ജോലി നഷ്ട്ടപ്പെടുകയോ രാജി വയ്ക്കുകയോ ചെയ്താൽ പിഎഫ് അക്കൗണ്ടിന് എന്ത് സംഭവിക്കും? പലിശ ലഭിക്കുമോ?

അക്കൗണ്ട് നിഷ്ക്രിയമാകുന്നത് എപ്പോൾ?

പിഎഫ് അക്കൗണ്ടിലെ അവസാന സംഭാവന കഴിഞ്ഞ് 36 മാസം പിന്നിട്ട് കഴിഞ്ഞാൽ അതായത് 3 വർഷം കഴിഞ്ഞാൽ അക്കൗണ്ട് നിർജീവമാകും. എന്നിരുന്നാലും അക്കൗണ്ട് ഉടമയ്ക്ക് വിരമിക്കൽ പ്രായം എത്തുന്നതു വരെ നിക്ഷേപിച്ചിരിക്കുന്ന തുകയ്ക്ക് പലിശ ലഭിക്കും. എന്നാൽ ജോലി ഉപേക്ഷിച്ചതിന് ശേഷം നേടുന്ന പലിശ നികുതി ബാധകമായിരിക്കും. പഴയ അക്കൗണ്ടിലെ പണം ട്രാൻസ്ഫർ ചെയ്യുകയോ പിൻവലിക്കുകയോ ചെയ്യാതെ ഏതാണ്ട് 22000 കോടി രൂപയാണ് ഇപിഎഫ്ഒയുടെ നിഷ്ക്രിയ അക്കൗണ്ടിൽ നിലവിലുള്ളത്.

പിഎഫ് അക്കൗണ്ട് ട്രാൻസ്ഫർ ചെയ്യാമോ?

നേരത്തേ ഒരു കമ്പനിയിൽ നിന്ന് മറ്റൊരു കമ്പനിയിലേയ്ക്ക് ജോലി മാറുമ്പോൾ നിലവിലുള്ള പിഎഫ് അക്കൗണ്ട് ക്ലോസ് ചെയ്യുകയും പുതിയ അക്കൗണ്ട് തുറക്കുകയുമായിരുന്നു ചെയ്തിരുന്നത്. എന്നാൽ ഇപ്പോൾ പുതിയ ജോലി സ്ഥലത്ത് പഴയ പിഎഫ് അക്കൗണ്ട് നൽകിയാൽ മതി. ഇപിഎഫ്ഒ യൂണിവേഴ്സൽ അക്കൗണ്ട് നമ്പർ ഉപയോഗിച്ച് ജോലിക്കാരന്‍ പിഎഫ് അക്കൗണ്ടിനെ ബന്ധിപ്പിക്കാവുന്നതാണ്. ഇതുവഴി തൊഴിൽ മാറിയാലും അക്കൗണ്ടിന്‍റെ കൈമാറ്റം സാധ്യമാകും.

അഞ്ച് വർഷ കാലാവധി

പഴയ അക്കൗണ്ട് അഞ്ചു വർഷത്തിനു മുൻപ് ക്ലോസ് ചെയ്യുകയാണെങ്കിൽ അതിലെ തുകയ്ക്ക് നികുതി നൽകേണ്ടി വരും. എന്നാൽ വളരെ ലളിതമായി ഈ നിക്ഷേപം ട്രാൻസ്ഫർ ചെയ്യുകയാണെങ്കിൽ നിങ്ങൾക്ക് നികുതി നൽകേണ്ടി വരില്ല, മുഴുവൻ തുകയും ഒറ്റ അക്കൗണ്ടിലേയ്ക്ക് മാറ്റാനും സാധിക്കും. രണ്ട് അക്കൗണ്ടിലെയും കാലാവധികൾ കണക്ക് കൂട്ടുമ്പോൾ അഞ്ച് വർഷം പൂർത്തിയായാൽ നികുതി നൽകാതെ തന്നെ നിങ്ങൾക്ക് പണം പിൻവലിക്കുകയും ചെയ്യാം.

പിഎഫ് തുക എങ്ങനെ ട്രാൻസ്ഫർ ചെയ്യാം?

