റിസര്‍വ് ബാങ്ക് തീരുമാനം എന്തായിരിക്കും?

</strong>തിങ്കളാഴ്ച ഇന്ത്യന്‍ ഓഹരി വിപണി കാര്യമായ നേട്ടമുണ്ടാക്കാതെയാണ് ക്ലോസ് ചെയ്തത്. റിസര്‍വ് ബാങ്കിന്റെ സാമ്പത്തികാവലോകന റിപ്പോര്‍ട്ട് ചൊവ്വാഴ്ച പുറത്തുവരുമെന്നതിനാല്‍ നിക്ഷേപകര്‍ ഏറെ കരുതലോടെയാണ് വിപണിയെ സമീപിച്ചത്.</p> <p>സെന്‍സെക്‌സ് 10.48 പോയിന്റ് വര്‍ധിച്ച് 18635.82ലും നിഫ്റ്റി 1.30 പോയിന്റ് കൂടി 5665.60ലും ക്ലോസ് ചെയ്തു. യുനൈറ്റഡ് ബ്രിവറീസ് ലിമിറ്റഡ്, ജെഎസ്ഡബ്ല്യു എനര്‍ജി ലിമിറ്റഡ്, ഐഡിയ സെല്ലുലാര്‍ ലിമിറ്റഡ്, സുസ്‌ലോണ്‍ എനര്‍ജി ലിമിറ്റഡ്, ലാന്‍കോ ഇന്‍ഫ്രാടെക് ലിമിറ്റഡ് എന്നീ ഓഹരികള്‍ നേട്ടമുണ്ടാക്കി.</p> <p>യുനൈറ്റഡ് സ്പിരിറ്റ്‌സ് ലിമിറ്റഡ്, ഭാരത് ഹെവി ഇലക്ട്രിക്കല്‍സ്, ഗുജറാത്ത് ഫ്‌ളൂറോകെമിക്കല്‍സ്, ഹാവെല്‍സ് ഇന്ത്യ, ഓപ്‌റ്റോ സര്‍ക്യൂട്ട് ഇന്ത്യ എന്നീ ഓഹരികള്‍ക്കാണ് തിരിച്ചടിയേറ്റത്.</p> <p>അടിസ്ഥാന പലിശനിരക്കുകളില്‍ കുറവ് വരുത്താന്‍ റിസര്‍വ് ബാങ്കിനെ പ്രേരിപ്പിക്കുകയെന്ന തന്ത്രമാണ് ധനകാര്യമന്ത്രി പി ചിദംബരം സ്വീകരിച്ചിരിക്കുന്നത്. നടപ്പുവര്‍ഷത്തില്‍ ധനക്കമ്മി 5.3 ആയി കുറയ്ക്കുമെന്ന് ഉറപ്പ് നല്‍കുന്ന അദ്ദേഹം 2016-17ഓടുകൂടി ഇത് ജിഡിപിയുടെ മൂന്നു ശതമാനമാക്കി മാറ്റുന്നതിനുള്ള കര്‍മപരിപാടിയും മുന്നോട്ടുവെച്ചിട്ടുണ്ട്.</p>