കാശിന് അത്യാവശ്യമുണ്ടോ? വെറും 3 ദിവസത്തിനുള്ളിൽ പിഎഫിൽ നിന്ന് പണം പിൻവലിക്കുന്നത് എങ്ങനെ?

രാജ്യത്ത് കൊറോണ വൈറസ് കേസുകളുടെ എണ്ണം കുതിച്ചുയരുന്നതിനെ തുടർന്ന് 21 ദിവസത്തെ രാജ്യവ്യാപക ലോക്ക് ഡൌൺ പ്രഖ്യാപിച്ചിരിക്കുന്നതിനാൽ രാജ്യം മുഴുവൻ നിലച്ച സ്ഥിതിയിലാണ്. അതുകൊണ്ട് തന്നെ പലരും സാമ്പത്തിക പ്രതിസന്ധി അനുഭവിക്കുന്നുമുണ്ട്. നിലവിലെ സ്ഥിതിയിൽ തിരികെ നൽകേണ്ടാത്ത രീതിയിൽ പണം പിൻവലിക്കാൻ എംപ്ലോയീസ് പ്രൊവിഡന്റ് ഫണ്ട് (ഇപിഎഫ്) നിയമങ്ങളിൽ ചിസ ഭേദഗതികൾ വരുത്തിയിട്ടുണ്ട്. ഭേദഗതി നടപ്പാക്കാൻ എല്ലാ ഫീൽഡ് ഓഫീസുകൾക്കും നിർദേശം നൽകി.

പിഎഫ് അക്കൗണ്ടിൽ നിന്ന് 75% പിൻവലിക്കൽ

പിൻവലിക്കൽ തുക നിങ്ങളുടെ അടിസ്ഥാന ശമ്പളത്തേക്കാളും മൂന്ന് മാസ ക്ഷാമബത്തയേക്കാളും അല്ലെങ്കിൽ നിങ്ങളുടെ പി‌എഫ് അക്കൌണ്ട് ബാലൻസിന്റെ 75% വരെയോ ആകാം. ഇതിൽ ഏതാണോ കുറവ് അതാണ് പിൻവലിക്കാൻ കഴിയുന്ന തുക. 1952 ലെ ഇപിഎഫ് സ്കീമിൽ അംഗങ്ങളായ ഇന്ത്യയിലുടനീളമുള്ള സ്ഥാപനങ്ങളിലും ഫാക്ടറികളിലും ജോലി ചെയ്യുന്ന ജീവനക്കാർക്ക് ഇത് ബാധകമാണ്.

പിഎഫ് പണം എങ്ങനെ പിൻവലിക്കാം?

• https://unifiedportal-mem.epfindia.gov.in/memberinterface/ എന്ന ലിങ്ക് വഴി നിങ്ങളുടെ യു‌എ‌എൻ‌ അക്കൌണ്ടിൽ പ്രവേശിക്കുക
• ഓൺലൈൻ സേവനങ്ങളിൽ നിന്ന് ക്ലെയിം ഫോമിൽ ക്ലിക്കുചെയ്യുക.
• നിങ്ങളുടെ എല്ലാ വിശദാംശങ്ങളും ഉള്ള ഒരു പേജിലേക്ക് നിങ്ങളെ വീണ്ടും നയിക്കും. (നിങ്ങളുടെ അക്കൌണ്ട് നമ്പറിന്റെ അവസാന നാല് അക്കങ്ങൾ നൽകി നിങ്ങളുടെ ബാങ്ക് അക്കൌണ്ട് സാധൂകരിക്കാൻ ഇത് ആവശ്യപ്പെടും.)
• വിശദാംശങ്ങൾ നൽകി തുടരുക.
• പിഎഫ് അഡ്വാൻസ് ഫോം 31 ൽ ക്ലിക്കുചെയ്യുക

ശ്രദ്ധിക്കേണ്ട കാര്യം

നിങ്ങളുടെ ബാങ്ക് ചെക്കിന്റെയോ പാസ്ബുക്കിന്റെയോ സ്കാൻ ചെയ്ത പകർപ്പ് അപ്‌ലോഡ് ചെയ്യാൻ നിങ്ങളോട് ആവശ്യപ്പെടുമെന്നത് ശ്രദ്ധിക്കുക. അതിനുശേഷം നിങ്ങൾ ഒരു ആധാർ ഒടിപി വഴി അഭ്യർത്ഥന സാധൂകരിക്കേണ്ടതുണ്ട്. ഒ‌ടി‌പി പ്രാമാണീകരണം വിജയകരമായി പൂർത്തിയാക്കി കഴിഞ്ഞാൽ, മൂന്ന് പ്രവൃത്തി ദിവസത്തിനുള്ളിൽ തുക നിങ്ങളുടെ അക്കൗണ്ടിലേക്ക് ക്രെഡിറ്റ് ചെയ്യപ്പെടും.