അമേരിക്കയും ലണ്ടനുമല്ല, ജീവിക്കാൻ ഏറ്റവും ബെസ്റ്റ് ലോകത്തിലെ ഈ ന​ഗരങ്ങൾ

അമേരിക്കയും ലണ്ടനുമല്ല ലോകത്തിലെ ജീവിക്കാൻ ഏറ്റവും മികച്ച ന​ഗരങ്ങൾ പൊതുവെ ആഗോള മൂലധനം കുറഞ്ഞവയാണെന്ന് പുതിയ റിപ്പോർട്ട്. ഇക്കണോമിസ്റ്റ് ഇന്റലിജൻസ് യൂണിറ്റിന്റെ 2019ലെ ജീവിക്കാൻ ഏറ്റവും മികച്ച ന​ഗരങ്ങളുടെ ലിസ്റ്റ് ഏതൊക്കെയാണെന്ന് പരിശോധിക്കാം. ഇക്കണോമിസ്റ്റ് ഇന്റലിജൻസ് യൂണിറ്റിന്റെ ലൈവബിലിറ്റി റാങ്കിംഗിൽ വിയന്നയാണ് ഒന്നാം സ്ഥാനത്തെത്തിയിരിക്കുന്നത്. 

മികച്ച ന​ഗരങ്ങൾ

മെൽബണാണ് രണ്ടാം സ്ഥാനത്തുള്ള ന​ഗരം. ഓസ്‌ട്രേലിയ, കാനഡ എന്നീ രാജ്യങ്ങളാണ് ആദ്യ 10 ലിസ്റ്റിലുള്ള രാജ്യങ്ങൾ. മൂന്ന് നഗരങ്ങൾ വീതമാണ് പട്ടികയിൽ ഇരു രാജ്യത്തിനുമുള്ളത്. ഒസാക്ക, ടോക്കിയോ, കോപ്പൻഹേഗൻ എന്നിവയാണ് പട്ടികയിൽ ഉൾപ്പെട്ടിരിക്കുന്ന മറ്റ് ന​ഗരങ്ങൾ. മെൽ‌ബൺ, സിഡ്‌നി, അഡ്‌ലെയ്ഡ് എന്നിവയാണ് മികച്ച ജീവിത നിലവാരം വാഗ്ദാനം ചെയ്യുന്ന ന​ഗരങ്ങൾ. കാൽ‌ഗറി, വാൻ‌കൂവർ, ടൊറന്റോ എന്നിവയാണ് വടക്കേ അമേരിക്കയിലെ മികച്ച സ്ഥലങ്ങൾ.

ഇടത്തരം നഗരങ്ങൾ

സമ്പന്ന രാജ്യങ്ങളിലെ ഇടത്തരം നഗരങ്ങളാണ് സൂചികയിൽ ആധിപത്യം പുലർത്തുന്നത്. ഉയർന്ന നിലവാരമുള്ള വിദ്യാഭ്യാസം, പൊതുജനാരോഗ്യ സംരക്ഷണം, മികച്ച ഗതാഗത സംവിധാനങ്ങൾ എന്നിവയാണ് ഈ ന​ഗരങ്ങളെ മുൻ നിരയിൽ എത്തിക്കുന്നത്. 3 ലക്ഷം മുതൽ 10 ലക്ഷം വരെയാണ് ഈ ന​ഗരങ്ങളിലെ ജനസംഖ്യ.

ആദ്യ 10 ന​ഗരങ്ങൾ

ജീവിക്കാൻ ഏറ്റവും മികച്ച 10 ന​ഗരങ്ങളുടെ ലിസ്റ്റ്

• വിയന്ന
• മെൽബൺ
• സിഡ്നി
• ഒസാക്ക
• കാൽ‌ഗറി
• വാൻ‌കൂവർ
• ടൊറന്റോ
• ടോക്കിയോ
• കോപ്പൻഹേഗൻ
• അഡ്‌ലെയ്ഡ്

സാമ്പത്തിക കേന്ദ്രങ്ങൾ

സാമ്പത്തിക കേന്ദ്രങ്ങളായ ലണ്ടൻ (നമ്പർ 48), ന്യൂയോർക്ക് (നമ്പർ 58) എന്നിവയെ പിന്നിലാക്കിയാണ് മറ്റ് ആഭ്യന്തര എതിരാളികൾ മുന്നേറിയിരിക്കുന്നത്. ഹോങ്കോങ്ങും സിംഗപ്പൂരും മികച്ച പ്രകടനം കാഴ്ചവച്ചു - എന്നാൽ യഥാക്രമം 38, 40 സ്ഥാനങ്ങളിലാണ് എത്തിയിരിക്കുന്നത്. ഹോങ്കോങ്ങിന്റെ സമീപകാലത്തെ രാഷ്ട്രീയ പ്രശ്നങ്ങൾ വരും വർഷങ്ങളിലെ റാങ്കിം​ഗിനെ സ്വാധീനിക്കാൻ ഇടയുണ്ട്. ആരോഗ്യ സംരക്ഷണം, വിദ്യാഭ്യാസം, അടിസ്ഥാന സൗകര്യങ്ങൾ, സംസ്കാരം എന്നിവയുടെ ഗുണനിലവാരത്തിനനുസരിച്ചാണ് റാങ്കിം​ഗ് നിശ്ചയിക്കുന്നത്.

ഡൽഹി പിന്നിലേയ്ക്ക്

മലിനീകരണം രൂക്ഷമായതിനെ തുടർന്ന് ന്യൂഡൽഹി, കെയ്‌റോ തുടങ്ങിയ നഗരങ്ങൾ റാങ്കിംഗിൽ ഏറെ പിന്നോട്ട് പോയി. പട്ടികയിൽ ഏറ്റവും താഴെയുള്ള ന​ഗരങ്ങൾ ധാക്ക, ലാഗോസ്, ഡമാസ്കസ് എന്നിവയാണ്. യുദ്ധത്തിൽ തകർന്ന സിറിയൻ തലസ്ഥാനം കഴിഞ്ഞ ഏഴു വർഷമായി അവസാന സ്ഥാനം നിലനിർത്തി.

malayalam.goodreturns.in