ബാങ്ക് അക്കൗണ്ടിൽ മിനിമം ബാലൻസ് ഇല്ലേ? വേ​ഗം അക്കൗണ്ട് ക്ലോസ് ചെയ്തോളൂ, പണി പുറകെ വരും

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മിക്ക ബാങ്കുകളും ഉപഭോക്താക്കളോട് തങ്ങളുടെ സേവിംഗ്സ് അക്കൗണ്ടിൽ മിനിമം ബാലൻസ് നിലനിർത്താൻ ആവശ്യപ്പെടുന്നുണ്ട്. അതുകൊണ്ട് തന്നെ മിനിമം ബാലൻസ് നിലനി‍ർത്തിയില്ലെങ്കിൽ പിഴയും നൽകേണ്ടി വരും. ഓരോ ബാങ്കിനെയും ആശ്രയിച്ച് മിനിമം ബാലൻസ് ആവശ്യകത 5,000 രൂപ മുതൽ 10,000 രൂപ വരെയാകാം. ബാങ്ക് അക്കൗണ്ടുകളിലെ മിനിമം ബാലൻസ് ആവശ്യകത താൽക്കാലികമായി നിർത്തിവച്ചതായി ധനമന്ത്രി നിർമ്മല സീതാരാമൻ മാർച്ചിൽ പ്രഖ്യാപിച്ചിരുന്നു. എന്നാൽ ആ കാലാവധി അവസാനിച്ചു.

ജൂലൈ 1 മുതൽ വീണ്ടും
 

ജൂലൈ 1 മുതൽ വീണ്ടും

മിനിമം ബാലൻസ് ചാർജ് എഴുതിത്തള്ളുന്നത് മൂന്ന് മാസത്തേക്കായിരുന്നു. ജൂലൈ 1ന് ഈ കാലാവധി അവസാനിച്ചു. ഈ മാസം മുതൽ മിനിമം ബാലൻസ് പാലിക്കാത്തതിന് ചാർജുകൾ വീണ്ടും ഈടാക്കി തുടങ്ങിയതിനെക്കുറിച്ച് ആളുകൾ സോഷ്യൽ മീഡിയയിൽ പരാതിപ്പെടുന്നുണ്ട്. കൊവിഡ്-19 പ്രതിസന്ധി കാരണം പലരും സാമ്പത്തിക പ്രതിസന്ധി നേരിടുമ്പോൾ മിനിമം ബാലൻസ് ആവശ്യകത നിറവേറ്റാൻ കഴിയാത്തതിന് പിഴ ഈടാക്കുന്നത് ശരിയല്ലെന്നാണ് ഉപഭോക്താക്കളുടെ അഭിപ്രായം.

അക്കൗണ്ട് കാലി

അക്കൗണ്ട് കാലി

ബാങ്കുകൾ മിനിമം ബാലൻസ് നോൺ-മെയിന്റനൻസ് പിഴ എന്നിവ ഈടാക്കിയതിന് ശേഷം ചില ആളുകളുടെ അക്കൗണ്ടുകളിൽ ഒരു രൂപ പോലും ഇല്ലാത്ത സ്ഥിതിയാണ്. എന്നാൽ റിസർവ് ബാങ്ക് നിയമം അനുസരിച്ച്, മിനിമം ബാലൻസ് ചാർജുകൾ പരിപാലിക്കാത്തതിനാൽ ഒരു സേവിംഗ്സ് ബാങ്ക് അക്കൗണ്ടിലെ ബാലൻസ് നെഗറ്റീവ് ആക്കാൻ കഴിയില്ല. 2014 നവംബറിൽ പുറത്തിറക്കിയ റിസർവ് ബാങ്ക് വിജ്ഞാപനം അനുസരിച്ച് "മിനിമം ബാലൻസ് പരിപാലിക്കാത്തതിന് ചാർജുകൾ ഈടാക്കിയതിന്റെ പേരിൽ മാത്രം സേവിംഗ്സ് അക്കൗണ്ടിലെ ബാലൻസ് നെഗറ്റീവ് ബാലൻസായി മാറുന്നില്ലെന്ന് ഉറപ്പാക്കണം" എന്ന് വ്യക്തമാക്കിയിട്ടുണ്ട്.

