കൊറോണ വൈറസ് ലോക്ക്ഡൗൺ കാരണം സുകന്യ സമൃദ്ധി അക്കൗണ്ടുകൾ തുറക്കുന്നതിനുള്ള യോഗ്യതാ മാനദണ്ഡങ്ങളിൽ ചില ഇളവുകൾ സർക്കാർ പ്രഖ്യാപിച്ചു. തപാൽ വകുപ്പിന്റെ ഏറ്റവും പുതിയ മാർഗ്ഗനിർദ്ദേശങ്ങൾ അനുസരിച്ച്, 2020 മാർച്ച് 25 മുതൽ 2020 ജൂൺ 30 വരെയുള്ള ലോക്ക്ഡൗൺ കാലയളവിൽ 10 വയസ്സ് തികഞ്ഞ പെൺമക്കളുടെ പേരിൽ 2020 ജൂലൈ 31നകം സുകന്യ സമൃദ്ധി അക്കൗണ്ട് തുറക്കാം.
ഇളവ്
ലോക്ക്ഡൗൺ കാരണം സുകന്യ സമൃദ്ധി അക്കൗണ്ടുകൾ തുറക്കാൻ കഴിയാത്ത പെൺകുട്ടികളുടെ രക്ഷിതാക്കളെ ഈ ഇളവ് സഹായിക്കും. അല്ലെങ്കിൽ, ജനനത്തീയതി മുതൽ 10 വയസ്സ് വരെ മാത്രമേ സുകന്യ സമൃദ്ധി അക്കൗണ്ടുകൾ തുറക്കാൻ കഴിയൂ. സുകന്യ സമൃദ്ധി അക്കൗണ്ടുകൾക്ക് നിലവിൽ 7.6% പലിശനിരക്കാണ് ലഭിക്കുന്നത്. ഇത് ചെറുകിട സമ്പാദ്യ പദ്ധതികളിൽ ഏറ്റവും ഉയർന്ന പലിശ നിരക്കാണ്.
സുകന്യ സമൃദ്ധി യോജന: പലിശ നിരക്ക് മുതൽ പിൻവലിക്കൽ നിയമങ്ങൾ വരെ അറിയേണ്ട കാര്യങ്ങൾ
നിക്ഷേപ പരിധി
ഒരു സാമ്പത്തിക വർഷത്തിൽ പരമാവധി 1.5 ലക്ഷം രൂപയാണ് ഒരു സുകന്യ സമൃദ്ധി അക്കൗണ്ടിൽ നിക്ഷേപിക്കാനാകുന്നത്. ഒറ്റത്തവണയായും നിക്ഷേപിക്കാം. ഒരു മാസത്തിലോ സാമ്പത്തിക വർഷത്തിലോ ഉള്ള നിക്ഷേപങ്ങളുടെ എണ്ണത്തിൽ ഒരു നിയന്ത്രണവുമില്ല, ഒരു വർഷത്തിൽ മൊത്തം 1.5 ലക്ഷം രൂപ എന്നത് മാത്രമാണ് പരിധി. ഒരു രക്ഷാധികാരിക്ക് പ്രായ യോഗ്യത മാനദണ്ഡത്തിന് വിധേയമായി സുകന്യ സമൃദ്ധി അക്കൗണ്ട് തുറക്കാൻ കഴിയും.
സുകന്യ സമൃദ്ധി യോജനയിൽ പണം നിക്ഷേപിച്ചിട്ടുണ്ടോ? വരുമാനം 7.50 ലക്ഷം രൂപ കുറയും
അക്കൗണ്ടുകളുടെ എണ്ണം
ഒരു രക്ഷാകർത്താവിന് ഒരു പെൺകുഞ്ഞിന്റെ പേരിൽ ഒരു അക്കൗണ്ടും രണ്ട് പെൺകുട്ടികളുടെ പേരിൽ പരമാവധി രണ്ട് അക്കൗണ്ടുകളും മാത്രമേ തുറക്കാൻ കഴിയൂ. അക്കൗണ്ട് ആരംഭിച്ച തീയതി മുതൽ 15 വർഷത്തെ കാലാവധി പൂർത്തിയാകുന്നതുവരെ സുകന്യ സമൃദ്ധി അക്കൗണ്ടിൽ നിക്ഷേപിക്കാം. വിവാഹ ആവശ്യത്തിനും അക്കൗണ്ട് ഉടമയ്ക്ക് 18 വയസ്സ് തികഞ്ഞതിന് ശേഷവും ഭാഗികമായി പിൻവലിക്കൽ അനുവദനീയമാണ്.
ഓൺലൈൻ നിക്ഷേപം
21 വർഷം പൂർത്തിയാക്കിയ ശേഷം അക്കൗണ്ട് ക്ലോസ് ചെയ്യാം. സുകന്യ സമൃദ്ധി അക്കൗണ്ട് വരിക്കാർക്ക് ഇൻട്രാ ഓപ്പറേറ്റബിൾ നെറ്റ് ബാങ്കിംഗ്, ഐപിപിബി സേവിംഗ് അക്കൗണ്ട് എന്നിവ വഴി അക്കൗണ്ടുകളിലേക്ക് ഓൺലൈൻ നിക്ഷേപം നടത്താം.
പിപിഎഫ്, സുകന്യ സമൃദ്ധി നിക്ഷേപങ്ങളുടെ നിയമങ്ങളിൽ മാറ്റം, അറിഞ്ഞിരിക്കണം ഇക്കാര്യങ്ങൾ