിയിരിക്കുകയാണ്.

ഇന്ത്യയില്‍ എസ്ബിഐക്ക് 13000 ഓട്ടമേറ്റഡ് ഡെപ്പോസിറ്റ് ആന്‍ഡ് വിത്‌ഡ്രോവല്‍ മെഷീനുകള്‍ ഉണ്ടെന്നാണ് കണക്ക്. പണം പിന്‍വലിക്കാനുള്ള സൗകര്യം കൂടി ഒരുങ്ങുന്നതോടെ ഒരുപരിധിവരെ എടിഎമ്മിലെ തിരക്കില്‍ നിന്നും മോചനം നേടാം.

എടിഎമ്മില്‍ നിന്നും പണം പിന്‍വലിക്കുന്ന സമാന രീതിയില്‍ തന്നെയാണ് എഡിഡബ്ല്യൂ എം മെഷീനില്‍ നിന്നും പണം പിന്‍വലിക്കുന്നത്. മെഷീനില്‍ കാര്‍ഡ് ഇട്ട് പിന്‍കോഡ് അമര്‍ത്തിയാല്‍ മതിയാവുംപത്തായിരം രൂപയില്‍ കൂടുതല്‍ പിന്‍വലിക്കണമെങ്കില്‍ രജിസ്‌ട്രേഡ് ഫോണ്‍ നമ്പറില്‍ വരുന്ന ഒടിപി നമ്പറും എടിഎം മെഷീനില്‍ നല്കണം. സുരക്ഷ മുന്‍നിര്‍ത്തിയാണ് എസ്ബിഐയുടെ നീക്കം.