Just In
-
-
-
-
Don't Miss
-
സ്കൂട്ടറിനേക്കാൾ ലാഭമാണല്ലോ, 70 കി.മീ. വരെ റേഞ്ചുള്ള ഇലക്ട്രിക് സൈക്കിളുമായി ഹീറോ -
IPL 2024: ഇന്ത്യക്ക് വേണ്ട, പക്ഷെ സഞ്ജുവിന്റെ തുറുപ്പു ചീട്ട്! തന്റെ തന്ത്രം വെളിപ്പെടുത്തി സന്ദീപ് -
ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്, ചങ്ക് തകരും -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
പൊന്നാനിയില് കളിവിട്ട് കാര്യത്തിലേക്ക്; അടിയൊഴുക്കുകള്ക്ക് ശ്രമം, പറഞ്ഞതില് മാറ്റമില്ലെന്ന് ജിഫ്രി തങ്ങള് -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
കൊവിഡ് 19 വ്യാപനത്തിന്റെ പശ്ചാത്തലത്തില്‍ രാജ്യവ്യാപക ലോക്ക് ഡൗണ്‍ നീട്ടിയതിനാല്‍, മാര്‍ച്ച് മുതല്‍ മെയ് വരെ അടയ്‌ക്കേണ്ട ലൈഫ് ഇന്‍ഷുറന്‍സ് പോളിസികള്‍ പുതുക്കുന്നതിനുള്ള ഗ്രേസ് കാലയളവ് ഐആര്‍ഡിഎഐ നീട്ടി. മാര്‍ച്ച് 23, ഏപ്രില്‍ 4 എന്നീ തീയതികളില്‍ പോളിസികള്‍ക്കായി 30 ദിവസത്തെ അധിക ഗ്രേസ് കാലയളവ് ഐആര്‍ഡിഎഐ പ്രഖ്യാപിച്ചിരുന്നു. മാര്‍ച്ച്, ഏപ്രില്‍ മാസങ്ങളില്‍ പ്രീമിയം കുടിശ്ശിക വരുത്തിയ പോളിസികള്‍ക്കായാണ് ഇത് പ്രഖ്യാപിച്ചത്.
കൊവിഡ് 19 വ്യാപനം തടയാന്‍ സര്‍ക്കാര്‍ ഏര്‍പ്പെടുത്തിയ ലോക്ക് ഡൗണ്‍ പശ്ചാത്തലത്തില്‍ ലൈഫ് ഇന്‍ഷുറന്‍സ് പോളിസി ഉടമകള്‍ക്ക് ഒരു ആശ്വാസമെന്ന ലക്ഷ്യത്തോടെയാണ് ഈ നടപടി സ്വീകരിച്ചതെന്ന് ഇന്‍ഷുറന്‍സ് റെഗുലേറ്ററി ആന്‍ഡ് ഡെവലപ്പ്‌മെന്റ് അതോറിറ്റി ഓഫ് ഇന്ത്യ (ഐആര്‍ഡിഎഐ) വ്യക്തമാക്കിയിരുന്നു. സര്‍ക്കാരിന്റെ ഏറ്റവും പുതിയ അറിയിപ്പ് പ്രകാരം രാജ്യവ്യാപക ലോക്ക് ഡൗണ്‍ 2020 മെയ് 17 വരെ നീട്ടിയതിനാല്‍, പോളിസികള്‍ യഥാസമയം പുതുക്കുന്നതിന് ചില പോളിസി ഉടമകള്‍ നേരിടുന്ന ബുദ്ധിമുട്ട് കണക്കിലെടുത്ത് മാര്‍ച്ചില്‍ പ്രീമിയം അടയ്‌ക്കേണ്ട എല്ലാ ലൈഫ് ഇന്‍ഷുറന്‍സ് പോളിസികള്‍ക്കും റെഗുലേറ്റര്‍ 2020 മെയ് 31 വരെ ഗ്രേസ് കാലയളവ് നീട്ടി നല്‍കിയിട്ടുണ്ട്.
'കൊവിഡ് 19 വ്യാപനത്തിന്റെ പശ്ചാത്തലത്തില്‍ സംജാതമായ ലോക്ക് ഡൗണിനെ സംബന്ധിച്ചുള്ള അവലോകനത്തിലും സമീപകാലത്ത് ലഭിച്ച പ്രാതിനിധ്യങ്ങളും കണക്കിലെടുത്ത്, 2020 മാര്‍ച്ച് മാസത്തില്‍ കാലാവധി തീരുന്ന ലൈഫ് ഇന്‍ഷുറന്‍സ് പോളിസി പ്രീമിയങ്ങള്‍ക്ക് 2020 മെയ് 31 വരെ ഗ്രേസ് കാലയളവ് നല്‍കും,' ഒരു പ്രസ്താവനയിലൂടെ ഇന്‍ഷുറന്‍സ് റെഗുലേറ്ററി ആന്‍ഡ് ഡെവലപ്പ്‌മെന്റ് അതോറിറ്റി ഓഫ് ഇന്ത്യ (ഐആര്‍ഡിഎഐ) അറിയിച്ചു.
പോളിസി പരിരക്ഷ പ്രാബല്യത്തില്‍ വരുത്തുന്നതിന് അനുവദിച്ച ഗ്രേസ് കാലയളവിന്റെ ലക്ഷ്യമെന്നത്, പ്രസ്തുത കാലയളവിനുള്ളില്‍ അടയ്‌ക്കേണ്ട എല്ലാ പ്രീമിയങ്ങളും ഉപഭോക്താവ് അടയ്ക്കുക എന്നതാണ്. ഇതിനായി എല്ലാ പോളിസി ഉടമകളോടും അഭ്യര്‍ഥിക്കുന്നതായി ഐആര്‍ഡിഎഐ കൂട്ടിച്ചേര്‍ത്തു. ആഗോളതലത്തില്‍ രണ്ടു ലക്ഷത്തില്‍പ്പരം ആളുകളുടെ ജീവനെടുത്ത കൊവിഡ് 19 -നെ ലോകാരോഗ്യ സംഘടന മഹാമാരിയായി പ്രഖ്യാപിച്ചിരുന്നു. ഇന്ത്യയില്‍ കൊവിഡ് 19 ബാധിച്ച് ഇതുവരെ 2000 -ത്തില്‍പ്പരം ആളുകളുടെ ജീവന്‍ നഷ്ടമായി.
