തന്റെ മരണശേഷവും തന്റെ പ്രീയപ്പെട്ടവരുടെ ജീവിതം ഭദ്രമാക്കാന് വേണ്ടിയാണ് മിക്കവരും ഇന്ഷുറന്സ്സ് പോളിസി എടുക്കുന്നത്. നമ്മള് ആഗ്രഹിക്കുന്ന വ്യക്തികളില് തന്നെ അത് എത്തിക്കണം എന്ന കാര്യം പോളിസി എടുക്കുമ്പോള് തന്നെ വ്യക്തമാക്കിയിരിക്കണം.
അത് എങ്ങനെ എന്നു നോക്കാം.
1. നോമിനേഷന്
2015 ലെ പുതിയ ഇന്ഷുറന്സ്സ് ലോ ആക്റ്റ് പ്രകാരം രണ്ടു തരത്തിലുളള നോമിനികള് ഉണ്ട്. ബെനിഫിഷ്യല് നോമിനിയൂം കളക്ടര് നോമിനിയും. ബെനിഫിഷ്യല് നോമിനിയില് പോളിസി തുകയുടെ മുഴുവല് അവകാശവും അവരുടെ ഓഹരികള് എത്രയെന്ന് സൂചിപ്പിച്ചിരിക്കണം. ഭാര്യ, ഭര്ത്താവ്, മാതാപിതാക്കള്, മക്കള് എന്നിവരെ മാത്രമേ ബെനിഫിഷ്യല് നോമിനി ആക്കാന് പാടുളളു.
കളക്ടര് നോമിനി ട്രസ്റ്റി ആയാണ് പ്രവര്ത്തിക്കുന്നത്. ഈ നോമിനി ആയി ആരെയെങ്കിലും നിയമിച്ചാല് പോളിസി തുക ലഭിക്കുന്നതാണ്. എന്നാല് ആ തുക മരിച്ചയാളുടെ നിയമപരമായ അവകാശിക്ക് കൈമാറണം.
2. അസൈന്മെന്റ്
ഇന്ഷുറന്സ്സ് പോളിസിയൂടെ മേലുളള നിങ്ങളുടെ അവകാശം മറ്റൊരാളിലേയ്ക്ക് കൈമാറുന്നതാണ് അസൈന്മെന്റ്. നോമിനേഷനില് നിന്ന് വ്യത്യസ്ഥമായി പോളിസി കാലം കഴിയുന്ന സമയത്ത് നിങ്ങള് ജീവിച്ചിരിക്കുകയാണെങ്കിലും അസൈന് ചെയ്ത വ്യക്തിക്ക് ആയിരിക്കും പോളിസി തുക ലഭിക്കുന്നത്.