വില്‍പത്രം എഴുതുന്നത് ഒഴിവാക്കാനാകില്ല;; ഓര്‍ക്കേണ്ട 5 കാര്യങ്ങള്‍ ഇവയാണ്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

വില്‍പ്പത്രം എന്താണെന്ന് നമുക്കെല്ലാവര്‍ക്കും അറിയാം. നമ്മുടെ മരണ ശേഷം നമ്മുടെ സമ്പാദ്യവും സ്വത്തുവകകളുടേയും ഉടമസ്ഥാവകാശം ആര്‍ക്കാണ് അല്ലെങ്കില്‍ ആര്‍ക്കൊക്കെയാണ് എന്ന് വ്യക്തമാക്കുന്ന രേഖയാണ് വില്‍ അഥവാ വില്‍പ്പത്രം. വില്‍പ്പത്രം രേഖപ്പെടുന്നത് നിയമപരമായ പിന്തുടര്‍ച്ചാവകാശികള്‍ക്കും നോമിനികള്‍ക്കും വൈകാരികമായും സാമ്പത്തീകമായും ബുദ്ധിമുട്ടുകള്‍ സൃഷ്ടിക്കുന്ന ഒന്നാണ്.

 

വില്‍പത്രം എഴുതുന്നത് ഒഴിവാക്കാനാകില്ല;; ഓര്‍ക്കേണ്ട 5 കാര്യങ്ങള്‍ ഇവയാണ്

എങ്ങനെയാണ് ഒരു വ്യക്തിയുടെ ആസ്തികളും ബാധ്യതകളും അയാളുടെ മരണ ശേഷം പ്രസ്തുത വ്യക്തിയുടെ പിന്തുടര്‍ച്ചാവകാശികള്‍ക്കിടയില്‍ വിഭജിക്കേണ്ടത് എന്നതാണ് വില്‍പ്പത്രത്തിലൂടെ വ്യക്തമാക്കുന്നത്. അതാണ് വില്‍പ്പത്രത്തിന്റെ ലക്ഷ്യവും.

മാസം 100 രൂപ വീതം നിക്ഷേപിക്കാം; ഓരോ വര്‍ഷവും 36,000 രൂപ നേടാം

വില്‍പ്പത്രം എഴുതുന്നതിന് മുമ്പായി തന്റെ പേരിലുള്ള ആസ്തികളും ബാധ്യതകളും പട്ടികപ്പെടുത്തണം. പണം, ഓഹരികള്‍, സ്വര്‍ണം തുടങ്ങിയ മൂവബിള്‍ അസറ്റുകളും, ഭൂമി, കെട്ടിടങ്ങള്‍ തുടങ്ങിയ ഇമ്മൂവബിള്‍ ആസ്തികളുമെല്ലാം ഇതില്‍ ഉള്‍പ്പെടും. ബാധ്യതകളായ വായ്പകള്‍ ഉള്‍പ്പെടെയുള്ളവ ആകെ ആസ്തികളില്‍ നിന്നും കിഴിയ്ക്കണം. ഇത് വില്‍പ്പത്രം എഴുതുന്ന വ്യക്തി, അഥവാ ടെസ്റ്റേറ്ററുടെ ആകെ ആസ്തിയുടെ അളവില്‍ കുറവ് വരുത്തും.

ആസ്തികള്‍ ഓരോന്നും ആര്‍ക്ക് ഏത് തരത്തില്‍ വിഭജിക്കണമെന്ന് കൃത്യമായി വ്യക്തമാക്കിയിരിക്കണം. അല്ലാത്ത പക്ഷം അത് ബന്ധുക്കള്‍ക്കിടയില്‍ കലഹത്തിന് കാരണമായേക്കാം.

മ്യൂച്വല്‍ ഫണ്ട് എസ്‌ഐപിയില്‍ ഈ തുക നിക്ഷേപിച്ചാല്‍ 50ാം വയസ്സില്‍ 10 കോടി രൂപ സ്വന്തമാക്കാം!

