ഉപഭോക്തൃ ഫോറത്തില്‍ പരാതി കൊടുക്കുന്നതെങ്ങനെ?

By Kavitha Murthy
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കച്ചവടമുണ്ടെങ്കില്‍ നഷ്ടക്കച്ചവടത്തിനും സാധ്യതയുണ്ട്. ചിലരുടേതു തന്ത്രങ്ങളാകാം; ചിലപ്പോള്‍ വെറും യാദൃശ്ചികമാകാം. ഏതായാലും നഷ്ടം പരിഹരിച്ചുകിട്ടുക എന്നത് നമ്മുടെ അവകാശമാണ്. അത്യാവശ്യവും. പല തവണ പരാതിപ്പെട്ടിട്ടും പരിഹാരം കിട്ടുന്നില്ലെങ്കില്‍ ഉപഭോക്താവിന്റെ സഹായത്തിനുള്ള ഏജന്‍സികളാണ് ഉപഭോക്തൃ ഫോറങ്ങള്‍ അഥവാ ഉപഭോക്തൃ കോടതികള്‍.നടപടിക്രമങ്ങള്‍ താര്തമ്യേന ലളിതമാണ്; ചെലവും താരതമ്യേന കുറവാണ്.

 

പരാതി വെള്ളക്കടലാസില്‍ എഴുതിയാല്‍ മതി; സ്റ്റാമ്പ് പേപ്പര്‍ ആവശ്യമില്ല. എത്ര എതിര്‍കക്ഷികളുണ്ടോ അതിനെക്കാള്‍ നാലു പകര്‍പ്പുകള്‍ കൂടുതല്‍ വേണം. പരാതിക്കാധാരമായ സംഭവം നടന്ന് രണ്ടു വര്‍ഷത്തിനുള്ളില്‍ പരാതിപ്പെട്ടിരിക്കണം.

ഇരുപതു ലക്ഷം രൂപ വരെയുള്ള ഇടപാടുകളുടെ പരാതികളെല്ലാം ആദ്യം ജില്ലാ ഉപഭോക്തൃ ഫോറത്തിലാണ് നല്‍കേണ്ടത്. ഇരുപതു ലക്ഷത്തിനു മേല്‍ തുകയുടെ ഇടപാടുകളുടെ പരാതി ജില്ലാ ഫോറത്തിന് പരിഗണിക്കാന്‍ അധികാരമില്ല. അത്തരം പരാതികള്‍ നേരിട്ടു സംസ്ഥാന ഫോറത്തിനു നല്‍കണം. ഫീസ് വിവരം ചുവടെ:

ജില്ലാ ഫോറത്തില്‍ പരാതി നല്‍കാനുള്ള ഫീസ്

ജില്ലാ ഫോറത്തില്‍ പരാതി നല്‍കാനുള്ള ഫീസ്

ഒരു ലക്ഷം രൂപ വരെ വിലയുള്ള ഉത്പന്നം/ സേവനം ആണെങ്കില്‍ 100 രൂപ ഫീസ്. അന്ത്യോദയ അന്നയോജന കാര്‍ഡ് ഉടമകളാണെങ്കില്‍ അതും അടയ്‌ക്കേണ്ട ആവശ്യമില്ല.

ഒരു ലക്ഷം രൂപ മുതല്‍ അഞ്ചു ലക്ഷം രൂപ വരെയുള്ള ഇടപാടിന് ഫീസ് 200 രൂപ.

അഞ്ചു ലക്ഷം രൂപ മുതല്‍ പത്തു ലക്ഷം രൂപ വരെയുള്ള ഇടപാടിന് ഫീസ് 400 രൂപ.

പത്തു ലക്ഷം രൂപ മുതല്‍ ഇരുപതു ലക്ഷം രൂപ വരെയുള്ള ഇടപാടിന് ഫീസ് 500 രൂപ.