• നി​ങ്ങ​ൾ​ക്ക് നി​ങ്ങ​ളു​ടെ യു​എ​എ​ൻ ന​മ്പർ അ​റി​യി​ല്ലെ​ങ്കി​ൽ നി​ങ്ങ​ളു​ടെ തൊ​ഴി​ലു​ട​മ​യോ​ട് ചോ​ദി​ച്ച് യു​എ​എ​ൻ സ്വ​ന്ത​മാ​ക്കു​ക
• ഇ​പി​എ​ഫ്ഒ​യു​ടെ വെ​ബ്സൈ​റ്റാ​യ http://members.epfoservices.in/home തുറക്കുക.
• യു​എ​എ​ൻ അ​ടി​സ്ഥാ​ന​മാ​ക്കി​യു​ള്ള ലോ​ഗി​ൻ ഐ​ഡി ഉ​ണ്ടാ​ക്കു​ക
• തുറന്നു വരുന്ന പുതിയ പേ​ജിൽ നി​ങ്ങ​ളു​ടെ യു​എ​എ​ൻ, മൊ​ബൈ​ൽ നമ്പ​ർ, നി​ല​വി​ലെ തൊ​ഴി​ലു​ട​മ​യു​ടെ വി​വ​ര​ങ്ങ​ൾ, അ​ക്കൗ​ണ്ട് ന​മ്പ​ർ എ​ന്നി​വ ന​ൽ​കു​ക.
• നി​ങ്ങ​ളു​ടെ അ​ക്കൗ​ണ്ട് ഇ​പി​എ​ഫ്ഒ സൈ​റ്റി​ൽ കൈ​മാ​റ്റം ചെ​യ്യാ​ൻ യോ​ഗ്യ​മാ​ണോ​യെ​ന്ന് പ​രി​ശോ​ധി​ക്കു​ക.​ അ​തി​നാ​യി നി​ങ്ങ​ളു​ടെ നി​ല​വി​ലെ തൊ​ഴി​ലു​ട​മ​യു​ടെ വി​വ​ര​ങ്ങ​ൾ ന​ൽ​കു​ക.



യോ​ഗ്യമാണോ? അയോ​ഗ്യമാണോ?

• വി​വ​ര​ങ്ങ​ൾ ന​ൽ​കി​യ​തി​നു​ശേ​ഷം എ​ലി​ജി​ബി​ലി​റ്റി എ​ന്ന ബ​ട്ട​ണി​ൽ ക്ലി​ക്ക് ചെ​യ്യു​ക.
• അ​പ്പോ​ൾ യോ​ഗ്യ​മാ​ണോ അ​ല്ല​യോ എ​ന്ന് സ്ക്രീനിൽ തെ​ളി​യും
• യോ​ഗ്യ​മാ​ണെ​ങ്കി​ൽ നി​ങ്ങ​ൾ​ക്ക് ര​ജി​സ്റ്റ​ർ ചെ​യ്യാം. നി​ങ്ങ​ളു​ടെ ആ​ധാ​ർ കാ​ർ​ഡ്, പാ​ൻ കാ​ർ​ഡ്, ഡ്രൈ​വിം​ഗ് ലൈ​സ​ൻ​സ് തു​ട​ങ്ങി​യ ഫോ​ട്ടോ​യു​ള്ള ഏതെങ്കിലും ഐ​ഡ​ന്‍റി​റ്റി​ കാ​ർ​ഡ് സ​മ​ർ​പ്പി​ക്കു​ക.
• ഇതിനു ശേഷം നി​ങ്ങ​ളു​ടെ മൊ​ബൈ​ൽ ന​മ്പ​റി​ലേ​ക്ക് ഒ​രു പി​ൻ ന​മ്പ​ർ വെ​രി​ഫി​ക്കേ​ഷ​നാ​യി അ​യ​ച്ചു ത​രും
• തുടർന്ന് ഇ​പി​എ​ഫ്ഒ മെ​മ്പ​ർ ക്ലെ​യിം പോ​ർ​ട്ട​ലി​ൽ എ​ത്തും.
• റി​ക്വ​സ്റ്റ് ഫോ​ർ ട്രാ​ൻ​സ്ഫ​ർ അ​ക്കൗ​ണ്ട് എ​ന്ന ഓ​പ്ഷ​ൻ ക്ലി​ക്ക് ചെ​യ്യു​ക
• പി​എ​ഫ് ട്രാ​ൻ​സ്ഫ​ർ ഫോം ​പൂ​രി​പ്പി​ച്ചു ന​ൽ​കു​ക
• കാ​പ്ച്ച ന​ൽ​കു​ക. "ഐ ​എ​ഗ്രി' എ​ന്ന ഓ​പ്ഷ​ൻ ക്ലി​ക്ക് ചെ​യ്യു​ക.