ആധാറും പാൻ കാർഡും ബന്ധിപ്പിക്കുന്നത് ആദായനികുതി വകുപ്പ് നിർബന്ധമാക്കിയതിനാൽ ആധാർ കാർഡുകളുമായി ബന്ധിപ്പിക്കാത്ത എല്ലാ പാൻ കാർഡുകളും ജനുവരി മുതൽ പ്രവർത്തനരഹിതമോ അസാധുവോ ആകും. ഡിസംബർ 31 വരെയാണ് ആധാറും പാനും ബന്ധിപ്പിക്കുന്നതിനുള്ള സമയപരിധി.
ബന്ധിപ്പിച്ചില്ലെങ്കിൽ
ആധാറും പാനും ബന്ധിപ്പിക്കാതെ നിങ്ങൾക്ക് ആദായനികുതി റിട്ടേൺ (ഐടിആർ) ഫയൽ ചെയ്യാൻ കഴിയില്ല എന്നത് മാത്രമല്ല, നിങ്ങളുടെ പാൻ കാർഡ് മറ്റെവിടെയും ഉപയോഗിക്കാനും കഴിയില്ല. നിങ്ങളുടെ പാൻ, ആധാർ നമ്പറുകൾ നൽകി ആദായനികുതി വകുപ്പിന്റെ ഇ-ഫയലിംഗ് പോർട്ടൽ വഴി എത്രയും വേഗം ഓൺലൈനായി ഇവ ബന്ധിപ്പിക്കുന്നതാണ് നല്ലത്.
എംആധാർ ആപ്പ് വഴി, നിങ്ങളുടെ ഫോണിലൂടെ ആധാർ കാർഡിലെ അഡ്രസ് തിരുത്താം, അറിയേണ്ട കാര്യങ്ങൾ
സ്റ്റാറ്റസ് പരിശോധിക്കാം
നിങ്ങളുടെ പാൻ ആധാറുമായി ബന്ധിപ്പിച്ചിട്ടുണ്ടോ? അല്ലെങ്കിൽ പ്രക്രിയ പൂർത്തിയായി എന്ന് ഉറപ്പാക്കാൻ ആഗ്രഹിക്കുന്നുണ്ടോ എന്ന് നിങ്ങൾക്ക് ഉറപ്പില്ലെങ്കിൽ, നിങ്ങൾക്ക് ഓൺലൈനിൽ സ്റ്റാറ്റസ് പരിശോധിക്കാൻ കഴിയും. എങ്ങനെയെന്ന് നോക്കാം.
കർഷകർക്കുള്ള 6000 രൂപ പദ്ധതി, ആധാറും ബാങ്ക് അക്കൌണ്ടും ബന്ധിപ്പിച്ചില്ലെങ്കിൽ അവസാന ഗഡു ലഭിക്കില്ല
പരിശോധിക്കുന്നത് എങ്ങനെ?
- ആദായനികുതി വകുപ്പിന്റെ ഇ-ഫയലിംഗ് പോർട്ടലിൽ ഇടത് വശത്തുള്ള "Quick Links" വിഭാഗത്തിന് കീഴിലുള്ള "Link Aadhaar" ൽ ക്ലിക്കുചെയ്യുക.
- തുറന്നു വരുന്ന പുതിയ പേജിന് മുകളിൽ, ചുവപ്പ്, നീല നിറങ്ങളിൽ മിന്നിത്തിളങ്ങുന്ന "Click here" എന്ന ഓപ്ഷനിൽ ക്ലിക്കുചെയ്യുക.
- അടുത്ത പേജിൽ, നിങ്ങളോട് ആധാർ നമ്പറും പാൻ നമ്പറും നൽകാൻ ആവശ്യപ്പെടും.
- ആധാർ നമ്പറും പാനും നൽകുക, പോർട്ടൽ ലിങ്കിംഗ് നില കാണിക്കും. പാൻ-ആധാർ ലിങ്കിംഗ് പ്രക്രിയ പൂർത്തിയായിട്ടുണ്ടോ എന്ന് പരിശോധിക്കാൻ നിങ്ങൾക്ക് ഈ സൗകര്യം ഉപയോഗിക്കാം.
ആധാർ കാർഡിന് അപേക്ഷിക്കാൻ ഇനി തിരിച്ചറിയൽ രേഖകളോ വിലാസ തെളിവോ വേണ്ട, പകരം ചെയ്യേണ്ടതെന്ത്?