Click it and Unblock the Notifications
ദില്ലി: കേന്ദ്ര ബജറ്റിന് മുന്നോടിയായി ധനമന്ത്രി നിര്മല സീതാരാമന് സംസ്ഥാന ധനമന്ത്രിമാരുമായി ചര്ച്ച നടത്തി. വീഡിയോ കോണ്ഫറന്സ് വഴിയായിരുന്നു ചര്ച്ച. സംസ്ഥാന മുഖ്യമന്ത്രിമാര്, ഉപമുഖ്യമന്ത്രിമാര്, ധനമന്ത്രിമാര്, ധന വകുപ്പിലെ പ്രധാന ഉദ്യോഗസ്ഥര് എന്നിവര് ചര്ച്ചകളില് പങ്കാളികളായി. വരുമാനം വര്ധിപ്പിക്കുന്നതിന് വേണ്ട നിര്ദേശങ്ങളാണ് പ്രധാനമായും ചര്ച്ചയായത്. കൊറോണയുടെ പശ്ചാത്തലത്തില് കേന്ദ്രവും സംസ്ഥാനങ്ങളും സ്വീകരിച്ച നടപടികളും അവലോകനം ചെയ്തു.
സംസ്ഥാനങ്ങള്ക്ക് കേന്ദ്രം മികച്ച പിന്തുണയാണ് പ്രതിസന്ധി ഘട്ടത്തില് നല്കിയതെന്ന് നിര്മല സീതാരാമന് പറഞ്ഞു. ഇക്കാര്യത്തിലുള്ള നന്ദി മിക്ക സംസ്ഥാന പ്രതിനിധികളും യോഗത്തില് രേഖപ്പെടുത്തി. സംസ്ഥാനങ്ങള്ക്ക് കടം എടുക്കാനുള്ള പരിധി കേന്ദ്രസര്ക്കാര് ഉയര്ത്തി നല്കിയിരുന്നു. ബിജെപി ഭരിക്കുന്ന സംസ്ഥാനങ്ങളെല്ലാം ഇതിനെ സ്വാഗതം ചെയ്തു. എന്നാല് കേന്ദ്രം കടമെടുത്ത് സംസ്ഥാനങ്ങള്ക്ക് പണം കൈമാറുകയാണ് വേണ്ടത് എന്ന നിലപാടാണ് കേരളം ഉള്പ്പെടെയുള്ള ചില സംസ്ഥാനങ്ങള് സ്വീകരിച്ചത്. സംസ്ഥാനങ്ങള് ചില നിര്ദേശങ്ങള് നിര്മല സീതാരാമനെ അറിയിച്ചു എന്നാണ് വിവരം. ഈ നിര്ദേശങ്ങള് കൂടി കേന്ദ്ര ബജറ്റിലുണ്ടായേക്കുമെന്നാണ് സംസ്ഥാനങ്ങളുടെ പ്രതീക്ഷ.
ഫെബ്രുവരി ഒന്നിനാണ് ഈ വര്ഷത്തെ കേന്ദ്ര ബജറ്റ്. ധനമന്ത്രി നിര്മല സീതാരാമന് ബജറ്റ് അവതരിപ്പിക്കും. ബജറ്റ് അവതരിപ്പിക്കുന്നതിന് തൊട്ടുമുമ്പുള്ള ദിവസം സാമ്പത്തിക സര്വ്വെ പാര്ലമെന്റിന്റെ മേശപ്പുറത്ത് വയ്ക്കും. കഴിഞ്ഞ ഒരു വര്ഷത്തെ രാജ്യത്തിന്റെ സാമ്പത്തിക വിവരങ്ങളും വളര്ച്ചയുമെല്ലാം സൂചിപ്പിക്കുന്നതാണ് സാമ്പത്തിക സര്വെ.
കൊറോണയുടെ പശ്ചാത്തലത്തില് ഇത്തവ കനത്ത ജാഗ്രതയിലാണ് ബജറ്റ് അവതരണം. ലോക്സഭ, രാജ്യസഭ, സെന്ട്രല് ഹാള് എന്നിവിടങ്ങളില് സാമൂഹിക അകലം പാലിച്ചായിരിക്കും എംപിമാര് ഇരിക്കുക. സാധാരണ സമ്മേളിക്കും പോലെ മണിക്കൂറുകള് നീളില്ല. രണ്ടു ഘട്ടങ്ങളായിട്ടാണ് ഇത്തവണ ബജറ്റ് സമ്മേളനം. ഫെബ്രുവരിയില് ആദ്യഘട്ടം അവസാനിക്കും. പിന്നീട് മാര്ച്ചില് രണ്ടാംഘട്ടം ആരംഭിക്കും.
More From GoodReturns
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ബെംഗളൂരു മലയാളികളുടെ ശ്രദ്ധയ്ക്ക്; വന്ദേ ഭാരത് സമയക്രമത്തില് മാറ്റം, വിശദാംശങ്ങള്
മഴയും വെയിലും ഉറപ്പാണ്, രണ്ടായാലും കുട കയ്യിൽ എടുക്കാൻ മറക്കരുത്, അറിയാം ഇന്നത്തെ കാലാവസ്ഥ
എഫ്ഡിയ്ക്ക് കൂട്ടുപലിശ; സ്ഥിര നിക്ഷേപം തിരഞ്ഞെടുക്കുന്നതിന് മുൻപ് ഇക്കാര്യങ്ങൾ അറിഞ്ഞിരിക്കാം
പവന് കുറഞ്ഞത് 7000 രൂപ, ജ്വല്ലറികളിൽ സ്വർണം വാങ്ങാൻ തിരക്കേറുന്നു, ആഭരണം വാങ്ങാൻ 1.5 ലക്ഷം വേണ്ട
ബെംഗളൂരു നിവാസികൾക്ക് ആശ്വാസം, കാത്തിരുന്ന് കാല് വേദനിക്കില്ല, യെല്ലോ ലൈനിൽ ട്രെയിൻ പെട്ടെന്ന് എത്തും
സ്വർണവില കുതിക്കുന്നു, 2 ദിവസം കൊണ്ട് കൂടിയത് 1200 രൂപ, ഇന്നത്തെ നിരക്കുകൾ അറിയാം
പശ്ചിമേഷ്യന് സംഘര്ഷം; ഇന്ത്യന് ഓഹരി വിപണിയ്ക്ക് എന്ത് സംഭവിക്കും, എസ്ഐപി നിര്ത്തേണ്ടതുണ്ടോ?
23ന് പകരം 47 കിലോമീറ്റർ സഞ്ചരിച്ചിട്ടും 23 മിനിട്ട് നേരത്തെയെത്തി; ബെംഗളൂരുവിലെ ട്രാഫിക് വീണ്ടും ചർച്ചയാകുന്നു
ബെംഗളൂരു: പുതിയ മദ്യനികുതി ഏപ്രില് മുതല്- ഇനി ചിയേഴ്സോ അതോ ടിയേഴ്സോ?
Sign in with Google