മിനിമം ബാലൻസ് ഇല്ലെങ്കിൽ

മിനിമം ബാലൻസ് ഇല്ലെങ്കിൽ

നഗര, അർദ്ധ-നഗര, ഗ്രാമീണ ബ്രാഞ്ച് ഉപഭോക്താക്കൾക്ക് മിനിമം ബാലൻസ് നോൺ-മെയിന്റനൻസ് ചാർജുകൾ വ്യത്യാസപ്പെടുന്നു. ചില ബാങ്കുകളുടെ കാര്യത്തിൽ, ശരാശരി പ്രതിമാസ ബാലൻസ് ആവശ്യകതയെയും ബാലൻസ് കുറവിനെയും ആശ്രയിച്ച് വിവിധ ചാർജുകളുടെ സ്ലാബുകൾ ഉണ്ട്.

എസ്‌‌ബിഐ അക്കൗണ്ട് ഉടമകളുടെ ശ്രദ്ധയ്‌ക്ക്; ബാങ്ക് പലിശ നിരക്കുകൾ പരിഷ്‌കരിച്ചത് അറിഞ്ഞോ?

എച്ച്ഡിഎഫ്സി ബാങ്ക്

എച്ച്ഡിഎഫ്സി ബാങ്ക്

സ്വകാര്യ ബാങ്കായ എച്ച്ഡിഎഫ്സി ബാങ്കിന് നഗര ബ്രാഞ്ച് അക്കൗണ്ടുകളിൽ ശരാശരി 10,000 രൂപ മിനിമം ബാലൻസ് ആവശ്യമാണ്. അർദ്ധ നഗര ബ്രാഞ്ച് അക്കൗണ്ടുകൾക്ക് 5,000 രൂപയും ആവശ്യമാണ്. അതിനാൽ, ഒരു നഗര ബ്രാഞ്ച് അക്കൗണ്ടിലെ ശരാശരി മിനിമം ബാലൻസ് 2,500 രൂപയിൽ താഴെയാണെങ്കിൽ, ചാർജുകൾ പ്രതിമാസം 600 രൂപയും മിനിമം ബാലൻസ് 10,000 രൂപയിൽ താഴെയാണെങ്കിലും 7,500 രൂപയ്ക്ക് മുകളിലാണെങ്കിൽ പിഴ 150 രൂപയുമാണ്.

എസ്ബിഐ

എസ്ബിഐ

രാജ്യത്തെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ ഈ വർഷം ആദ്യം സേവിംഗ്സ് ബാങ്ക് അക്കൗണ്ടുകളിൽ ശരാശരി പ്രതിമാസ ബാലൻസ് നിലനിർത്തേണ്ടതിന്റെ ആവശ്യകത ഒഴിവാക്കി.

ജോയിന്റ് അക്കൗണ്ട് ഉടമയുടെ പേര് നീക്കം ചെയ്യാം; ചില ഘട്ടങ്ങളിലൂടെ

പ്രവർത്തനരഹിതമായ അക്കൗണ്ടുകൾ

പ്രവർത്തനരഹിതമായ അക്കൗണ്ടുകൾ

മിനിമം ബാലൻസ് പരിപാലിക്കാത്ത സാഹചര്യത്തിൽ പിഴ ഈടാക്കുമെന്ന് എസ്എംഎസ്, ഇമെയിൽ വഴി ബാങ്കുകൾ ഉപഭോക്താക്കളെ അറിയിക്കേണ്ടതുണ്ട്. ഇത്തരത്തിൽ പ്രവർത്തിക്കാത്ത ബാങ്ക് അക്കൗണ്ടുകൾ ക്ലോസ് ചെയ്യുന്നതാണ് നല്ലത്. 2014 ജൂലൈ 1 ന് പുറപ്പെടുവിച്ച ആർ‌ബി‌ഐ മാസ്റ്റർ സർക്കുലർ അനുസരിച്ച്, രണ്ട് വർഷത്തേക്ക് ഇടപാട് നടക്കാത്ത അക്കൗണ്ടുകളിൽ നിന്ന് മിനിമം ബാലൻസ് നിലനി‍ർത്താത്തതിന് ബാങ്കുകൾ പിഴ ഈടാക്കേണ്ടതില്ല.

