Just In
-
-
-
-
Don't Miss
-
സഹോദരനാണെങ്കിലും സ്വകാര്യ വിഷയങ്ങൾ അറിയില്ല; ഞങ്ങളുടെ ബന്ധം; കുടുംബത്തെക്കുറിച്ച് അർബാസ് ഖാൻ -
IPL 2024: റണ്ണൗട്ടവസരം പാഴാക്കി, മുകേഷിനെ ചീത്ത വിളിച്ച് കുല്ദീപ്! ഇടപെട്ട് റിഷഭ്- വിവാദം -
ജപ്പാനിലെ എഹിം, കൊച്ചി പ്രവിശ്യകളില് ശക്തമായ ഭൂചലനം; സുനാമി മുന്നറിയിപ്പില്ല -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
രക്തശുദ്ധീകരണം നടത്തുന്ന പ്രധാന ഭക്ഷണം: സ്ഥിരമാക്കണം ഇവയെല്ലാം -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
ഇറങ്ങി തിരിച്ചാൽ ലക്ഷ്യം നേടുക തന്നെ ചെയ്യും, ഇതിനുള്ള ഒരു ഉദാഹരണം ജയ്പൂർ സ്വദേശി അനൂജ് മുന്ദ്രയാണ്. 2003 വരെ ജയ്പൂരിലെ സാരി ഷോറൂം ജീവനക്കാരനായിരുന്നു അനൂജ്. മാസ ശമ്പളം 1400 രൂപ. ഇവിടെ നിന്നുള്ള നടത്തമാണ് ഇന്ന് 43 കോടി വിറ്റുവരവുള്ള കമ്പനി തലപ്പത്തേക്ക് അദ്ദേഹത്തെ എത്തിച്ചത്. സാരി കടയിലെ ജോലി രാജിവെച്ച് അനൂജ് ആരംഭിച്ച നന്ദിനി ക്രിയേഷൻസ് 2023 ഓടെ 100 കോടി വിറ്റു വരവാണ് ശ്രമിക്കുന്നത്.
1400 രൂപ വരുമാനം കൊണ്ട് ജീവിക്കാന്‍ സാധിക്കില്ലെന്ന തിരിച്ചറിവിലാണ് 2003 ല്‍ ജോലി വിടാന്‍ അനൂജ് തീരുമാനിക്കുന്നത്. പിന്നീട് തുണിത്തരങ്ങളുടെ വില്പനയിലേക്ക് തിരിഞ്ഞു. നിര്‍മാതാക്കളുടെ കയ്യില്‍ നിന്ന് വാങ്ങി കടകളിലേക്ക് എത്തിക്കുന്നതായിരുന്നു രീതി. 2012 ല്‍ ഡല്‍ഹിയിലെത്തിയ അനുജ് സ്‌നാപ്ഡീലിന്റെയും ജബോംഗിന്റെ പരസ്യങ്ങള്‍ കണ്ടതില്‍ നിന്നാണ് ജീവിതത്തിലെ നിര്‍ണായക മാറ്റം സംഭവിക്കുന്നത്.
കമ്പനി തുടക്കം
ഭാവി ഇ- കോമേഴ്സ് രംഗത്താണെന്ന് മനസിലാക്കിയ അദ്ദേഹം ജയ്പൂരില്‍ തിരിച്ചെത്തി 2012ൽ നന്ദിനി ക്രിയേഷന്‍സ് പ്രൈവറ്റ് ലിമിറ്റഡ് എന്ന കമ്പനി ആരംഭിച്ചു. ഇതിന്റെ ഇ കോമേഴ്സ് വെബ്‌സൈറ്റിയായി Jaipurkurti.com ആരംഭിച്ചു. സുഹൃത്തുക്കളിൽ നിന്ന് കടം വാങ്ങിയ 50,000 രൂപ ഉപയോഗിച്ചായിരുന്നു തുടക്കം.
പിന്നീട് ബാങ്ക് വായ്പ എടുത്ത് 10 തുന്നല്‍ മെഷിൻ വാങ്ങി കുര്‍ത്ത നിര്‍മാണം ആരംഭിച്ചു. ആദ്യ വര്‍ഷം തന്നെ കമ്പനി 59 ലക്ഷത്തിന്റെ വില്പന നടത്തി. അനൂജിന്റെ ഭാര്യ വന്ദന മുന്ദ്രയാണ് കുര്‍ത്തകള്‍ ഡിസൈന്‍ ചെയ്യുന്നത്. ജയ്പൂരിലെ കര്‍ത്താപൂര്‍ ഇന്‍ഡസ്ട്രിയല്‍ ഏരിയയിലെ നിര്‍മാണ യൂണിററിലാണ് കമ്പനി പ്ലാന്റുള്ളത്.
