അടുത്തിടെ നടപ്പാക്കിയ കാർഷിക പരിഷ്കാരങ്ങൾക്കെതിരായ കർഷകരുടെ പ്രക്ഷോഭത്തിനിടയിൽ പ്രധാനമന്ത്രി നരേന്ദ്ര മോദി പ്രധാൻ മന്ത്രി കിസാൻ സമ്മാൻ നിധി (പിഎം-കിസാൻ) പദ്ധതി പ്രകാരമുള്ള 18,000 കോടി രൂപയുടെ അടുത്ത ഗഡു ഡിസംബർ 25 ന് വിതരണം ചെയ്യും. കർഷകരുടെ പ്രതിഷേധത്തിന്റെ 30-ാം ദിവസം പ്രധാനമന്ത്രി കോൺഫറൻസിലൂടെ തുക പുറത്തുവിടും.
കിസാൻ ക്രെഡിറ്റ് കാർഡുള്ള കർഷകർക്ക് കുറഞ്ഞ നിരക്കിൽ വായ്പ, കാർഡിന് അപേക്ഷിക്കേണ്ടത് എങ്ങനെ?
കർഷകർക്ക് നേരിട്ട് പണം കൈമാറ്റം ചെയ്യുന്ന പദ്ധതിയായ പിഎം-കിസാൻ സമ്മാൻ നിധി സ്കീമിന് കീഴിലുള്ള ഏഴാമത്തെ ഗഡുവാണിത്. ഒൻപത് കോടിയിലധികം ഗുണഭോക്തൃ കർഷക കുടുംബങ്ങൾക്ക് മോദി 18,000 കോടിയിലധികം രൂപ കൈമാറ്റം ചെയ്യുമെന്ന് പ്രധാനമന്ത്രിയുടെ ഓഫീസ് സ്ഥിരീകരിച്ചു. ആറ് സംസ്ഥാനങ്ങളിൽ നിന്നുള്ള കർഷകർ പ്രധാനമന്ത്രിയുമായി സംസാരിക്കുമെന്നും ബന്ധപ്പെട്ട വൃത്തങ്ങൾ അറിയിച്ചു. കേന്ദ്ര കൃഷി മന്ത്രി നരേന്ദ്ര സിംഗ് തോമറും ചടങ്ങിൽ പങ്കെടുക്കും.
കഴിഞ്ഞ വർഷം ഫെബ്രുവരിയിലാണ് പ്രധാനമന്ത്രി-കിസാൻ സമൻ നിധി പദ്ധതി ആരംഭിച്ചത്. സർക്കാരിൽ നിന്ന് 100 ശതമാനം ധനസഹായമുള്ള കേന്ദ്ര പദ്ധതിയാണിത്. പിഎം-കിസാൻ പദ്ധതി പ്രകാരം, അർഹരായ ഗുണഭോക്തൃ കർഷകർക്ക് പ്രതിവർഷം 6,000 രൂപയുടെ സാമ്പത്തിക ആനുകൂല്യം ലഭിക്കും. മൂന്ന് തുല്യമായ ഗഡുക്കളായി 2,000 രൂപ വീതമാണ് ലഭിക്കുക.
നിങ്ങളുടെ അക്കൌണ്ടിൽ പ്രധാനമന്ത്രിയുടെ 2000 രൂപ ലഭിച്ചോ? കിട്ടിയില്ലെങ്കിൽ ഈ നമ്പറുകളിൽ വിളിക്കാം
നേരിട്ടുള്ള ആനുകൂല്യ കൈമാറ്റം രീതി അനുസരിച്ച് തുക നേരിട്ട് ഗുണഭോക്താക്കളുടെ ബാങ്ക് അക്കൗണ്ടുകളിലേക്കാണ് കൈമാറുന്നത്.