<p>50000 രൂപവരെ മാത്രം ഓഹരി വിപണിയില്‍ നിക്ഷേപമുള്ളവരില്‍ നിന്നും ഡിപി എക്കൗണ്ടിനുള്ള വാര്‍ഷിക ഫീസ് ഈടാക്കേണ്ടെന്ന സെബി തീരുമാനം ഒക്ടോബര്‍ ഒന്നുമുതല്‍ നടപ്പായി തുടങ്ങി.</p> <p><strong>

</strong>ബേസിക് സര്‍വീസസ് ഡിമാറ്റ് എക്കൗണ്ട്(ബിഎസ്ഡിഎ) എന്നു പേരിട്ടിട്ടുള്ള ഈ എക്കൗണ്ടിലൂടെ കൂടുതല്‍ ചെറുകിട നിക്ഷേപം പ്രോത്സാഹിപ്പിക്കുകയാണ് ലക്ഷ്യം. 50001 മുതല്‍ രണ്ടു ലക്ഷം വരെയുള്ള നിക്ഷേപത്തിന് പരമാവധി 100 രൂപ മാത്രമേ ഡിപി ചാര്‍ജ്ജായി വാങ്ങാന്‍ പാടുള്ളൂ.</p> <p>ദിവസേനയുള്ള ക്ലോസിങ് വിലയോ നെറ്റ് അസെറ്റ് വാല്യുയോ കണക്കാക്കിയായിരിക്കും ഇക്കാര്യത്തില്‍ തീരുമാനമെടുക്കുക. നിലവില്‍ കുറഞ്ഞ നിക്ഷേപമുള്ളവരെ ബിഎസ്ഡിഎ എക്കൗണ്ടുകളാക്കി മാറ്റാന്‍ നിര്‍ദ്ദേശിച്ചിട്ടുണ്ട്.</p> <p>ബില്ലിങ് കാലവധിയാകുമ്പോള്‍ ഒരു എക്കൗണ്ടും പരിശോധിച്ച് ബ്രോക്കര്‍ക്ക് ഉചിതമായ തീരുമാനമെടുക്കാന്‍ സാധിക്കും. ഉദാഹരണത്തിന് സീറോ മെയ്ന്റന്‍സ് എക്കൗണ്ടില്‍ ആരംഭിച്ച ഒരാള്‍ രണ്ടു ലക്ഷം രൂപയിലധികം ഓഹരികള്‍ ഹോള്‍ഡ് ചെയ്യുന്നുണ്ടെങ്കില്‍ ആ എക്കൗണ്ട് സാധാരണ അവസ്ഥയിലേക്ക് മാറ്റുകയും ചെയ്യാം. മെയിന്റനന്‍സ് ചാര്‍ജ്ജുള്ള ഈ എക്കൗണ്ടിന് ചില പരിമിതികളുണ്ടെന്നു മാത്രം.</p>