മുംബൈ: മാരുതി സുസുകിക്കു പിന്നാലെ ഹ്യൂണ്ടായി മോട്ടോര്‍ ഇന്ത്യയും കാറുകളുടെ വില വര്‍ധിപ്പിച്ചു.

3000 മുതല്‍ 20,000 രൂപ വരെയാണ് വര്‍ധിപ്പിച്ചത്. ഹ്യുണ്ടായിയുടെ എല്ലാ മോഡലുകള്‍ക്കും വില കൂടിയിട്ടുണ്ട്. ആഗസ്റ്റ് 16 മുതല്‍ പുതിയ വില പ്രാബല്യത്തില്‍ വരും. കഴിഞ്ഞ ദിവസം മാരുതിയും കാറുകള്‍ക്ക് 20,000 രൂപ വരെ വില വര്‍ധിപ്പിച്ചിരുന്നു.Read Also: മാരുതി കാറുകള്‍ക്ക് വില കൂട്ടി

രൂപയുടെ മൂല്യം ഇടിഞ്ഞതും അസംസ്‌കൃത വസ്തുക്കളുടെ വില കൂടിയതും ഉത്പാദനച്ചെലവ് വര്‍ധിപ്പിച്ചു. ഇതാണ് വില വര്‍ധിപ്പിക്കാന്‍ കാരണമായി ഹ്യൂണ്ടായി ചൂണ്ടിക്കാട്ടുന്നത്.

ഹ്യൂണ്ടായിയുടെ എന്‍ട്രി ലെവല്‍ കാറായ ഇയോണ്‍ മുതല്‍ പ്രീമിയം എസ്‌യുവിയായ സാന്റഫേ വരെയുള്ള മോഡലുകള്‍ക്ക് വില വര്‍ധിക്കും. 3.25 ലക്ഷം രൂപ മുതല്‍ 31.75 ലക്ഷം രൂപ വരെ ഡല്‍ഹി എക്‌സ്‌ഷോറൂം വിലയുള്ള കാറുകളാണിവ.