പിഎം കിസ്സാന്‍ സമ്മാന്‍ നിധി യോജനയില്‍ ഭാര്യയ്ക്കും ഭര്‍ത്താവിനും ഗുണഭോക്താക്കളാകുവാന്‍ കഴിയുമോ?

പിഎം കിസ്സാന്‍ സമ്മാന്‍ നിധി യോജന പദ്ധതിയിലൂടെ പ്രതിവര്‍ഷം 6,000 രൂപയുടെ സാമ്പത്തീക സഹായമാണ് ഗുണഭോക്താക്കള്‍ക്ക് നല്‍കി വരുന്നത്. 2,000 രൂപ വീതമുള്ള ഗഢുക്കളായി അര്‍ഹരായ കര്‍ഷകരുടെ പേരിലുള്ള ബാങ്ക് അക്കൗണ്ടിലേക്ക് കേന്ദ്ര സര്‍ക്കാര്‍ നേരിട്ട് തുക നല്‍കുകയാണ് ചെയ്യുക.

എന്നാല്‍ പലരുടെയും മനസ്സില്‍ പദ്ധതിയെക്കുറിച്ചുള്ള ചോദ്യമായിരിക്കും ഭാര്യയ്ക്കും ഭര്‍ത്താവിനും ഒരേ സമയം പദ്ധതിയുടെ ഗുണഭോക്താക്കളാകുവാന്‍ സാധിക്കുമോ എന്നത്. പദ്ധതിയുടെ നയങ്ങള്‍ പ്രകാരം ഇത് കര്‍ഷക കുടുംബങ്ങള്‍ക്കായുള്ള സാമ്പത്തീക സഹായ പദ്ധതിയാണ്. ഭാര്യയും ഭര്‍ത്താവും രണ്ട് കുഞ്ഞുങ്ങളും ചേര്‍ന്നതാണ് പൊതുവേ ഇന്ത്യയില്‍ കുടുംബം എന്ന് പറയുന്നത്.

അതിനാല്‍ ഒരു കുടുംബത്തിനാണ് പദ്ധതിയുടെ ഗുണഭോക്താവ് ആകുവാന്‍ സാധിക്കുക. അതായത് കുടുംബത്തിലെ ഒരംഗത്തിന്. ഭാര്യയ്ക്കും ഭര്‍ത്താവിനും ഒരേ സമയം പദ്ധതിയുടെ ആനുകൂല്യം ലഭിക്കുകയില്ല.

്അത്തരത്തില്‍ ഭാര്യയും ഭര്‍ത്താവും പദ്ധതിയുടെ നേട്ടം പറ്റുന്നുവെന്ന് കണ്ടെത്തിയാല്‍ അവരെ സര്‍ക്കാര്‍ പദ്ധതിയില്‍ നിന്നും പുറത്താക്കും.

കൂടാതെ കൃഷി ഭൂമി കാര്‍ഷികാവശ്യങ്ങള്‍ക്കല്ലാതെ മറ്റ് രീതിയില്‍ ഉപയോഗിക്കുന്നവര്‍ക്ക് പദ്ധതിയുടെ ഗുണഭോക്താക്കളാകുവാന്‍ സാധിക്കുകയില്ല.

മറ്റാര്‍ക്കെങ്കിലും വേണ്ടി കാര്‍ഷിക വൃത്തി എടു്കുന്ന, സ്വന്തമായി കൃഷി ഭൂമി ഇല്ലാത്ത വ്യക്തികള്‍ക്കും പിഎം കിസ്സാന്‍ സമ്മാന്‍ നിധി യോജന പദ്ധതിയില്‍ ചേരുവാന്‍ സാധിക്കുകയില്ല.

ഒരു വ്യക്തിയുടെ പേരില്‍ അല്ല അയാളുടെ കൃഷി ഭൂമി രജിസ്റ്റര്‍ ചെയ്തിരിക്കുന്നത് എങ്കില്‍ ആ വ്യക്തിയ്ക്കും പദ്ധതിയുടെ ഗുണഭോക്താവ് ആകുവാന്‍ സാധിക്കുകയില്ല. ഒരു വ്യക്തിയുടെ പിതാവിന്റെയോ മുത്തച്ഛന്റെയോ പേരിലാണ് അയാളുടെ കൃഷി ഭൂമി രജിസ്റ്റര്‍ ചെയ്തിരിക്കുന്നത് എങ്കിലം പിഎം കിസ്സാന്‍ സമ്മാന്‍ നിധി യോജന പദ്ധതിയുടെ ഭാഗമാകുവാന്‍ കഴിയില്ല.

സ്വന്തം പേരില്‍ കൃഷി ഭൂമി ഉള്ള, സര്‍ക്കാര്‍ ഉദ്യോഗസ്ഥരായ വ്യക്തികള്‍ക്കും പദ്ധതിയുടെ ഗുണഭോക്താക്കളാകുവാന്‍ സാധിക്കുകയില്ല. കൂടാതെ ഡോക്ടര്‍മാര്‍, എഞ്ചിനീയര്‍മാര്‍, ചാര്‍ട്ടേഡ് അക്കൗണ്ടന്റുമാര്‍ എന്നിവരും പദ്ധതിയ്ക്ക് അപേക്ഷിക്കുവാന്‍ യോഗ്യത ഇല്ലാത്തവരാണ്.