വിപണി തകര്‍ന്നടിഞ്ഞെങ്കിലും പൊതുമേഖലാ എണ്ണക്കമ്പനിയായ ഇന്ത്യന്‍ ഓയില്‍ കോര്‍പ്പറേഷനിലെ സര്‍ക്കാര്‍ ഓഹരികളില്‍ പത്ത് ശതമാനം വിറ്റഴിക്കാനുള്ള കേന്ദ്ര സര്‍ക്കാര്‍ നീക്കത്തിന് മികച്ച പ്രതികരണം ലഭിച്ചു.

28.74 കോടി ഓഹരികള്‍ (10% ) വിറ്റഴിച്ച വകയില്‍ സര്‍ക്കാരിന് 9,300 കോടി രൂപ ലഭിച്ചു. . കഴിഞ്ഞ ദിവസത്തെ ഓഹരി വിപണിയില്‍ ഐ.ഒ.സിയുടെ മൂല്യത്തില്‍ 4.11 ശതമാനം നഷ്ടമുണ്ടായി. 68.6 ശതമാനമാണ് നിലവില്‍ കേന്ദ്രസര്‍ക്കാറിന്റെ ഓഹരിപങ്കാളിത്തം.

ഇതില്‍നിന്ന് 24.28 കോടി ഓഹരികള്‍ ഓഫര്‍ ഫോര്‍ സെയില്‍സ് രീതിയിലാണ് വിറ്റഴിക്കുക. ഇതിന്റെ അഞ്ചിലൊന്ന് ചെറുകിട നിക്ഷേപകര്‍ക്കായി മാറ്റിവെച്ചിട്ടുണ്ട്. ഇവര്‍ക്ക് വിലയില്‍ അഞ്ചു ശതമാനം ഇളവും അനുവദിക്കും. 387 രൂപയാണ് തറവില നടപ്പു വര്‍ഷം പൊതുമേഖലാ സ്ഥാപനങ്ങളിലെ നിശ്ചിത ശതമാനം ഓഹരി വില്പനയിലൂടെ 69,500 കോടി രൂപ നേടുകയാണ് സര്‍ക്കാരിന്റെ ലക്ഷ്യം.