പണം തിരികെ വാങ്ങാം

പണം തിരികെ വാങ്ങാം

നിങ്ങളുടെ നിഷ്‌ക്രിയ അക്കൗണ്ടിൽ മിനിമം ബാലൻസ് ഇല്ലാത്തതിന് ഒരു ബാങ്ക് നിങ്ങളിൽ നിന്ന് പിഴ ഈടാക്കുന്നുവെങ്കിൽ, നിങ്ങൾക്ക് ആ തുക തിരികെ ക്ലെയിം ചെയ്യാൻ കഴിയും. എന്നാൽ ഇതിന് കൂടുതൽ സമയവും പരിശ്രമവും ആവശ്യമുള്ളതിനാൽ അത്തരം അക്കൗണ്ടുകൾ ക്ലോസ് ചെയ്യുന്നത് തന്നെയാണ് മികച്ച മാ‌ർ​ഗം.

ചെറുകിട നിക്ഷേപങ്ങള്‍ക്ക് പലിശ കുറഞ്ഞു, നിക്ഷേപകര്‍ ബാങ്കിംഗ്, പൊതുമേഖലാ ഡെറ്റ് ഫണ്ടുകളിലേയ്ക്ക്‌

അക്കൗണ്ട് ക്ലോസ് ചെയ്യുന്നതിന് മുമ്പ്

അക്കൗണ്ട് ക്ലോസ് ചെയ്യുന്നതിന് മുമ്പ്

അക്കൗണ്ട് ക്ലോസ് ചെയ്യുന്നതിന് മുമ്പ്, നിങ്ങളുടെ എല്ലാ നിക്ഷേപങ്ങളും, വ്യവസ്ഥാപിത നിക്ഷേപ പദ്ധതികളും (എസ്‌ഐ‌പികളും) തുല്യമായ പ്രതിമാസ തവണകളും (ഇഎംഐകൾ), ക്രെഡിറ്റ് കാർഡ് ബിൽ പേയ്‌മെന്റും മറ്റ് ഓട്ടോമേറ്റഡ് ഇടപാടുകളും ഈ അക്കൗണ്ടുമായി ബന്ധിപ്പിച്ചിട്ടില്ല എന്ന് ഉറപ്പാക്കണം. ഇതിനായി ബാങ്ക് ശാഖ സന്ദർശിച്ച് സുരക്ഷയ്ക്കായി എല്ലാ ചെക്കുകളും സമർപ്പിക്കുന്നതാണ് നല്ലത്. ബാങ്ക് മാനേജർക്ക് ഒരു അപേക്ഷ നൽകുകയും നിങ്ങളുടെ അക്കൗണ്ട് അവസാനിപ്പിക്കാൻ അഭ്യർത്ഥിക്കുകയും ചെയ്യുന്നതാണ് അനുയോജ്യം.

English summary

No minimum balance in your bank account? It is better to close the account | ബാങ്ക് അക്കൗണ്ടിൽ മിനിമം ബാലൻസ് ഇല്ലേ? വേ​ഗം അക്കൗണ്ട് ക്ലോസ് ചെയ്തോളൂ, പണി പുറകെ വരും

Most banks require customers to maintain a minimum balance in their savings account. Therefore, if the minimum balance is not maintained, a penalty will be imposed. Depending on the bank, the minimum balance requirement can range from Rs 5,000 to Rs 10,000. Read in malayalam.
Story first published: Sunday, July 12, 2020, 9:33 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X