ഹീറോ മോട്ടോകോർപ്പ് വാഹനങ്ങൾക്ക് ജനുവരി മുതൽ വില ഉയരും

2021 ജനുവരി 1 മുതൽ വിവിധ വാഹന മോഡലുകളിലുടനീളം വില വർധിപ്പിക്കുമെന്ന് ഹീറോ മോട്ടോകോർപ്പ് ബുധനാഴ്ച പ്രഖ്യാപിച്ചു. മോട്ടോർ സൈക്കിളുകളുടെ വില 1,500 രൂപ വരെ ഉയരുമെന്നും വർദ്ധനവ് വിവിധ മോഡലുകളിൽ വ്യത്യാസപ്പെടുമെന്നും കമ്പനി അറിയിച്ചു. ചരക്കുകളുടെ വിലയിലുണ്ടായ വർധനവിന്റെയും നി‍ർമ്മാണ ചെലവുകളുടെയും ഫലമായാണ് വില വർദ്ധനവ് എന്ന് ഹീറോ സൂചിപ്പിച്ചു.

ഹീറോ മോട്ടോകോർപ്പ് വാഹനങ്ങൾക്ക് ജനുവരി മുതൽ വില ഉയരും

സ്റ്റീൽ, അലുമിനിയം, പ്ലാസ്റ്റിക്, വിലയേറിയ ലോഹങ്ങൾ എന്നിവയുൾപ്പെടെ വാഹനങ്ങളുടെ നി‍ർമ്മാണത്തിന് ആവശ്യമായ നിരവധി വസ്തുക്കൾക്ക് വില ഉയ‍ർന്നു. ലോക്ക്ഡൗൺ തടസ്സങ്ങൾക്ക് ശേഷം മാർക്കറ്റ് വീണ്ടെടുക്കൽ ഘട്ടത്തിലേയ്ക്ക് കടക്കുന്നതിനിടെയാണ് പുതിയ വില വ‍ർദ്ധനവ്. ചരക്ക് ചെലവുകളുടെ ആഘാതം ഭാഗികമായി പരിഹരിക്കുന്നതിന്, 2021 ജനുവരി 1 മുതൽ വാഹനങ്ങളുടെ വില 1500 രൂപ വരെ വർദ്ധിപ്പിക്കുമെന്നാണ് ​ഹീറോ അറിയിച്ചിരിക്കുന്നത്.

വിവിധ മോഡലുകളിൽ വർദ്ധനവ് വ്യത്യാസപ്പെടുമെന്നും ഹീറോ മോട്ടോകോർപ്പ് കൂട്ടിച്ചേർത്തു. ഇന്ത്യയിലെ ഏറ്റവും വലിയ ഇരുചക്ര വാഹന നിർമാതാക്കളായ ഹീറോ ഗ്ലോബൽ മൊബിലിറ്റി വിദഗ്ധൻ മൈക്കൽ ക്ലാർക്കിനെ ചീഫ് ഓപ്പറേറ്റിങ് ഓഫീസറായി നിയമിച്ചതായി അടുത്തിടെ പ്രഖ്യാപിച്ചിരുന്നു.