വില്‍പ്പത്രത്തിന്റെ എക്‌സീക്യൂട്ടര്‍ ആയി ഒന്നോ അതിലധികമോ വ്യക്തികളെ തെരഞ്ഞെടുക്കണം. വില്‍പ്പത്രത്തില്‍ പറഞ്ഞിരിക്കുന്ന പ്രകാരം ആസ്തിയും ബാധ്യതകളും വിഭജിച്ച് ഒഴിവാക്കുന്ന ചുമതല ഈ എക്‌സിക്യൂട്ടര്‍ക്ക് ആയിരിക്കും. ഈ എക്‌സിക്യൂട്ടര്‍ എപ്പോഴും ടെസ്‌റ്റേറ്ററെക്കാള്‍ പ്രായം കുറഞ്ഞ വ്യക്തി ആയിരിക്കണം. ടെസ്റ്റേറ്ററെക്കാള്‍ മുമ്പ് എക്‌സിക്യൂട്ടറുടെ മരണം സംഭവിക്കുവാനുള്ള സാധ്യത ഒഴിവാക്കുവാനുള്ള മുന്‍കരുതലാണിത്.

പക്ഷഭേദമില്ലാത്ത രണ്ട് വ്യക്തികള്‍ വില്‍പ്പത്രത്തിന്റെ സാക്ഷികളായുണ്ടായിരിക്കണം. പൂര്‍ണ ബോധത്തോടെയും സ്വയം താത്പര്യത്തോടെയുമാണ് ടെസ്‌റ്റേറ്റര്‍ വില്‍പ്പത്രം തയ്യാറാക്കിയിരിക്കുന്നതെന്ന് അവര്‍ സാക്ഷ്യം പറയേണ്ടതുണ്ട്. സാധാരണയായി ഡോക്ടര്‍മാര്‍, വക്കീല്‍, സിഎ ഉദ്യോഗസ്ഥര്‍ തുടങ്ങിയവരെയാണ് ഈ ജോലി ഏല്‍പ്പിക്കാറ്. സാക്ഷിയുടെ പേര്, വിലാസം, ബന്ധപ്പെടാനുള്ള ഫോണ്‍ നമ്പര്‍ എന്നിവയും ചേര്‍ക്കേണ്ടതുണ്ട്.

ഈ 5 രൂപ, 10 രൂപാ നാണയങ്ങള്‍ കൈയ്യിലുണ്ടോ? പകരമായി നേടാം ലക്ഷങ്ങള്‍!

നിങ്ങളുടെ വില്‍പ്പത്രം രജിസ്റ്റര്‍ ചെയ്യണമെന്ന് നിയമപരമായി നിര്‍ബന്ധമൊന്നുമില്ല. എന്നാല്‍ പിന്‍ഗാമികള്‍ വില്‍പ്പത്രത്തെ എതിര്‍ക്കാന്‍ സാധ്യതയുണ്ട് എന്ന് ടെസ്റ്റേറ്റര്‍ക്ക് തോന്നിയാല്‍ വില്‍പ്പത്രം രജിസ്റ്റര്‍ ചെയ്യാം. ക്യാമറയ്ക്ക് മുന്നില്‍ ടെസ്റ്റേറ്റര്‍ വില്‍പ്പത്രം വായിക്കുന്നതായി ഒരു വീഡിയോയും എടുത്ത് സൂക്ഷിക്കാം. ഇത് മരണശേഷമുള്ള പ്രക്രിയകള്‍ സുതാര്യമാക്കുകയും ചെയ്യും.

Read more about: will
English summary

what is the importance of drafting a will? Explained | വില്‍പത്രം എഴുതുന്നത് ഒഴിവാക്കാനാകാത്ത കാര്യം; ഓര്‍ക്കേണ്ട 5 കാര്യങ്ങള്‍ ഇവയാണ്

what is the importance of drafting a will? Explained
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X