സംസ്ഥാന കമ്മിഷനില്‍ പരാതി നല്‍കാനുള്ള ഫീസ്

സംസ്ഥാന കമ്മിഷനില്‍ പരാതി നല്‍കാനുള്ള ഫീസ്

20 ലക്ഷം മുതല്‍ 50 ലക്ഷം വരെ രൂപയുടെ ഇടപാടുകള്‍ക്ക് 2000 രൂപ; 50 ലക്ഷം രൂപയ്ക്കു മേല്‍ ഒരു കോടി രൂപ വരെയുള്ള ഇടപാടുകള്‍ക്ക് 4000 രൂപ.

പരാതിയിലുണ്ടാകേണ്ട വിവരങ്ങള്‍

പരാതിയിലുണ്ടാകേണ്ട വിവരങ്ങള്‍

1. പരാതി നല്‍കുന്നയാളുടെ പേര്, വിലാസം, ബന്ധപ്പെടാനുള്ള മറ്റു വിവരങ്ങള്‍ (ഫോണ്‍, ഫാക്‌സ്, ഇമെയില്‍ മുതലായവ)

2. എതിര്‍കക്ഷികളുടെ പേരുവിവരങ്ങള്‍, വിലാസം, ബന്ധപ്പെടാനുള്ള വിവരങ്ങള്‍

3. പരാതിക്കാധാരമായ ഇടപാട് സംബന്ധിച്ചുള്ള വിശദ വിവരങ്ങള്‍

4. പരാതിയില്‍ പറയുന്ന ആരോപണങ്ങള്‍ക്കു തെളിവായി രേഖകള്‍ വല്ലതുമുണ്ടെങ്കില്‍ അവ സംബന്ധിച്ചുള്ള വിവരങ്ങളും അവയുടെ പകര്‍പ്പും

5. ആവശ്യപ്പെടുന്ന പരിഹാരം/ നഷ്ടപരിഹാരം എന്താണെന്നതു സംബന്ധിച്ച് പരമാവധി വ്യക്തമായ വിവരം.

തീര്‍പ്പില്‍ തൃപ്തിയില്ലെങ്കില്‍ അപ്പീല്‍ നല്‍കാം

തീര്‍പ്പില്‍ തൃപ്തിയില്ലെങ്കില്‍ അപ്പീല്‍ നല്‍കാം

ജില്ലാ ഉപഭോക്തൃ ഫോറത്തിന്റെ തീര്‍പ്പില്‍ തൃപ്തിയില്ലെങ്കില്‍ സംസ്ഥാന ഫോറത്തിലും അവിടെ തൃപ്തിയില്ലെങ്കില്‍ ദേശീയ ഫോറത്തിലും അപ്പീല്‍ നല്‍കാം. വിധി വന്ന് ഒരു മാസത്തിനകം അപ്പീല്‍ നല്‍കണം. ന്യായമായ കാരണമുണ്ടെന്നു മേല്‍ക്കോടതിക്കു ബോധ്യപ്പെട്ടാല്‍ ഒരു മാസത്തിനു ശേഷവും അപ്പീല്‍ സ്വീകരിക്കും.

കീഴ്‌ക്കോടതിവിധിയുടെ പകര്‍പ്പും പരാതിയും മതിയായ രേഖകളുമടക്കം വേണം അപേക്ഷിക്കാന്‍. എതിര്‍കക്ഷികളുടെ എണ്ണത്തിനെക്കാള്‍ നാലു പകര്‍പ്പു കൂടുതല്‍ വച്ചു വേണം പരാതി സമര്‍പ്പിക്കാന്‍.

English summary

how to file a complaint in consumer forum

The main function of consumer court is to provide some extra privilege to the consumers and to maintain fair practice by the seller or the service provider towards the consumer. Submitting complaint is very simple and consumer has no need to hire any lawyer
English summary

how to file a complaint in consumer forum

The main function of consumer court is to provide some extra privilege to the consumers and to maintain fair practice by the seller or the service provider towards the consumer. Submitting complaint is very simple and consumer has no need to hire any lawyer
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X