പൊതുമേഖലാ എണ്ണക്കമ്പനിയായ ഇന്ത്യന്‍ ഓയില്‍ കോര്‍പറേഷന്റെ (ഐ.ഒ.സി.) കഴിഞ്ഞ ദിവസത്തെ ഓഹരി വില്പനയില്‍ 90 ശതമാനവും വാങ്ങിയത് എല്‍ഐസി.

സര്‍ക്കാറിന്റെ കൈവശമുണ്ടായിരുന്ന പത്ത് ശതമാനം ഓഹരികളാണ് തിങ്കളാഴ്ച ഓഫര്‍ ഫോര്‍ സെയില്‍ രീതിയില്‍ വിറ്റഴിച്ചത്. 24.28 കോടി ഓഹരികളാണ് വിറ്റഴിച്ചത് പൊതുമേഖലാ ഇന്‍ഷുറന്‍സ് കമ്പനിയായ എല്‍.ഐ.സി. വാങ്ങിക്കൂട്ടിയത് 20.87 കോടിയാണ്.

ഐ.ഒ.സി.യുടെ 8.59 ശതമാനം ഓഹരികളാണിത്. ഇതോടെ ഐ.ഒ.സി.യില്‍ എല്‍.ഐ.സി.യുടെ ഓഹരി വിഹിതം 2.52 ശതമാനത്തില്‍ നിന്ന് 11.11 ശതമാനമായി ഉയര്‍ന്നു. 387 രൂപയായിരുന്നു ഓഹരിയൊന്നിന്റെ കുറഞ്ഞ നിരക്ക്.

28.74 കോടി ഓഹരികള്‍ (10% ) വിറ്റഴിച്ച വകയില്‍ സര്‍ക്കാരിന് ലഭിച്ചത് 9,300 കോടി രൂപയാണ് . 68.6 ശതമാനമാണ് നിലവില്‍ കേന്ദ്രസര്‍ക്കാറിന്റെ ഓഹരിപങ്കാളിത്തം