മെയ്ക് ഇന്‍ ഇന്ത്യ പദ്ധതിയുടെ ഭാഗമായാണ് കേന്ദ്ര സര്‍ക്കാര്‍ സ്വര്‍ണ്ണ നാണയം പുറത്തിറക്കിയത്. എംഎംടിസി കൊച്ചി ഓഫീസിലും ഇന്ത്യന്‍ ഓവര്‍ സീസ് ബാങ്കിന്റെ ശാഖയിലും ആണ് സ്വര്‍ണ്ണ നാണയം ലഭിക്കുന്നത്. ഇതു കൂടാതെ മറ്റു ശാഖകളിലും താമസിക്കാതെ തന്നെ നാണയം ഉപഭോക്താക്കളുടെ ആവശ്യാനുസരണം ലഭിക്കുന്നതാണ്.

ഈ നാണയത്തിന്റെ ഒരു വശത്ത് ഗാന്ധിജിയുടെ ചിത്രവും മറു വശത്ത് അശോകചക്രവും ആലേഖനം ചെയ്തിരിക്കുന്നു. സ്വര്‍ണ്ണ നാണയം പുറത്തിറക്കിയിരിക്കുന്നത് അഞ്ച്, പത്ത്, 20 ഗ്രാമുകളില്‍ ആണ്. ഉപഭോക്താക്കളുടെ ആവശ്യാനുസരണം നാണയത്തിന്റെ അളവുകളില്‍ വ്യത്യാസപ്പെടുത്തുകയും ചെയ്യുന്നതാണ്. വിപണിയിലെ വില അനൂസരിച്ച് നാണയത്തിന്റെ വില വ്യത്യാസപ്പെടുന്നതാണ്.

ബാങ്കുകള്‍ കൂടാതെ ആവശ്യക്കാര്‍ ഉണ്ടെങ്കില്‍ ജ്വലറികളിലും സ്വര്‍ണ്ണ നാണയം ലഭിക്കുന്നതാണ്. ഇന്ത്യയില്‍ തന്നെ ഉത്പാദിപ്പിക്കുന്ന സ്വര്‍ണ്ണം ഉപയോഗിച്ചാണ് സ്വര്‍ണ്ണ നാണയം ഉണ്ടാക്കുന്നത്. ഇത് എല്ലാ ഉപഭോക്താക്കള്‍ക്കും വളരെ ഏറെ ഉപയോഗപ്പെടുന്ന ഒരു പദ്ധതിയാണ്.