<p>പാന്‍കാര്‍ഡിന് അപേക്ഷിച്ച് ആഴ്ചകളോളം കാത്തിരിക്കുന്നതെല്ലാം ഇനി പഴങ്കഥ. അപേക്ഷിച്ച് 48 മണിക്കൂറിനുള്ളില്‍ പാന്‍കാര്‍ഡ് ലഭ്യമാക്കുന്ന സംവിധാനം നിലവില്‍ വരുന്നു. ഓണ്‍ലൈനായി അപേക്ഷിക്കുന്നവര്‍ക്കാണ് ഈ സൗകര്യം.</p> <p><strong>

</strong></p> <p>ആദായനികുതി വകുപ്പാണ് പത്തക്ക പാന്‍കാര്‍ഡ് നമ്പര്‍ നല്‍കുന്നത്. ഇന്‍കം ടാക്‌സ് ഡിപ്പാര്‍ട്ട്‌മെന്റിന്റെ നയപരമായ കാര്യങ്ങള്‍ തീരുമാനിക്കുന്ന സെന്‍ട്രല്‍ ബോര്‍ഡ് ഓഫ് ഡയറക്ട് ടാക്‌സസ് പുറത്തിറക്കിയ പുതിയ ഉത്തരവിലാണ് 48 മണിക്കൂര്‍ കൊണ്ട് പാന്‍കാര്‍ഡ് നല്‍കണമെന്ന് വ്യവസ്ഥ ചെയ്തിട്ടുള്ളത്.</p> <p>ഇലക്ഷന്‍ ഫോട്ടോ ഐഡന്റിറ്റി കാര്‍ഡി, ആധാര്‍ കാര്‍ഡ് എന്നിവ അടിസ്ഥാനമാക്കി എത്രയും വേഗം പെര്‍മനന്റ് എക്കൗണ്ട് നമ്പര്‍(പാന്‍) അനുവദിക്കണമെന്നാണ് ഉത്തരവിലുള്ളത്. ആദായനികുതി റിട്ടേണുകള്‍ സമര്‍പ്പിക്കാനും ഭൂമി, വാഹനം, ജ്വല്ലറി എന്നിവ വാങ്ങാനും വില്‍ക്കാനും പാന്‍ കാര്‍ഡ് നിര്‍ബന്ധമാണ്.<br />കഴിഞ്ഞ വര്‍ഷം 4.73 കോടി ആദായനികുതി റിട്ടേണുകളാണ് സമര്‍പ്പിക്കപ്പെട്ടത്. അതില്‍ ആറു ലക്ഷത്തോളം എണ്ണം നികുതി വകുപ്പ് സൂഷ്മ പരിശോധനയ്ക്ക് വിധേയമാക്കി.</p> <p><a href="/classroom/2014/10/8-transactions-where-pan-card-is-needed-india-000153.html" target="_blank">സാധാരണക്കാരന് പാന്‍കാര്‍ഡ് ആവശ്യമായി വരുന്ന സന്ദര്‍ഭങ്ങള്‍</a><br /><a href="/classroom/2012/07/pancard-numbers-whats-it-income-tax-000042.html" target="_blank">പാന്‍കാര്‍ഡിലെ നമ്പറുകളെ കുറിച്ച് കൂടുതല്‍ അറിയാന്‍</a><br /><a href="/classroom/2014/04/can-an-individual-hold-two-pan-card-what-are-the-penalties-000132.html" target="_blank">രണ്ടു പാന്‍കാര്‍ഡ് കൈവശം വെച്ചാല്‍</a><br /><a href="/personal-finance/2015/01/what-do-if-you-have-made-pan-card-application-not-received-y-000216.html" target="_blank">പാന്‍കാര്‍ഡിന് അപേക്ഷിച്ചു കിട്ടിയില്ല, ഇനി എന്തു ചെയ്യും?</a></p>