ക്രിപ്‌റ്റോകറന്‍സിക്ക് വിലക്കേര്‍പ്പെടുത്തി തുര്‍ക്കി, ബിറ്റ്‌കോയിന്റെ മൂല്യം നാല് ശതമാനം ഇടിഞ്ഞു

ക്രിപ്‌റ്റോകറന്‍സിക്ക് വിലക്കേര്‍പ്പെടുത്തി തുര്‍ക്കി. ഇതേ തുടര്‍ന്ന് ബിറ്റ്‌കോയിന്റെ മൂല്യം നാല് ശതമാനം ഇടിഞ്ഞു. കൂടാതെ മറ്റ് ക്രിപ്‌റ്റോ കറന്‍സികളായ ഏതേറിയം, എക്‌സ് ആര്‍പി എന്നിവയുടെ മൂല്യത്തില്‍ ആറ് മുതല്‍ 12 ശതമാനം വരെ കുറവുണ്ടായാതായും റിപ്പോര്‍ട്ട്. ക്രിപ്‌റ്റോ ആസ്തികളുടെ എല്ലാ ഇടപാടുകളും തുര്‍ക്കിയില്‍ നിരോധിച്ചിട്ടുണ്ട്.

ഈ സാഹചര്യത്തില്‍ ഉല്‍പ്പന്നങ്ങള്‍ വാങ്ങുന്നതിനോ സേവനങ്ങള്‍ക്കുള്ള പ്രതിഫലമായോ നേരിട്ടോ അല്ലാതെയോ ക്രിപ്‌റ്റോകറന്‍സി ഉപയോഗിക്കുന്നതിനും തുര്‍ക്കി വിലക്കേര്‍പ്പെടുത്തിയിട്ടുണ്ട്. അതേസമയം, റോള്‍സ് റോയ്‌സിന്റെയും ലോട്ടസ് കാറുകളുടെയും വിതരണക്കാരായ റോയല്‍ മോട്ടോഴ്‌സ് ഈ ആഴ്ചയാണ് ക്രിപ്‌റ്റോ കറന്‍സി സ്വീകരിക്കാന്‍ ആരംഭിച്ചത്. ഇതിന് പിന്നാലെയാണ് രാജ്യത്ത് കറന്‍സിക്ക് വിലക്കേര്‍പ്പെടുത്തിയിരിക്കുന്നത്.

നിരോധിച്ച കറന്‍സികളുമായി ഇടപാട് നടത്തുമ്പോള്‍ കനത്ത നഷ്ടമാണ് സംഭവിക്കുക. അതുകൊണ്ട് ബിറ്റ്‌കോയിന്‍ പോലുള്ള ക്രിപ്‌റ്റോ കറന്‍സികളുടെ വിനിമയം ഉടന്‍ നിര്‍ത്തമെന്ന് സര്‍ക്കാര്‍ ആവശ്യപ്പെട്ടിട്ടുണ്ട്. സര്‍ക്കാരിന്റെ നിര്‍ണായക തീരുമാനം പുറത്തുവന്നതിന് പിന്നാലെ ക്രിപ്‌റ്റോ കറന്‍സിക്ക് വന്‍ തിരിച്ചടിയാണ് സംഭവിച്ചിരിക്കുന്നത്. ഭാവിയില്‍ കുടുതല്‍ രാജ്യങ്ങള്‍ ക്രിപ്‌റ്റോ കറന്‍സി നിരോധിച്ച് രംഗത്തെത്തിയേക്കാന്‍ സാധ്യതയുണ്ട്.