ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യ (എൽഐസി) പുതിയ ജീവൻ ശാന്തി പദ്ധതി അവതരിപ്പിച്ചു. ഇത് ഒരു വ്യക്തിഗത, സിംഗിൾ പ്രീമിയം ആന്വിറ്റി പ്ലാനാണ്. പോളിസിയുടെ തുടക്കത്തിൽ തന്നെ ആന്വിറ്റി നിരക്കുകൾ ഉറപ്പു നൽകുന്നു. ഈ പ്ലാൻ ഓഫ്ലൈനിലും ഓൺലൈനിലും വാങ്ങാം. പ്ലാനിന് കീഴിൽ രണ്ട് ആന്വിറ്റി ഓപ്ഷനുകൾ ലഭ്യമാണ്. ഈ പ്ലാനിന്റെ ഏറ്റവും കുറഞ്ഞ വാങ്ങൽ വില 1,50,000 രൂപയാണ്. ലഭ്യമായ ആന്വിറ്റി മോഡുകൾ വർഷം തോറും വാർഷികവും ത്രൈമാസവും പ്രതിമാസവുമായാണ് തിരിച്ചിരിക്കുന്നത്.
മൂല്യനിര്ണയ പ്രക്രിയകള് വൈകുന്നു; എല്ഐസിയുടെ പ്രാഥമിക ഓഹരി വില്പ്പന ഉടനില്ല
മിനിമം ആന്വിറ്റി പ്രതിവർഷം 12,000 രൂപയാണ്. പരമാവധി വാങ്ങൽ വിലയ്ക്ക് പരിധിയില്ല. ആന്വിറ്റി നിരക്കിന്റെ വർദ്ധനവ് വഴി 5,00,000 രൂപയും അതിന് മുകളിലുള്ളതുമായ വാങ്ങൽ വിലയ്ക്ക് ഇൻസെന്റീവ് ലഭ്യമാണ്. പോളിസി കാലയളവിൽ പോളിസി ഉടമയ്ക്ക് മരണം സംഭവിച്ചാൽ നോമിനിക്ക് മരണ ആനുകൂല്യം നൽകും.
രാജ്യത്തെ ഏറ്റവും വലിയ ലൈഫ് ഇൻഷുൻസ് കമ്പനിയായ എൽഐസിയുടെ 25% ഓഹരികൾ വിൽക്കാനുള്ള പദ്ധതിയിലാണ് സർക്കാർ. ധനക്കമ്മി ജിഡിപിയുടെ 3.5 ശതമാനത്തിന് മുകളിൽ പോവാതിരിക്കാനുള്ള ശ്രമത്തിന്റെ ഭാഗമായി 2.1 ലക്ഷം കോടി രൂപയാണ് കേന്ദ്രസർക്കാർ ഈ വർഷം ഓഹരി വിറ്റഴിക്കലിലൂടെ സമാഹരിക്കാൻ പദ്ധതിയിട്ടിരിക്കുന്നത്.
എല്ഐസിയെ വില്ക്കാന്... രാജ്യത്തെ വമ്പന് ഐപിഒ; 25 ശതമാനം ഓഹരികള് വിറ്റേക്കുമെന്ന് റിപ്പോര്ട്ട്