Just In
-
-
-
-
Don't Miss
-
T20 World Cup 2024: മൂന്നാമനായി കോലി വേണ്ട! പകരം റിഷഭ് കളിക്കട്ടെ. കാരണം പറഞ്ഞ് മുന് പേസര് -
ചെയ്യാത്ത കുറ്റത്തിന് അപവാദം കേള്ക്കേണ്ടി വരും, മുൻകോപം മൂലം സുഹൃത്തുക്കൾ അകലും, രാശിഫലം -
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ജനുവരി മുതൽ മാർച്ച് വരെയുള്ള പാദത്തിലെ പബ്ലിക് പ്രൊവിഡന്റ് ഫണ്ട് അഥവാ പിപിഎഫ് ഉൾപ്പെടെയുള്ള ചെറുകിട സമ്പാദ്യ പദ്ധതികളുടെ പലിശ നിരക്കിൽ മാറ്റമില്ല. സർക്കാരിന് കീഴിലുള്ള ചെറുകിട സമ്പാദ്യ പദ്ധതികളുടെ പലിശ നിരക്ക് ത്രൈമാസ അടിസ്ഥാനത്തിലാണ് പരിഷ്കരിക്കുന്നത്. 2020-21 നാലാം പാദത്തിലെ വിവിധ ചെറുകിട സമ്പാദ്യ പദ്ധതികളുടെ പലിശനിരക്ക് അതായത് ജനുവരി 1 മുതൽ 2021 മാർച്ച് 31 വരെയുള്ള പാദത്തിലെ പലിശ നിരക്കിൽ മാറ്റമില്ലെന്ന് സർക്കാർ അറിയിച്ചു.
പലിശ നിരക്കുകൾ
പി‌പി‌എഫിനുപുറമെ, സുകന്യ സമൃദ്ധി യോജന (എസ്‌എസ്‌വൈ), നാഷണൽ സേവിംഗ്സ് സർ‌ട്ടിഫിക്കറ്റ് (എൻ‌എസ്‌സി), പോസ്റ്റ് ഓഫീസ് ടൈം നിക്ഷേപം, സീനിയർ സിറ്റിസൺ സേവിംഗ്സ് സ്കീം എന്നിവയുൾപ്പെടെ നിരവധി ചെറുകിട സമ്പാദ്യ പദ്ധതികളും സർക്കാർ വാഗ്ദാനം ചെയ്യുന്നുണ്ട്. ചെറുകിട സമ്പാദ്യ പദ്ധതികളിൽ ഏറ്റവും ഉയർന്ന പലിശ നിരക്ക് വാഗ്ദാനം ചെയ്യുന്നത് പെൺകുട്ടികൾക്ക് വേണ്ടിയുള്ള സമ്പാദ്യ പദ്ധതിയായ സുകന്യ സമൃദ്ധി യോജനയാണ്. വിവിധ ചെറുകിട സമ്പാദ്യ പദ്ധതികളുടെ പലിശ നിരക്കുകൾ ഇതാ:
പബ്ലിക് പ്രൊവിഡന്റ് ഫണ്ട് (പിപിഎഫ്)
15 വർഷത്തിനുള്ളിൽ കാലാവധി പൂ‌‍‍ർത്തിയാകുന്ന ജനപ്രിയ നികുതി, ദീർഘകാല സേവിംഗ്സ് പദ്ധതിയാണിത്. 7.1 ശതമാനമാണ് പിപിഎഫിന്റെ പലിശ നിരക്ക്. 5 വർഷത്തിനുശേഷം പിപിഎഫിൽ നിന്ന് ഭാഗികമായി തുക പിൻവലിക്കാം. കൂടാതെ 15 വർഷത്തിനപ്പുറം അക്കൗണ്ട് നീട്ടാനും കഴിയും. അക്കൗണ്ട് സജീവമായി നിലനിർത്തുന്നതിന് പ്രതിവർഷം കുറഞ്ഞത് 500 രൂപ നിക്ഷേപം ആവശ്യമാണ്.
സീനിയർ സിറ്റിസൺ സേവിംഗ്സ് സ്കീം (എസ്‌സി‌എസ്‌എസ്)
ത്രൈമാസ അടിസ്ഥാനത്തിൽ സ്ഥിര പലിശ വരുമാനം നേടുന്നതിന് 60 വയസ് പ്രായമുള്ള നിക്ഷേപകർക്ക് ഈ പദ്ധതിയിൽ പണം നിക്ഷേപിക്കാം. 15 ലക്ഷം രൂപ വരെ നിക്ഷേപം നടത്താം. മുതിർന്ന പൗരന്മാരുടെ ഈ നിക്ഷേപ പദ്ധതി 7.4% പലിശനിരക്ക് വാഗ്ദാനം ചെയ്യുന്നു.
സുകന്യ സമൃദ്ധി യോജന (എസ്‌എസ്‌വൈ)
ഇത് 7.6% പലിശ നിരക്ക് നൽകുന്നു. ഒരു വീട്ടിലെ രണ്ട് പെൺമക്കൾക്ക് വേണ്ടി വരെ നിക്ഷേപം നടത്താം. ഒരു വീടിന് പരമാവധി 2 അക്കൗണ്ടുകളാണ് അനുവദനീയം.
പോസ്റ്റ് ഓഫീസ് ടൈം നിക്ഷേപം
1, 2, 3 അല്ലെങ്കിൽ 5 വർഷത്തെ കാലാവധിക്കായി നിങ്ങൾക്ക് ഒരു പോസ്റ്റോഫീസ് ടൈം നിക്ഷേപം ആരംഭിക്കാൻ കഴിയും. ഇത് ബാങ്കുകൾ വാഗ്ദാനം ചെയ്യുന്ന സ്ഥിര നിക്ഷേപങ്ങൾക്ക് സമാനമാണ്. 1-3 വർഷത്തെ നിക്ഷേപത്തിന് 5.5% പലിശ ലഭിക്കും. അഞ്ചുവർഷത്തെ നിക്ഷേപം 6.7% പലിശ നൽകുന്നു.
5 വർഷത്തെ പോസ്റ്റ് ഓഫീസ് ആർ‌ഡി, കിസാൻ വികാസ് പത്ര (കെവിപി)
പോസ്റ്റോഫീസുകൾ വാഗ്ദാനം ചെയ്യുന്ന റിക്കറിംഗ് നിക്ഷേപ പദ്ധതി പുതിയ നിക്ഷേപകർക്ക് 5.8% പലിശ നൽകും. ഇപ്പോൾ 124 മാസത്തിനുള്ളിൽ നിക്ഷേപം ഇരട്ടിയാകുന്ന കിസാൻ വികാസ് പത്രയുടെ പലിശ നിരക്ക് 6.9% ആണ്.
