ബെംഗളൂരു: ബജറ്റ് എയര്‍ലൈന്‍സായ ഇന്‍ഡിഗോ എയര്‍ലൈന്‍സില്‍  ഉത്സവകാലത്തോടനുബന്ധിച്ച് അടിപൊളി ഓഫറുകള്‍. 888 രൂപ തൊട്ടാണ് ആഭ്യന്തര യാത്രയ്ക്ക് ചിലവാകുക.

ഒക്ടോബര്‍ 8 മുതല്‍ ബുക്ക് ചെയ്യുന്ന ടിക്കറ്റുകള്‍ ഉപയോഗിച്ച് 2017 ഏപ്രില്‍ 13 വരെ യാത്ര ചെയ്യാന്‍ കഴിയും. എത്ര സീറ്റുകളാണ് ഓഫറില്‍ ലഭ്യമാവുകയെന്ന് കമ്പനി അറിയിച്ചിട്ടില്ല.

ഈ എക്‌സ്‌ക്ലൂസിവ് ഓഫറില്‍ ടിക്കറ്റ് ക്യാന്‍സലായാല്‍ റീഫണ്ട് ലഭ്യമാകില്ല.

ഉത്സവകാല ഓഫറുമായി സ്പൈസ്ജെറ്റും എയര്‍ ഏഷ്യ ഇന്ത്യയും ജെറ്റ് എയര്‍വേസും കഴിഞ്ഞ ദിവസങ്ങളില്‍ രംഗത്തെത്തിയിരുന്നു. 999 രൂപ മുതലാണ് എയര്‍ ഏഷ്യയില്‍ ടിക്കറ്റുകള്‍,888 രൂപ തൊട്ടാണ് സ്പൈസ്ജെറ്റില്‍ ഓഫറുകള്‍, ജെറ്റ് എയര്‍വേസില്‍ 369 രൂപ മുതലാണ് നിരക്ക്. വിസ്താരയില്‍ 999 രൂപ മുതലാണ് ടിക്കറ്റ് നിരക്ക്.