പ്രായമായവർക്ക് ഇനി മക്കളെ ആശ്രയിക്കാതെ കാശുണ്ടാക്കാം; വഴികൾ ഇതാ

വിരമിക്കലിന് ശേഷവും മക്കളുടെ മുന്നിൽ കൈ നീട്ടാതെ വരുമാനം നേടാൻ ചില നിക്ഷേപ മാർ​ഗങ്ങളുണ്ട്. സ്ഥിര വരുമാനം വാ​ഗ്ദാനം ചെയ്യുന്നതും റിസ്ക് കുറഞ്ഞതുമായ നിക്ഷേപ മാർ​ഗങ്ങളാണ് സീനിയർ സിറ്റിസൺസ് റിട്ടയർമെന്റ് പോർട്ട്‌ഫോളിയോയിൽ ഉൾപ്പെടുത്തേണ്ടത്. ഇത്തരത്തിൽ സ്ഥിര വരുമാനം വാ​ഗ്ദാനം ചെയ്യുന്ന മികച്ച ചില നിക്ഷേപ മാർ​ഗങ്ങൾ പരിചയപ്പെടാം.

പ്രധാൻ മന്ത്രി വയാ വന്ദന യോജന (പി‌എം‌വി‌വിവൈ)

പ്രധാൻ മന്ത്രി വയാ വന്ദന യോജനയിൽ അം​ഗങ്ങളാകാനുള്ള ഏറ്റവും കുറഞ്ഞ പ്രായം 60 വയസാണ്. പരമാവധി പ്രായപരിധിയില്ല. ഈ സ്കീമിന് കീഴിൽ ഒരാൾക്ക് തിരഞ്ഞെടുക്കാവുന്ന ഏറ്റവും കുറഞ്ഞ പെൻഷൻ പ്രതിമാസം 1,000 രൂപ അല്ലെങ്കിൽ പ്രതിവർഷം 12,000 രൂപയാണ്. കൂടാതെ സ്കീമിന് കീഴിലുള്ള പരമാവധി പെൻഷൻ പ്രതിമാസ തുക 5,000 രൂപ അല്ലെങ്കിൽ പ്രതിവർഷം 60,000 രൂപയുമാണ്. നിങ്ങൾ വാർഷിക പെൻഷൻ പേയ്‌മെന്റ് ഓപ്ഷൻ തിരഞ്ഞെടുക്കുകയാണെങ്കിൽ, മിനിമം നിക്ഷേപം 1,44,578 രൂപയും പരമാവധി നിക്ഷേപം 7,22,892 രൂപയുമാണ്.

സീനിയർ സിറ്റിസൺ സേവിംഗ് സ്കീം (എസ്‌സി‌എസ്‌എസ്)

പേര് സൂചിപ്പിക്കുന്നത് പോലെ മുതിർന്ന പൗരന്മാർക്കോ അല്ലെങ്കിൽ വിരമിച്ചവർക്കോ മാത്രമേ ഈ സ്കീം ലഭ്യമാകൂ. 60 വയസ്സിനു മുകളിൽ പ്രായമുള്ള ഏതൊരു വ്യക്തിക്കും ഈ പദ്ധതിയിൽ പോസ്റ്റോഫീസിൽ നിന്നോ ബാങ്കിൽ നിന്നോ അം​ഗങ്ങളാകാം. അഞ്ചു വർഷത്തെ കാലാവധിയാണുള്ളത്. പദ്ധതിയുടെ കാലാവധി കഴിഞ്ഞ് മൂന്ന് വർഷത്തേക്ക് കൂടി വേണമെങ്കിൽ നീട്ടാം. ഓരോ പാദത്തിലും പലിശ നിരക്കും നിശ്ചയിച്ചിട്ടുണ്ട്.

ബാങ്ക് സ്ഥിര നിക്ഷേപം ‌

വിരമിച്ചവർക്കും മുതിർന്ന പൗരന്മാർക്കും ഇടയിലെ ഒരു ജനപ്രിയ നിക്ഷേപ മാർ​ഗമാണ് ഫിക്സഡ് ഡിപ്പോസിറ്റ് (എഫ്ഡി). ഇത് ഒരു പരമ്പരാഗത നിക്ഷേപ മാർഗമാണ്. സുരക്ഷിതമായ സ്ഥിര വരുമാനമാണ് എഫ്ഡികൾ വാഗ്ദാനം ചെയ്യുന്നത്. നികുതി ലാഭിക്കാൻ ആഗ്രഹിക്കുന്നവർക്ക്, അഞ്ച് വർഷത്തെ സേവിംഗ് ബാങ്ക് എഫ്ഡി ഒരു മികച്ച ഓപ്ഷനാണ്. എഫ്ഡിയിൽ നിക്ഷേപിക്കുന്നത് ആദായനികുതി നിയമത്തിലെ സെക്ഷൻ 80 സി പ്രകാരം നികുതി ആനുകൂല്യത്തിന് അർഹമാണ്.

malayalam.goodreturns.in