പിപിഎഫ് അക്കൗണ്ടിന്റെ കാലാവധി പൂർത്തിയാകാറായോ? നിങ്ങൾ തീർച്ചയായും അറിയേണ്ട കാര്യങ്ങൾ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

പബ്ലിക് പ്രൊവിഡന്റ് ഫണ്ട് (പിപിഎഫ്) ഇന്ത്യക്കാർക്കിടയിലെ അറിയപ്പെടുന്ന ഒരു ദീർഘകാല നിക്ഷേപ ഓപ്ഷനാണ്. ഓരോ ഘട്ടത്തിലും നികുതി ആനുകൂല്യങ്ങൾക്കൊപ്പം ഉയർന്ന വരുമാനം വാഗ്ദാനം ചെയ്യുന്ന നിക്ഷേപ പദ്ധതിയാണിത്. പിപിഎഫിലെ നിക്ഷേപത്തിന് ആദായനികുതി നിയമത്തിലെ സെക്ഷൻ 80 സി പ്രകാരം നികുതി ആനുകൂല്യത്തിനും അർഹതയുണ്ട്. പ്രതിവർഷം 1.5 ലക്ഷം രൂപ വരെ ഇഇഇ അഥവാ 'എക്സംപ്റ്റ്, എക്സംപ്റ്റ്, എക്സംപ്റ്റ്' വിഭാഗത്തിലുള്ള നികുതി ആനുകൂല്യമാണ് പിപിഎഫിന് ലഭിക്കുക.

 

പലിശയ്ക്കും നികുതിയില്ല

പലിശയ്ക്കും നികുതിയില്ല

പിപിഎഫ് നിക്ഷേപത്തിൽ നിന്ന് നേടുന്ന പലിശയ്ക്ക് നികുതി ബാധകമല്ല. കൂടാതെ കാലാവധി പൂർത്തിയായ ശേഷം ലഭിക്കുന്ന തുകയും മൂലധന നേട്ടനികുതിയിൽ നിന്ന് ഒഴിവാക്കിയിട്ടുണ്ട്. ഇത് സർക്കാർ പിന്തുണയുള്ള പദ്ധതിയായതിനാൽ മൂലധനത്തിന്റെ സുരക്ഷയുടെ കാര്യത്തിലും നിക്ഷേപകർ പേടിക്കേണ്ടതില്ല. വളരെയധികം ആനുകൂല്യങ്ങൾ ഉള്ളതിനാൽ, വിരമിക്കലിന് ശേഷം ഒരു വലിയ തുക കണ്ടെത്താൻ പലരും പിപിഎഫിനെ തിരഞ്ഞെടുക്കാറുണ്ട്.

പിപിഎഫ് ബാലൻസിന്റെ പലിശ കണക്കാക്കുന്നത് എങ്ങനെ? കൂടുതൽ നേട്ടമുണ്ടാക്കാൻ ചെയ്യേണ്ടത് എന്ത്?

കാലാവധി പൂർത്തിയായാൽ

കാലാവധി പൂർത്തിയായാൽ

ഭാഗിക പിൻ‌വലിക്കലും വായ്പ ആനുകൂല്യങ്ങളും സഹിതം പി‌പി‌എഫ് അക്കൌണ്ടുകൾ‌ക്ക് 15 വർഷത്തെ ലോക്ക്-ഇൻ‌ കാലാവധിയാണുള്ളത്. 15 വർഷത്തെ കാലയളവ് പൂർത്തിയാകുമ്പോൾ, നിങ്ങളുടെ പിപിഎഫ് അക്കൗണ്ടിൽ നിന്ന് മുഴുവൻ തുകയും പിൻവലിക്കാവുന്നതാണ്. അക്കൗണ്ട് അവസാനിപ്പിക്കുന്നതിനും പൂർണമായി തുക പിൻവലിക്കുന്നതിനും പിപിഎഫ് അക്കൗണ്ടുള്ള നിങ്ങളുടെ ബാങ്കിൽ നിന്നോ പോസ്റ്റോഫീസിൽ നിന്നോ ഫോം സി വാങ്ങി പൂരിപ്പിച്ച് സമർപ്പിക്കണം.

