വിലയേറിയ ലോഹങ്ങളിലൊന്നായ പല്ലേഡിയത്തിന്റെ വില കുതിച്ചുയരുന്നു. സ്വർണത്തിന്റെ റെക്കോഡ് വിലയെ വരെ മറികടന്നാണ് പല്ലേഡിയത്തിന്റെ വില ഉയർന്നിരിക്കുന്നതെന്ന് ബ്ലൂംബെർഗിന്റെ റിപ്പോർട്ട് വ്യക്തമാക്കുന്നു. ബ്ലൂംബെർഗ് റിപ്പോർട്ടിൽ സൂചിപ്പിച്ചിരിക്കുന്ന കണക്കനുസരിച്ച് സ്പോട്ട് പല്ലേഡിയത്തിന്റെ വില വ്യാഴാഴ്ച ഔൺസിന് 1,940.34 ഡോളറിലെത്തി. ഇതോടെ വാർഷിക നേട്ടം 54 ശതമാനമായി ഉയർന്നു.
വില കൂടാൻ കാരണം
ലോകത്തെ രണ്ടാം നമ്പർ പല്ലേഡിയം ഉൽപാദകരായ ദക്ഷിണാഫ്രിക്കയിലെ ഖനികൾ വൈദ്യുതി ക്ഷാമം കാരണം ഈ ആഴ്ച 24 മണിക്കൂർ അടച്ചു പൂട്ടിയിരുന്നു. ഇതിനെ തുടർന്നുണ്ടായ വിതരണ ആശങ്കകളാണ് വില വർദ്ധിക്കാൻ കാരണമെന്ന് വാർത്താ റിപ്പോർട്ടിൽ പറയുന്നു. കുത്തനെയുള്ള വിലക്കയറ്റത്തിൽ ഉടൻ മാറ്റങ്ങളുണ്ടാകാൻ സാധ്യതയില്ലെന്നാണ് വിദഗ്ധരുടെ അഭിപ്രായം.
സ്വർണ്ണ നിക്ഷേപം നടത്താനുള്ള മികച്ച 2 മാർഗങ്ങൾ
ഉപയോഗങ്ങൾ
ഇലക്ട്രോണിക്സ്, ദന്തചികിത്സ, ശസ്ത്രക്രിയ ഉപകരണങ്ങൾ, ആഭരണങ്ങൾ, രാസ പ്രയോഗങ്ങൾ, ഭൂഗർഭജല സംസ്കരണം എന്നിവയ്ക്കാണ് പല്ലേഡിയം പ്രധാനമായും ഉപയോഗിക്കുന്നത്. എന്നിരുന്നാലും, ഈ ലോഹത്തിന്റെ ഏറ്റവും വലിയ ഉപയോഗം കാറ്റലറ്റിക് കൺവെർട്ടർ എന്ന നിലയിലാണ്. കൂടാതെ, കാറുകളിലും ട്രക്കുകളിലും മറ്റും മലിനീകരണ നിയന്ത്രണ ഉപകരണങ്ങളിൽ ഒരു പ്രധാന ഘടകമായും ഇവ ഉപയോഗിക്കുന്നു.
സ്വർണ വിലയിൽ വൻ ഇടിവ്; ഒരാഴ്ച്ചയിൽ കുറഞ്ഞത് 600 രൂപ, ഉടൻ 28000ന് താഴേയ്ക്ക്
വാഹനങ്ങളിലെ ഉപയോഗം
ഒരു വർഷത്തിനുള്ളിലാണ് പല്ലേഡിയത്തിന്റെ വില ഇരട്ടിയായത്. അതുവഴി സ്വർണത്തേക്കാൾ വിലയേറിയ ലോഹമായി പല്ലേഡിയം മാറി. ചൈന പോലുള്ള രാജ്യങ്ങളിൽ വാഹനങ്ങളിൽ നിന്നുള്ള മലിനീകരണം തടയുന്നതിനുള്ള നിയന്ത്രണങ്ങൾ കർശനമാക്കി. ഇതോടെ വാഹന നിർമ്മാതാക്കൾ അവർ ഉപയോഗിക്കുന്ന വിലയേറിയ ലോഹത്തിന്റെ അളവ് വർദ്ധിപ്പിക്കാൻ നിർബന്ധിതരായതാണ് പല്ലേഡിയത്തിന്റെ വില കുതിച്ചുയരാൻ കാരണം.
ലോഹത്തിന്റെ പ്രത്യേകതകൾ
വളരെ മൃദുവായതും എളുപ്പത്തിൽ പ്രവർത്തിക്കുന്നതുമായ ലോഹമാണ് പല്ലേഡിയം. സാധാരണ താപനിലയിൽ അന്തരീക്ഷത്തിൽ ഇവ പ്രവർത്തിക്കാത്തതിനാൽ ഈ ലോഹവും ലോഹക്കൂട്ടുകളും ആഭരണങ്ങളിൽ പ്ലാറ്റിനത്തിന് പകരമായി ഉപയോഗിക്കാറുണ്ട്. സ്വർണ്ണത്തിൽ വളരെ കുറഞ്ഞ അളവിൽ പല്ലേഡിയം ചേർത്താണ് വൈറ്റ് ഗോൾഡ് ഉണ്ടാക്കുന്നത്.
സ്വർണം വാങ്ങി കാശ് കളയല്ലേ.. സ്വർണത്തിൽ നിക്ഷേപം നടത്തുന്നതിന്റെ പോരായ്മകൾ ഇവയാണ്