ബൈക്ക് വാങ്ങാൻ കാശില്ലേ? ലോൺ നൽകാൻ ബാങ്കുകൾ റെഡി, അറിയേണ്ട കാര്യങ്ങൾ

കാശ് കൂടുതൽ സമ്പാദിച്ച് വയ്ക്കാത്തവർക്കും സ്വന്തമായി ഒരു ടൂ വീലർ അല്ലെങ്കിൽ ബൈക്ക് എന്നത് ഒരു വിദൂര സ്വപ്നമല്ല. കാരണം ടൂവീലർ വാങ്ങാനും ബാങ്കുകൾ നിങ്ങൾക്ക് വായ്പ നൽകും. ഷെഡ്യൂൾ‌ഡ് വാണിജ്യ ബാങ്കുകൾ‌, മൈക്രോസൈസ് ലെൻഡർ‌മാർ‌, നോൺ‌ ബാങ്കിംഗ് ഫിനാൻ‌ഷ്യൽ‌ സ്ഥാപനങ്ങൾ തുടങ്ങിയവയാണ് ടൂവീലർ വായ്പ നൽകാൽ റെഡിയായി നിൽക്കുന്നവർ. വില കൂടിയ ബൈക്കുകളും മറ്റും വിപണിയിൽ എത്തിയതിന് ശേഷമാണ് ഇരുചക്ര വാഹന വായ്പകൾ ജനപ്രിയമാകുന്നത്.

നികുതി ആനുകൂല്യം

ഒരു നിശ്ചിത നിബന്ധനകൾക്ക് വിധേയമായി ഇരുചക്ര വാഹന വായ്പകൾക്ക് ആദായനികുതി ഇളവും ലഭിക്കുന്നതാണ്. നിലവിലെ ആദായനികുതി ചട്ടക്കൂട് അനുസരിച്ച്, നിങ്ങൾ ഒരു ചെറുകിട ബിസിനസ്സ് ഉടമയോ പ്രൊഫഷണലോ സ്വയം തൊഴിൽ ചെയ്യുന്ന ആളോ ആണെങ്കിൽ ഇരുചക്ര വാഹന വായ്പയിൽ ആദായനികുതി കിഴിവ് അവകാശപ്പെടാം.

നിലവിലെ നിയമം

നിലവിലെ മാർ‌ഗ്ഗനിർ‌ദ്ദേശങ്ങൾ‌ അനുസരിച്ച്, നിങ്ങൾ‌ ഒരു ബിസിനസ്സ് ഉടമയോ അല്ലെങ്കിൽ‌ പ്രൊഫഷണൽ‌ ആവശ്യങ്ങൾ‌ക്കായി ഇരുചക്രവാഹനം ഉപയോഗിക്കുന്ന ആളോ ആണെങ്കിൽ‌ ബിസിനസ് ചെലവിൽ‌ നികുതിയിളവ് ക്ലെയിം ചെയ്യാൻ‌ കഴിയും. കൂടാതെ, ഗതാഗതച്ചെലവിലും ഇളവ് നേടാം.

നിബന്ധനകൾ

വാഹനം ബിസിനസ്സ് ആവശ്യങ്ങൾക്കായി ഉപയോഗിക്കുന്നതായിരിക്കണം. കൂടാതെ ഇരുചക്ര വാഹനങ്ങൾ ബിസിനസ്സ് ഉടമയുടെ പേരിൽ രജിസ്റ്റർ ചെയ്തവയും ആയിരിക്കണം. ഇരുചക്ര വാഹന വായ്പകൾക്ക് നികുതിയിളവ് നേടാൻ ആഗ്രഹിക്കുന്ന ആളുകൾ ബാങ്ക് നൽകുന്ന പലിശ സർട്ടിഫിക്കറ്റുകൾ ഉൾപ്പെടെ നിങ്ങളുടെ ഐടിആർ -4 ഫയൽ ചെയ്യേണ്ടതുണ്ട്. ഇടപാടുകളുടെ എല്ലാ രസീതുകളും ഇൻവോയ്സുകളും മറ്റ് രേഖകളും ചെലവുകൾ ക്ലെയിം ചെയ്യുന്നതിന് സുരക്ഷിതമായി സൂക്ഷിക്കണം.

എസ്ബിഐയുടെ വായ്പ

രാജ്യത്തെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ ഉപഭോക്താക്കൾക്ക് വ്യത്യസ്ത ആവശ്യങ്ങൾക്കായി നിരവധി വായ്പാ പദ്ധതികളാണ് വാഗ്ദാനം ചെയ്യുന്നത്. യുവാക്കൾക്ക് പ്രിയപ്പെട്ട സൂപ്പർ ബൈക്കുകൾ വാങ്ങാനും ബാങ്ക് വായ്പ നൽകുന്നുണ്ട്. എസ്‌ബി‌ഐ ഒരു വ്യക്തിക്ക് കുറഞ്ഞത് 2.5 ലക്ഷം രൂപ വരെയാണ് വായ്പ വാ​ഗ്ദാനം ചെയ്യുന്നത്. പരമാവധി 5 വർഷത്തെ തിരിച്ചടവ് കാലാവധിയാണുള്ളത്. കുറഞ്ഞത് വാഹനത്തിന്റെ എക്സ്-ഷോറൂം വിലയുടെ (സൂപ്പർബൈക്കിന്റെ) 15 ശതമാനം വരെ വായ്പ ലഭിക്കും.

malayalam.goodreturns.in
‌