ടാക്സ് ഇല്ലാത്ത വരുമാനങ്ങള്‍ എന്തെല്ലാം?

ഇപ്പോള്‍ പല വരുമാനങ്ങള്‍ക്കും ടാക്സ് അടയ്‌ക്കേണ്ടി വരുകയാണ്. എന്നാല്‍ ടാക്സ് അടയ്‌ക്കേണ്ടാത്ത വരുമാനങ്ങളും ഉണ്ട്. അത് ഏതൊക്കെ എന്ന് നോക്കാം.

ലൈഫ് ഇന്‍ഷുറന്‍സ്സ്

ലൈഫ് ഇന്‍ഷുറന്‍സ്സ് കമ്പനിയില്‍ നിന്നും ലഭിക്കുന്ന മെച്യൂരിറ്റി തുകയ്ക്കും ബോണസിനും നികുതി ബാധകം അല്ല. ആദായ നികുതി പ്രകാരം നിശ്ചിത പരിധിയിലുളള പ്രീമിയം അടച്ച പോളിസികള്‍ക്കാണ് ഇത് ബാധകം.

ടാക്സ് ഫ്രീ ബോണ്ട്സ്സ്

സര്‍ക്കാര്‍ പ്രഖ്യാപിച്ചിട്ടുളള നികുതി രഹിത ബോണ്ടുകളില്‍ നിന്നുളള വരുമാനത്തിന് നികുതി അടയ്‌ക്കേണ്ടതില്ല.

ഓഹരി, മ്യൂച്വല്‍ ഫണ്ട്

ഇന്ത്യന്‍ കമ്പനികളുടെ ഓഹരികളില്‍ നിക്ഷേപം നടത്തിയിട്ടുണ്ടെങ്കില്‍ അവയില്‍ നിന്നും ലഭിക്കുന്ന ലാഭവിഹിതത്തിനും ഓഹരി അധിഷ്ടിത മ്യൂച്വല്‍ ഫണ്ടുകളില്‍ നിന്നും ലഭിക്കുന്ന ലാഭവിഹിതത്തിനൂം നികുതി അടയ്‌ക്കേണ്ടതില്ല.

NRE അക്കൗണ്ട്

രാജ്യത്തിനു പുറത്തു താമസിക്കുന്ന വ്യക്തികളുടെ NRE അക്കൗണ്ടില്‍ നിന്നും ലഭിക്കുന്ന പലിശയ്ക്ക് നികുതി അടയ്‌ക്കേണ്ടതില്ല.

സ്‌കോളര്‍ഷിപ്പ്

വിദ്യാഭ്യാസ ചിലവുകള്‍ക്കു വേണ്ടി ലഭിച്ചിട്ടുളള സ്‌കോളര്‍ഷിപ്പ് , ഗ്രാന്റ് എന്നിവ നികുതി വിമുക്തമാണ്.