Click it and Unblock the Notifications
മുംബൈ: ലോകമെങ്ങും ബിറ്റ്കോയിന് ആവേശം അലയടിക്കുന്നുണ്ടെങ്കിലും ക്രിപ്റ്റോകറന്സിയെ അംഗീകരിക്കാന് റിസര്വ് ബാങ്കിന് ബുദ്ധിമുട്ടുണ്ട്. ബിറ്റ്കോയിന് അടക്കമുള്ള ക്രിപ്റ്റോകറന്സികള് സമ്പമ്പദ്ഘടനയുടെ താളം തെറ്റിക്കുമെന്ന ആശങ്കയാണ് റിസര്വ് ബാങ്ക് പങ്കുവെയ്ക്കുന്നത്. ക്രിപ്റ്റോകറന്സിയെ ചൊല്ലിയുള്ള ആശങ്ക റിസര്വ് ബാങ്ക് കേന്ദ്ര സര്ക്കാരിനെ അറിയിച്ചു കഴിഞ്ഞതായി ആര്ബിഐ ഗവര്ണര് ശക്തികാന്ത ദാസ് ഒരു ദേശീയ മാധ്യമത്തിന് നല്കിയ അഭിമുഖത്തില് വ്യക്തമാക്കി.
രാജ്യത്ത് വൈകാതെ ക്രിപ്റ്റോകറന്സികള് വിലക്കാനുള്ള നീക്കത്തിലാണ് കേന്ദ്രം. ബിറ്റ്കോയിന്, എഥീറിയം പോലുള്ള ക്രിപ്റ്റോകറന്സികള് നിരോധിച്ച് പകരം റിസര്വ് ബാങ്കിന്റെ സഹായത്തോടെ ഔദ്യോഗിക ഡിജിറ്റല് കറന്സി പുറത്തിറക്കാന് കേന്ദ്രം ഒരുക്കം കൂട്ടുന്നുണ്ട്. പുതിയ ഡിജിറ്റല് കറന്സി അവതരിപ്പിക്കാനുള്ള നടപടിക്രമം ആരംഭിച്ചതായി റിസര്വ് ബാങ്ക് ഗവര്ണര് ബുധനാഴ്ച്ച സൂചിപ്പിച്ചു. ഇതേസമയം, ഡിജിറ്റല് കറന്സി എന്ന് യാഥാര്ത്ഥ്യമാവുമെന്ന് ശക്തികാന്ത ദാസ് അറിയിച്ചിട്ടില്ല.
മുന്പ്, 2018 ഏപ്രിലില് ബിറ്റ്കോയിനടക്കമുള്ള എല്ലാ ക്രിപ്റ്റോകറന്സി ഇടപാടുകളും മൂന്നു മാസത്തിനകം നിര്ത്തണമെന്ന് റിസര്വ് ബാങ്ക് രാജ്യത്തെ ധനകാര്യ സ്ഥാപനങ്ങള്ക്ക് നിര്ദ്ദേശം നല്കിയിരുന്നു. എന്നാല് റിസര്വ് ബാങ്കിന്റെ നിര്ദ്ദേശം 2020 മാര്ച്ചില് സുപ്രീം കോടതി അസാധുവാക്കി. എക്സ്ചേഞ്ചുകളില് നിന്നും വ്യാപാരികളില് നിന്നുമുള്ള ക്രിപ്റ്റോകറന്സി ഇടപാടുകള് തുടരാന് സുപ്രീം കോടതി ധനകാര്യ സ്ഥാപനങ്ങള്ക്ക് അനുവാദം നല്കി. പിന്നാലെ വന് പ്രചാരമാണ് ക്രിപ്റ്റോകറന്സികള്ക്ക് ഇന്ത്യയില് ലഭിച്ചത്.
എന്തായാലും ഡിജിറ്റല് കറന്സി ബില് പാസായാല് ക്രിപ്റ്റോകറന്സി നിരോധിക്കുന്ന ലോകത്തെ ആദ്യ പ്രമുഖ രാജ്യമായിരിക്കും ഇന്ത്യ. നിലവില് പല രാജ്യങ്ങളും ക്രിപ്റ്റോകറന്സി ഇടപാടുകള് നിയന്ത്രിക്കേണ്ടതെങ്ങനെയെന്ന് ആലോചിച്ച് തലപുകയ്ക്കുകയാണ്.
