എസ്‌ഐ‌പി നിക്ഷേപത്തിലൂടെ ഒരു കോടി രൂപ നേടാം, നിക്ഷേപിക്കേണ്ടത് എത്ര?

ചെറുകിട സമ്പാദ്യ പദ്ധതികളായ പി‌പി‌എഫ്, സുകന്യ സമൃദ്ധി, ബാങ്ക് എഫ്ഡി എന്നിവയിൽ പലിശനിരക്ക് ക്രമാനുഗതമായി കുറയുന്നതിനാൽ, നിക്ഷേപകർക്ക് ഒരു കോടി രൂപയുടെ സമ്പാദ്യമുണ്ടാക്കാൻ കൂടുതൽ സമയമെടുക്കും. ഇക്കാലത്ത്, ആളുകൾ വിരമിക്കുമ്പോഴേക്കും അവരുടെ സമ്പാദ്യം ഉയർത്താൻ പണപ്പെരുപ്പത്തെ മറികടക്കുന്ന നിക്ഷേപ മാർഗങ്ങൾ തേടേണ്ടതുണ്ട്.

ഒരു കോടി രൂപ ലക്ഷ്യം

ഇക്കാരണത്താലാണ് മിക്ക ആളുകളും വരുമാനം ലഭിച്ചു തുടങ്ങിയാൽ, ഏറ്റവും കുറഞ്ഞ സമയത്തിനുള്ളിൽ ഒരു കോടി രൂപയുടെ സമ്പാദ്യം ലക്ഷ്യമിടുന്നത്. ഓരോ മാസവും ഒരു നിശ്ചിത തുക നിക്ഷേപിച്ച് നിങ്ങൾക്ക് കോടിപതിയാകാം. പതിവായി നിക്ഷേപം നടത്തുന്ന മിക്ക ആളുകൾക്കും 20 വർഷത്തിനുള്ളിൽ ഒരു കോടിപതിയായി മാറാൻ കഴിയും.

മ്യൂച്വൽ ഫണ്ടുകൾ

കുറഞ്ഞ അപകടസാധ്യത ഇഷ്ടപ്പെടുന്ന നിക്ഷേപകർക്കിടയിൽ മ്യൂച്വൽ ഫണ്ടുകൾ കൂടുതൽ പ്രചാരം നേടുന്നു. റിസ്ക് ഭയന്ന് ഇക്വിറ്റി മാർക്കറ്റിൽ നേരിട്ട് നിക്ഷേപം നടത്താൻ ആഗ്രഹിക്കാത്തവർക്ക് സിസ്റ്റമാറ്റിക് ഇൻ‌വെസ്റ്റ്മെൻറ് പ്ലാനിലൂടെയുള്ള നിക്ഷേപം വഴി‌ ഒരു കോടി രൂപ സമ്പാദിക്കാം.

സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ

നിങ്ങളുടെ പണം മ്യൂച്വൽ ഫണ്ടുകളിൽ നിക്ഷേപിക്കുന്നതിനുള്ള വ്യവസ്ഥാപിത രീതിയാണ് എസ്‌ഐ‌പി. എസ്‌ഐ‌പി ഉപയോഗിച്ച് നിക്ഷേപകർക്ക് പതിവായി മ്യൂച്വൽ ഫണ്ട് സ്കീമുകളിൽ ഒരു നിശ്ചിത തുക നിക്ഷേപിക്കാം. എസ്‌ഐ‌പികളിൽ ദീർഘകാലത്തേക്ക് പ്രതിമാസ നിക്ഷേപം നടത്തുന്നത് മികച്ച സമ്പാദ്യമുണ്ടാക്കാൻ നിങ്ങളെ സഹായിക്കും. നിങ്ങൾക്ക് റിസ്ക് എടുക്കാൻ കഴിയുമെങ്കിൽ വേഗത്തിൽ സമ്പത്ത് സൃഷ്ടിക്കുന്നതിനുള്ള മികച്ച ഉപകരണമായി ഇക്വിറ്റി മ്യൂച്വൽ ഫണ്ടുകൾ കണക്കാക്കപ്പെടുന്നു.

എങ്ങനെ നിക്ഷേപിക്കണം?

ഒരു കോടി രൂപ സ്വരൂപിക്കുന്നതിന് എസ്‌ഐ‌പിയിൽ നിക്ഷേപം നടത്തേണ്ടത് എങ്ങനെയെന്ന് പരിശോധിക്കാം. 12% ദീർഘകാല സി‌എ‌ജി‌ആർ ആണെന്ന് കരുതുക, ഓരോ മാസത്തിൻറെയും തുടക്കത്തിൽ 10,000 രൂപ നിക്ഷേപിച്ച് നിങ്ങൾക്ക് 20 വർഷത്തിനുള്ളിൽ ഒരു കോടി രൂപ സമാഹരിക്കാം. നിങ്ങളുടെ പ്രതിമാസ എസ്ഐപി 10,000 രൂപ 10% വർദ്ധിപ്പിക്കുകയാണെങ്കിൽ നിങ്ങൾക്ക് ഈ ലക്ഷ്യം കൂടുതൽ വേഗത്തിൽ നേടാൻ കഴിയും. നിങ്ങൾ അങ്ങനെ ചെയ്യുകയാണെങ്കിൽ, 17 വർഷത്തിനുള്ളിൽ ഒരു കോടി രൂപയിൽ കൂടുതൽ ശേഖരിക്കാൻ നിങ്ങൾക്ക് കഴിയും.