ഓൺലൈൻ രംഗത്തേക്ക്
2012 കാലത്ത് ഇന്ത്യയില്‍ ഇ-കോമേഴ്സ് രംഗം സജീവമായിരുന്നില്ല. ഇതിനാൽ തന്നെ ഉപഭോക്താക്കള്‍ക്ക് അളവ് അനുസരിച്ച് എങ്ങനെ ഇ- കോമേഴ്സ് വെബ്സൈറ്റിൽ നിന്ന് വസ്ത്രം വാങ്ങണമെന്ന് അറിയില്ലായിരുന്നു. ഇതിനാല്‍ തിരിച്ചു വരുന്ന വസ്ത്രങ്ങളുടെ എണ്ണം വലുതായിരുന്നു. ഇതിനൊപ്പം നിക്ഷേപവും പ്രൊമോഷനും മാർക്കറ്റിംഗ് നടത്തേണ്ടതിനാൽ ആദ്യ ഘട്ടത്തിൽ വെബ്സൈറ്റിന് വലിയ പ്രാധാന്യം നൽകിയില്ല. എങ്കിലും ഉത്പ്പന്നങ്ങൾ മറ്റ് ഇ- കോമേഴ്സ് വെബ്‌സൈറ്റുകൾ വഴി വില്പന നടന്നു കൊണ്ടിരുന്നു.
ആദ്യ ഘട്ടത്തില്‍ 99 ശതമാനവും മറ്റു വെബ്‌സൈറ്റുകൾ വഴിയായിരുന്നു വില്പന. പിന്നീട് ഒരു പ്രമോഷനുമില്ലാതെ ഉപഭോക്താക്കൾ നേരിട്ട് വെബ്സൈറ്റിലേക്ക് എത്താൻ തുടങ്ങിയെന്നതാണ് ഇവരുടെ അനുഭവം. കൂടുതൽ കമ്പനികൾ ഇ-കോമേഴ്സ് രംഗത്തേക്ക് എത്തിയതോടെ അളവ് പ്രശ്നം കാണിച്ച് തിരിച്ചു വരുന്ന വസ്ത്രങ്ങളും കുറഞ്ഞു.
ഇന്ന് കുര്‍ത്ത, ഫാഷന്‍ വെയര്‍ അടക്കം നിരവധി ഉത്പ്പന്നങ്ങള്‍ കമ്പനി നിർമിക്കുന്നുണ്ട്. യുകെ, യുഎസ്, ആസ്‌ട്രേലിയ, മലേഷ്യ എന്നിവിടങ്ങളിലേക്ക് കമ്പനി കയറ്റുമതിയും നടത്തുന്നു. ബിസിനസില്‍ നിന്ന് വളര്‍ച്ചയുണ്ടായതോടെ ഉയരാനാണ് അനൂജ് ശ്രമിച്ചത്. പണ സമാഹരണത്തിനായി 2016 ൽ നാഷണല്‍ സ്റ്റോക്ക് എക്‌സ്‌ചേഞ്ച് എമേര്‍ജില്‍ Jaipurkurti.com ലിസ്റ്റ് ചെയ്തു.
2019 ജൂണില്‍ 7.12 കോടിയുടെ വില്പനയാണ് കമ്പനി നടത്തിയത്. കോവിഡ് നിയന്ത്രണങ്ങളുണ്ടായിട്ടും 2020 ജൂണില്‍ 7.37 കോടി വില്പന നടത്തി. കഴിഞ്ഞ സാമ്പത്തിക വര്‍ഷത്തിൽ 43.7 കോടിയുടെ വില്പനയാണ് കമ്പനി നടത്തിയത്. 2023 ല്‍ ഇത് 100 കോടിയിലെത്തിക്കാനാണ് കമ്പനി ശ്രമിക്കുന്നത്.
ചിത്രങ്ങൾക്ക് കടപ്പാട്- Jaipurkurti.com, yourstory.com
