ബജറ്റ് അവതരിപ്പിക്കാനെത്തുന്ന ധനമന്ത്രിമാർ കൈയിൽ ഒരു തുകൽ പെട്ടി കരുതുന്നത് പതിവാണ്. എന്നാൽ ഈ തുകൽ പെട്ടിയിക്ക് പിന്നിലുമുണ്ട് ചില കഥകൾ. ഒന്നര നൂറ്റാണ്ട് പഴക്കമുള്ള ആ ചരിത്രം എന്തെന്ന് അറിയണ്ടേ?
ബഗറ്റിൽ നിന്നും ബജറ്റ്
ഫ്രഞ്ച് വാക്കായ ബഗറ്റിൽ (Bougette) നിന്നുമാണ് ബജറ്റ് എന്ന വാക്ക് പിറവിയെടുത്തത്. ബഗറ്റിന്റെ അർത്ഥം ലെതർ ബാഗ് എന്നാണ്. അതുകൊണ്ട് തന്നെയാകാം വർഷങ്ങളായി ഇന്ത്യയിലെയും ബ്രിട്ടനിലെയും ധനമന്ത്രിമാർ ബജറ്റ് അവതരിപ്പിക്കാനെത്തുമ്പോൾ ഈ ബാഗ് കൈയിൽ കരുതുന്നത്.
തുടക്കക്കാരൻ
ബജറ്റിന് തുകൽ പെട്ടിയുമായെത്തി തുടക്കം കുറിച്ചത് 1860ൽ ബ്രിട്ടന്റെ ധനകാര്യ വകുപ്പ് തലവനായിരുന്നു വില്യം എവാർട്ട് ഗ്ലാഡ്സ്റ്റോൺ ആണ്. ചുവന്ന തുകൽ പെട്ടിയുമായായിരുന്നു അദ്ദേഹം ബജറ്റ് അവതരിപ്പിക്കാൻ എത്തിയിരുന്നത്.
റെഡ് ഗ്ലാഡ്സ്റ്റോൺ
അന്നത്തെ ബ്രിട്ടനിലെ രാഞ്ജിയാണ് ഗ്ലാഡ്സ്റ്റോണിന് രേഖകൾ സൂക്ഷിക്കാനായി ആ ചുവന്ന തുകൽ പെട്ടി നൽകിയത്. ഈ പെട്ടി പിന്നീട് ‘റെഡ് ഗ്ലാസ്സ്റ്റോൺ' എന്നറിയപ്പെട്ടു.
ബ്രിട്ടന് പിന്നാലെ ഇന്ത്യ
ബ്രിട്ടന്റെ അധീനതയിലായിരുന്ന ഇന്ത്യയും പിന്നീട് ഈ സംസ്കാരം അനുകരിക്കാൻ തുടങ്ങി. ഇന്ത്യയുടെ ആദ്യത്തെ ധനമന്ത്രിയായിരുന്ന ആർ.കെ ഷൺമുഖ ചെട്ടിയും ലെതർ പെട്ടിയുമായാണ് ബജറ്റ് അവതരിപ്പിക്കാൻ എത്തിയത്.
ലെതർ പെട്ടി സംസ്കാരം ഉപയോഗിക്കുന്ന മറ്റ് രാജ്യങ്ങൾ
- ഉഗാണ്ട
- സിംബാബ്വെ
- മലേഷ്യ
malayalam.goodreturns.in