ഇന്ത്യയിലെ ഏറ്റവും ധനികയായ വനിതയായ റോഷ്നി നാടാർ മൽഹോത്ര എച്ച്സിഎൽ ടെക്നോളജീസ് അല്ലെങ്കിൽ എച്ച്സിഎൽ ടെക്കിന്റെ ചെയർപേഴ്സണായി സ്ഥാനമേറ്റെടുത്തു. പിതാവ് ശിവ് നാടാർ ചെയർമാൻ സ്ഥാനത്ത് നിന്ന് പടിയിറങ്ങിയതിനെ തുടർന്നാണ് റോഷ്നി നാടാർ സ്ഥാനമേറ്റെടുത്തതെന്ന് നോയിഡ ആസ്ഥാനമായുള്ള ഐടി കമ്പനിയായ എച്ച്സിഎൽ അറിയിച്ചു. നോൺ എക്സിക്യൂട്ടീവ് ഡയറക്ടറായ റോഷ്നി നാടർ മൽഹോത്രയെ പുതിയ സ്ഥാനത്തേയ്ക്ക് നിയമിച്ചത് ഉടൻ പ്രാബല്യത്തിൽ വരുമെന്ന് കമ്പനി റെഗുലേറ്ററി ഫയലിംഗിൽ അറിയിച്ചു.
ശിവ് നാടാർ പടിയിറങ്ങി
ചീഫ് സ്ട്രാറ്റജി ഓഫീസർ പദവിയ്ക്കൊപ്പം എച്ച്.സി.എൽ ടെക്കിന്റെ മാനേജിംഗ് ഡയറക്ടറായി ശിവ് നാടാർ തുടരും. എച്ച്.സി.എൽ കോർപ്പറേഷന്റെ എക്സിക്യൂട്ടീവ് ഡയറക്ടറും സി.ഇ.ഒയും എച്ച്.സി.എൽ ടെക്നോളജീസ് ബോർഡ് വൈസ് ചെയർപേഴ്സണും ശിവ നടർ ഫൗണ്ടേഷന്റെ ട്രസ്റ്റിയുമാണ് റോഷ്നി നാടർ മൽഹോത്ര. എച്ച്സിഎൽ കോർപ്പറേഷനിൽ, കമ്പനിയ്ക്ക് തന്ത്രപരമായ മാർഗ്ഗനിർദ്ദേശം നൽകുന്നതിന്റെ ചുമതല റോഷ്നി നാടർ മൽഹോത്രയ്ക്കാണ്.
കമ്പനി എഫ്ഡിയിന്മേൽ വായ്പയെടുക്കുമ്പോൾ ഈ കാര്യങ്ങൾ ശ്രദ്ധിക്കുക
റോഷ്നി നാടാർ മൽഹോത്ര
2013 ൽ ഇന്ത്യയിലെ മൂന്നാമത്തെ വലിയ സോഫ്റ്റ്വെയർ കമ്പനിയായ എച്ച്സിഎല്ലിന്റെ ബോർഡിൽ അഡീഷണൽ ഡയറക്ടറായി റോഷ്നി നാടാർ മൽഹോത്രയെ നിയമിച്ചിരുന്നു. 2017 മുതൽ 2019 വരെ ഫോബ്സ് പുറത്തിറക്കിയ "ലോകത്തിലെ ഏറ്റവും ശക്തരായ 100 വനിതകളുടെ" പട്ടികയിൽ മൽഹോത്ര ഇടം നേടിയിരുന്നു.
കൊവിഡ് പ്രതിസന്ധിക്കിടയിലും ജീവനക്കാര്ക്ക് ശമ്പള വര്ദ്ധനവും, സ്ഥാനക്കയറ്റവും നല്കി സഹാറ ഗ്രൂപ്പ്
ട്രസ്റ്റ് പ്രവർത്തനങ്ങൾ
വന്യജീവികളെയും അവയുടെ സംരക്ഷണത്തിലും താത്പര്യമുള്ള റോഷ്നി നാടർ മൽഹോത്ര 2018 ൽ ദി ഹബിറ്റാറ്റ്സ് ട്രസ്റ്റ് ആരംഭിച്ചു. സുസ്ഥിര ആവാസവ്യവസ്ഥകൾ സൃഷ്ടിക്കുകയും സംരക്ഷിക്കുകയും ചെയ്യുകയെന്ന പ്രധാന ദൗത്യത്തോടെ രാജ്യത്തെ പ്രകൃതി ആവാസ വ്യവസ്ഥകളെയും തദ്ദേശീയ ജീവികളെയും സംരക്ഷിക്കുകയാണ് ട്രസ്റ്റിന്റെ ലക്ഷ്യം.
അരവിന്ദ് ഗ്രൂപ്പിന്റെ അവകാശ ഓഹരി വിൽപ്പന; 400 കോടി രൂപ സമാഹരിക്കും
വിദ്യാഭ്യാസം
റോഷ്നി നാടർ മൽഹോത്ര വളർന്നത് ഡൽഹിയിലാണ്. സോഷ്യൽ എന്റർപ്രൈസ് മാനേജ്മെൻറ്, സ്ട്രാറ്റജി എന്നിവയിൽ ശ്രദ്ധ കേന്ദ്രീകരിച്ച് യുഎസ്എയിലെ കെല്ലോഗ് സ്കൂൾ ഓഫ് മാനേജ്മെൻറിൽ നിന്ന് ബിസിനസ് അഡ്മിനിസ്ട്രേഷനിൽ ബിരുദാനന്തര ബിരുദം നേടി. ലോകത്തിലെ ഏറ്റവും മികച്ച, അടുത്ത തലമുറ നേതാക്കളുടെ ഒരു കമ്മ്യൂണിറ്റിയായ വേൾഡ് ഇക്കണോമിക് ഫോറത്തിന്റെ ഫോറം ഓഫ് യംഗ് ഗ്ലോബൽ ലീഡേഴ്സ് സംരംഭത്തിലെ പൂർവ്വ വിദ്യാർത്ഥി കൂടിയാണ് ഇവർ.