<p>ദുബായ്: ഗള്‍ഫില്‍ ജോലി ചെയ്യുന്ന ഇന്ത്യക്കാര്‍ ഇനി അതിവേഗം ഇന്ത്യയിലേക്ക് പണം അയയ്ക്കാം. ഇന്ത്യയിലെ ഏറ്റവും വലിയ സ്വകാര്യ ബാങ്കായ ഐസിഐസിഐ ബാങ്കും യുഎഇ ആസ്ഥാനമായി പ്രവര്‍ത്തിക്കുന്ന എമിറേറ്റ്‌സ് എന്‍ബിഡിയും തമ്മിലുള്ള കരാര്‍ യാഥാര്‍ത്ഥ്യമായതോടെയാണിത്. </p> <p><strong>

</strong></p> <p>എമിറേറ്റ്‌സ് എന്‍ബിഡിയുടെ ഡയറക്ട്‌റെമിറ്റ് സര്‍വീസിലൂടെയാണ് ഈ സൗകര്യം സാധ്യമാകുന്നത്. ഇന്റര്‍നെറ്റ് ബാങ്കിങ്, മൊബൈല്‍ ബാങ്കിങ്, എമിറേറ്റ്‌സ് എന്‍ബിഡിയുടെ എടിഎം എന്നിവയിലൂടെ ഇന്ത്യയിലേക്ക് പണം അയയ്ക്കാന്‍ സാധിക്കുമെന്ന് ഇരു കമ്പനികളുടെയും പ്രതിനിധികള്‍ വാര്‍ത്താ സമ്മേളനത്തില്‍ അറിയിച്ചു.</p> <p>ആസ്തി വെച്ചു നോക്കുകയാണെങ്കില്‍ പശ്ചിമേഷ്യയിലെ ഏറ്റവും വലിയ ബാങ്കിങ് ഗ്രൂപ്പാണ് എമിറേറ്റ്‌സ്എന്‍ബിഡി. ഒരു മിനിറ്റ് കൊണ്ട് ഇന്ത്യയിലെ ഏത് ബെനിഫിഷ്യറിയ്ക്കും പണം നല്‍കാന്‍ കഴിയുമെന്നത് ആകര്‍ഷകമാണ്. യുഎഇയിലുള്ള മുഴുവന്‍ ഇന്ത്യക്കാര്‍ക്കും ഏറെ ഉപകാരപ്പെടുന്ന സൗകര്യമാണിത്- ഐസിഐസിഐ ബാങ്ക് പ്രതിനിധി വിജയ് ചന്‍ഡക് വ്യക്തമാക്കി.</p>