ജിയോ ഉപഭോക്താക്കൾക്ക് സന്തോഷ വാ‍ർത്ത; ജിയോഫോൺ ദീപാവലി ഓഫർ നവംബർ 30 വരെ നീട്ടി

ദീപാവലിയ്ക്ക് മുന്നോടിയായി ജിയോ പ്രഖ്യാപിച്ച ജിയോഫോൺ ദീപാവലി 2019 ഓഫർ എന്ന പ്രത്യേക ഒറ്റത്തവണ ഓഫർ ഒരു മാസം കൂടി നീട്ടുന്നതായി റിലയൻസ് ജിയോ വെള്ളിയാഴ്ച അറിയിച്ചു. ഉപഭോക്താക്കൾക്ക് നവംബർ 30 വരെ ഈ ഓഫർ ലഭിക്കുമെന്ന് കമ്പനി പ്രസ്താവനയിൽ പറഞ്ഞു.

ദസറയുടെയും ദീപാവലിയുടെയും ഭാ​ഗമായി 1500 രൂപ വിലയുള്ള ജിയോ ഫോൺ വെറും 699 രൂപയ്ക്ക് ലഭ്യമാക്കുന്ന ഓഫറാണിത്. ഇതുവരെ ജിയോഫോൺ വാങ്ങാൻ കഴിയാത്തവർക്കായി ഒരു മാസം കൂടിയാണ് കമ്പനി ഓഫർ കാലാവധി നീട്ടിയിരിക്കുന്നത്. 700 രൂപ വില വരുന്ന അധിക ഡാറ്റാ ആനുകൂല്യങ്ങളും ദീപാവലി ഓഫറിന്റെ ഭാ​ഗമായി ഉപഭോക്താക്കൾക്ക് ലഭിക്കും.

ജിയോ ഉപഭോക്താക്കൾക്ക് സന്തോഷ വാ‍ർത്ത; ജിയോഫോൺ ദീപാവലി ഓഫർ നവംബർ 30 വരെ നീട്ടി

ആദ്യത്തെ 7 റീചാർജുകളിൽ ഓരോ റീചാർജിലും ജിയോ 99 രൂപ മൂല്യമുള്ള അധിക ഡാറ്റയാണ് നൽകുക. ഈ അധിക ഡാറ്റ ഉപയോ​ഗിച്ച് വിനോദം, പേയ്‌മെന്റുകൾ, ഇ-കൊമേഴ്‌സ്, വിദ്യാഭ്യാസം, പഠനം, ട്രെയിൻ, ബസ് ബുക്കിംഗ് എന്നീ സേവനങ്ങൾക്കായി ഉപയോ​ഗിക്കാവുന്നതാണ്. 2.4 ഇഞ്ച് ക്യുവി‌ജി‌എ ഡിസ്‌പ്ലേയാണ് ജിയോ ഫോണിന്റേത്. എസ്ഡി കാർഡ് സ്ലോട്ട്, 2000 mAh ബാറ്ററി എന്നിവയും ജിയോ ഫോണിന്റെ പ്രത്യേകതകളാണ്.

ഹെഡ്‌ഫോൺ ജാക്ക്, ടോർച്ച്‌ലൈറ്റ്, എഫ്എം റേഡിയോ, മൈക്രോഫോൺ, സ്പീക്കർ, 2 എംപി കാമറ, 0.3 എം.പി ഫ്രണ്ട് കാമറ എന്നിവയും ഫോണിനുണ്ട്.

malayalam.goodreturns.in