പിപിഎഫ് അക്കൗണ്ട് മതിയാക്കാൻ ഒരുങ്ങുകയാണോ? പിഴ നിരക്കുകൾ ഇങ്ങനെ

കാലാവധി നീട്ടാം

കാലാവധി നീട്ടാം

15 വർഷത്തിന് ശേഷം പി‌പി‌എഫ് അക്കൌണ്ട് ക്ലോസ് ചെയ്യുന്നതിന് അഞ്ച് വർഷത്തേയ്ക്ക് കൂടി കാലാവധി നീട്ടാവുന്നതാണ്. ഇതിനായി നിക്ഷേപം നടത്തിയിരിക്കുന്ന ബാങ്കിൽ നിന്നോ പോസ്റ്റ് ഓഫീസിൽ നിന്നോ ഫോം എച്ച് വാങ്ങി പൂരിപ്പിച്ച് സമർപ്പിക്കണം. നികുതിയിളവ്, മാന്യമായ പലിശ, പലിശയ്ക്ക് നികുതി ഇളവ് തുടങ്ങിയ എല്ലാ നേട്ടങ്ങളും പരമാവധി പ്രയോജനപ്പെടുത്താൽ കാലാവധി പൂർത്തിയാകുന്നതിന് മുമ്പുള്ള വർഷങ്ങളിൽ അനുവദനീയമായ പരമാവധി തുകയായ 1.5 ലക്ഷം രൂപ നിക്ഷേപിക്കാൻ പ്രത്യേകം ശ്രമിക്കുക.

നിക്ഷേപം നടത്താതെ കാലാവധി നീട്ടൽ

നിക്ഷേപം നടത്താതെ കാലാവധി നീട്ടൽ

15 വർഷത്തെ കാലാവധി പൂർത്തിയായ ശേഷം നിക്ഷേപം നടത്താതെ നിക്ഷേപം തുടരാനാണ് നിങ്ങൾ ആഗ്രഹിക്കുന്നതെങ്കിൽ അടുത്ത അഞ്ച് വർഷത്തേക്ക് നിങ്ങൾക്ക് പലിശ ലഭിക്കുന്നത് തുടരും. നീട്ടിയ കാലയളവിൽ, ഓരോ സാമ്പത്തിക വർഷത്തിലും ഒരു ഭാഗിക പിൻവലിക്കൽ മാത്രമേ അനുവദിക്കൂ. ഈ ഭാഗിക പിൻവലിക്കലിലൂടെ എത്ര തുക വേണമെങ്കിലും പിൻവലിക്കാം. നിക്ഷേപമില്ലാതെ അക്കൗണ്ട് തുടർന്നുകഴിഞ്ഞാൽ, ഒരു വർഷത്തിലേറെയായി, അഞ്ച് വർഷത്തെ ബ്ലോക്കിനായി നിക്ഷേപത്തോടെ അക്കൗണ്ട് തുടരാൻ നിങ്ങൾക്ക് കഴിയില്ല.

നിക്ഷേപത്തിന് ഒപ്പം കാലാവധി നീട്ടൽ

നിക്ഷേപത്തിന് ഒപ്പം കാലാവധി നീട്ടൽ

സംഭാവനയോട് കൂടി അക്കൌണ്ടിന്റെ കാലാവധി നീട്ടുന്നതിന്, കാലാവധി തീരുന്നതിന് ഒരു വർഷം മുമ്പ് ഫോം എച്ച് സമർപ്പിച്ച് രേഖാമൂലം നിങ്ങളുടെ ബാങ്ക് / പോസ്റ്റ് ഓഫീസ് ബ്രാഞ്ചിനെ അറിയിക്കേണ്ടതാണ്. നിങ്ങൾ ഫോം പൂരിപ്പിച്ച് നൽകി നിക്ഷേപം തുടർന്നില്ലെങ്കിൽ, പുതിയ നിക്ഷേപം ക്രമരഹിതമായി കണക്കാക്കുകയും അവയ്ക്ക് പലിശ നൽകുകയും ചെയ്യില്ല.

പിപിഎഫ് അക്കൗണ്ടുള്ളവരുടെ ശ്രദ്ധയ്ക്ക്; നിങ്ങൾക്ക് അറിയാത്ത ചില പിപിഎഫ് നിയമങ്ങൾ

English summary

പിപിഎഫ് അക്കൗണ്ടിന്റെ കാലാവധി പൂർത്തിയാകാറായോ? നിങ്ങൾ തീർച്ചയായും അറിയേണ്ട കാര്യങ്ങൾ

The Public Provident Fund (PPF) is a well-known long-term investment option among Indians. This is an investment plan that offers high returns along with tax benefits at every stage. Read in malayalam.
Story first published: Thursday, November 28, 2019, 13:58 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X