പറഞ്ഞുവരുമ്പോള് ബിറ്റ്കോയിന് പോലുള്ള ക്രിപ്റ്റോകറന്സികള് ഉപയോഗിക്കുന്ന ബ്ലോക്ക്ചെയിന് ഫ്രെയിംവര്ക്ക് വിദ്യയോട് റിസര്വ് ബാങ്കിന് താത്പര്യമുണ്ട്. ബ്ലോക്ക്ചെയിന് സാങ്കേതികവിദ്യ വ്യത്യസ്തമാണ്. അതിന്റെ ഗുണങ്ങള് കൂടുതല് തലത്തില് കണ്ടത്തേണ്ടതുണ്ടെന്ന് ശക്തികാന്ത ദാസ് പറയുന്നു.
രാജ്യത്തെ പണലഭ്യത കുറയ്ക്കില്ലെന്നും അഭിമുഖത്തില് റിസര്വ് ബാങ്ക് ഗവര്ണര് അറിയിച്ചു. ആവശ്യത്തിന് പണലഭ്യത ഉറപ്പുവരുത്താനുള്ള മാര്ഗങ്ങള് റിസര്വ് ബാങ്കിന്റെ പക്കലുണ്ട്. കോവിഡ് പ്രതിസന്ധിയെ മികച്ച രീതിയില് തരണം ചെയ്യാന് കേന്ദ്ര ബാങ്കിന് സാധിച്ചു. റിസര്വ് ബാങ്കില് നിന്നും ലഭിക്കുന്ന സൂചനകളില് വിശ്വാസമര്പ്പിക്കാന് വിപണി തയ്യാറാവണമെന്നും ശക്തികാന്ത ദാസ് പറഞ്ഞു.
More From GoodReturns
ഓഹരി വിപണിയിൽ വൻ മാറ്റം: മൈക്രോക്യാപ് നിക്ഷേപകർക്ക് മുന്നറിയിപ്പുമായി എക്സ്ചേഞ്ചുകൾ
നാലാം ശനിയാഴ്ച ബാങ്ക് അവധി: പണമിടപാടുകൾ മുടങ്ങുമോ? അറിയേണ്ട പ്രധാന കാര്യങ്ങൾ
ദുബായിൽ സ്വർണ്ണവിലയിൽ മാറ്റമില്ല; കേരളത്തെ അപേക്ഷിച്ച് പ്രവാസികൾക്ക് വൻ ലാഭം!
ബംഗളൂരു മെട്രോ പിങ്ക് ലൈൻ: ഓഗസ്റ്റ് 15-ന് ഉദ്ഘാടനമില്ല; യാത്രക്കാർക്ക് വീണ്ടും കാത്തിരിപ്പ്
മാരുതി സുസുക്കി Q1 ഫലം: എസ്യുവി വിൽപന ലാഭത്തിൽ കുതിച്ചുചാട്ടമുണ്ടാക്കുമോ?
നിഫ്റ്റി ഓട്ടോയിൽ വൻ കുതിപ്പിന് സാധ്യത; എഫ് ആൻഡ് ഒ എക്സ്പയറിക്ക് മുന്നോടിയായി നിക്ഷേപകർ അറിയേണ്ടതെന്ത്?
എൽഐസി എജിഎം ഇന്ന്: ഡിവിഡന്റും ബോണസ് ഓഹരികളും പ്രഖ്യാപിക്കുമോ? നിക്ഷേപകർ ആകാംക്ഷയോടെ ഉറ്റുനോക്കുന്ന നിർണ്ണായക തീരുമാനങ്ങൾ
ബെംഗളൂരു മെട്രോ പിങ്ക് ലൈൻ: ഉദ്ഘാടനം വീണ്ടും വൈകുന്നു; യാത്രക്കാർക്ക് ഇനിയും കാത്തിരിക്കണം
ബിഎസ്ഇ മോക്ക് ട്രേഡിംഗ് ഇന്ന്: പെന്നി സ്റ്റോക്ക് നിക്ഷേപകർക്ക് നഷ്ടം ഒഴിവാക്കാൻ ഈ അവസരം പ്രയോജനപ്പെടുത്താം
ബെംഗളൂരു മെട്രോ യെല്ലോ ലൈൻ: സാങ്കേതിക തകരാറുകൾ പരിഹരിച്ചു, സർവീസുകൾ സാധാരണ നിലയിൽ; യാത്രക്കാർക്ക് ആശ്വാസം
ദുബായിൽ സ്വർണ്ണം വാങ്ങുമ്പോൾ ലാഭം ഇത്രയോ? ഇന്ത്യയുമായുള്ള വില വ്യത്യാസം ഞെട്ടിക്കും!
Sign in with Google